Luttakarar: Malan Kjærbo, Gvøðbjørg West, Jarvin Feilberg Hansen, Sólvør á Løgmansbø og Kala Rajani Hansen.

Hoyr sendingina her.

Hvussu er at hava eitt sjáldsamt navn?

Í morgunsendingini greiddu tey trý, Jarnhold Nattestad, Sigurgunn Kjelnæs og Tóna í Niðristovu frá, hvussu tað er, at hava eitt serstakt navn.

Tað eru reglur fyri, hvussu tú kanst eita og ikki.

Velur tú eitt navn, sum ikki er at finna í listanum yvir góðkend, føroysk fólkanøvn, so skal navnanevndin taka støðu til, hvørt tú kanst brúka navnið til barnið ella ikki.

Í navnanevndini sita trý fólk og tríggir varalimir.

Í morgunsendingini greiddu formaðurin, Anfinnur Johansen, og Heri Joensen, nevndarlimur, frá, hvussu navnanevndin tekur støðu til tey navnauppskotini, sum nevndin javnan fær.

Luttakarar: Petur Hans Dahl, Anfinnur Johansen, Heri Joensen, Agga Niclasen, Unn Krákustein, Jarnhold Nattestad, Sigurgunn Kjelnæs og Tóra í Niðuristovu.

Børnini hjá Agga Niclasen eita Sadie Sigurrós, Malaki, Maika Margreta og Anna Bella. Og nøvnini hjá børnunum hjá Unn Krákustein eru Geyti og Summar.

Hetta eru heldur øðrvísi nøvn, men bæði tvey siga, at tað er ein fyrimunur at hava eitt serligt navn. Eisini vísa tey á, at tað finnast so nógv løgin nøvn, sum eru blivin vanlig, tí so nógva eita tey, og tí má ein vera opin fyri nýggjum og øðrvísi nøvnum.

Signa Vár Dávadóttir Næs Joensen hevur vunnið trý heiðursmerki á Special Olympics.

Hon vann silvur í 200 blandaðari svimjing í gjár, leygardagin, og í  Í dag hevur hon vunnið bronsu í 200 frí og silvur í 100 firvald.

Tróndur Ravnsfjall, ítróttarráðgevi hjá Parasport Føroyar og ferðaleiðari, sigur, at hetta fyrst og fremst er ein sera stór uppliving fyri føroyska ferðalagi.

Harumframt er tað mennandi at vera við, og fleiri vinarbond verða eisini knýtt.

Tað er ilt at siga, um vit fáa fleiri heiðursmerki, men vónirnar eru kortini hampuliga góðar, metir hann.

Tá fyrsta umfar í bestu fótbóltsdeildini hjá monnum var spælt um vikuskiftið, vóru tað fleiri, sum høvdu eina eyka góða grund at fylgja væl við, hvussu dystirnir lagaðu seg.

Tí næstan 1600 fólk høvdu tippað á nýggju Sona-appini.

Hetta prógvar enn einaferð, at føroyingar hava ómetaliga stóran áhuga fyri fótbólti, sigur Lív Egilsdóttir Olsen, samskipari- og søluráðgevi hjá Føroya Tele.

Hóast okkurt úrslit var heldur óvæntað, serliga dysturin, sum TB vann ímóti AB, so vóru 43 fólk, ið høvdu allar dystir rættar.

Hoyr sendingina her

Luttakarar, Dennis Holm, Lív E. Olsen, Kristian Overbech, Brynhild Thomsen og Haidi Tvørfoss

Kinna Poulsen, listaummælarari, leggur dent á, at hon vanliga heldur listafólk og listaverk atskild. Kortini kennir hon seg ávirkaða av nýggja heimildarfilminum um Michael Jackson, Leaving Neverland.

Hon væntar, at tað sum heild verður lurtað eitt sindur minni eftir hansara tónleiki næstu árini.

Kinna Poulsen vísir á, at nærleiki og fjarleiki spælir ein týðandi leiklut.

Enn er filmurin feskur í huganum hjá hyggjarunum, og tí er ávirkanin rættiliga sterk júst nú. Samtíðin er ógvuliga moralsk, minnir listaummælarin á.

Í vitanartáttinum í dag var evnið pædofili. Hetta er í sambandi við nógv umrødda filmin "Leaving Neverland", ið snýr seg um tveir menn, sum greiða frá, hvussu Michael Jackson misbrúkti teir sum smádreingir.

Meiningarnar um filmin er nógvar og ymiskar. Summi siga, at Michael Jackson er sekur, meðan onnur siga, at teir báðir, Wade Robson og James Safechuck, bert gera hetta fyri pengar.