Hoyr sendingina her,

Luttakarar, Kári Olsen, Svanna Hanusardóttir, Laila Olsen, Svanna Jákupsdóttir og Bjarni Arge

Fáir føroyskir bólkar hava lagt so nógvar sangperlur eftir seg sum Vestmenn.

Nú ber til at uppliva bólkin, sum var stovnaður fyri meiri enn 35 árum síðani, á palli.

Konsertin verður í Norðurlandahúsinum leygarkvøldið.

Martin Joensen, gittar og sang, Ólavur Højgaard, sang,og Niels Olsen, harmonika, vitja morgunsendingina.

Teir eru allir upprunalimir og vóru partur av fyrstu útgávuni, Brot, sum kom á marknaðin í 1983.

Henda útgávan telist millum best seldu í Føroyum nakrantíð, og limirnir í bólkinum blivu heimskendir í Føroyum eftir ongari tíð.

Luttakarar: Leivur Frederiksen, Annita á Fríðriksmørk, Páll á Reynatúgvu, Ólavur Højgaard, Martin Joensen, Niels Olsen og Elin Henriksen.

Mánadagin 25. mars eru 200 ár liðin, síðani V. U Hammershaimb varð føddur.

Dagurin er móðurmálsdagur í Føroyum, og í Málteiginum tosar Elin Henriksen um skriftmálið fyrr og nú, um avbjóðingar og týdningin av móðurmálinum.

Á ella í Malta

Nú føroyska A-landsliðið í fótbólti er farið undir sína 15. altjóða undankapping, verður spurningurin um tað eitur í ella á oyggj viðgjørdur.

Elin Henriksen sigur, at henni vitandi, finnast ongar greiðar og logiskar reglur fyri, um tað eitur í ella á Malta.

Bjarni Arge gjørdi saman við tveimum øðrum satirusíðuna Føroya Portalurin, sum fekk føroyingar at flenna - og láturin er ikki steðgaður, tí í dag ger hann saman við Jóan Paula Dahl Jakobsen podcastin Amatøroyar, sum í dag er í 24 pørtum, og sum tilsamans hava 120.000 avspælingar.

Í morgunsendingini í morgun spurdu vit hann, hvat skal til fyri at fáa fólk at flenna, hvar markið gongur millum tað skemtiliga og tað meira óreina, og um hann dugir at flenna eftir sær sjálvum.

Luttakarar: Malan Kjærbo, Gvøðbjørg West, Jarvin Feilberg Hansen, Sólvør á Løgmansbø og Kala Rajani Hansen.

Hoyr sendingina her.

Luttakarar: Kári Olsen, Svanna Hanusardóttir, Laila Olsen, Svanna Jákupsdóttir og Bjarni Arge.

- Einki barn kemur til hondbólt fyri at sita á bonkinum. Tí skulu øll eisini hava møguleika fyri at læra at spæla hondbólt og verða partur av tí felagsskapinum, sum tú finnur í hondbóltsumhvørvinum.

Orðini eigur 66 ára gamla Svanna Hanusardóttir úr Havn, sum í heili 50 ár hevur verið venjari í hondbólti.

Herfyri heiðraði Hondbóltssamband Føroya Svannu fyri hennara drúgva arbeiði í føroyskum hondbólti.

Sum venjari hjá børnum og tannáringum hevur hon altíð hugsað, at øll skulu fáa møguleikan at spæla hondbólt og læra spælið. Tað merkir tó ikki, at øll blíva góð.

Foreldrini hava ein týðandi leiklut, tá børn ikki sleppa á besta liðið.

Tað snýr seg um at leggja í børnini, at tey hava virði, líkamikið um tey verða vald til besta liðið ella ikki.

Teirra samleiki er annað og meira enn tað, leggur heilsufrøðingurin, Kala Rajani Hansen, dent á.

Evnið í serfrøðingatáttinum er teir trupulleikar og ivamál, ið kunnu taka seg upp, tá talan er um breidd og elitu í ítróttarhøpi.

Eisini verða fleiri viðmerkingar frá lurtarum lisnar og viðgjørdar.

Patrik Sjøberg var víðagitin fyri síni framúrskarandi evni sum hæddarleypari. Men tað, sum eingin visti, var, at hann bleiv kynsliga misbrúktur av venjara sínum, sum eisini gjørdist fosturpápi hansara.

Ikki fyrr enn venjarin doyði, og Patrik Sjøberg ásannaði, at hann als ikki kendi nakra sorg, fann hann dirvi at fortelja umheiminum um sínar upplivingar. Nú kemur hann til Føroya at halda fyrilestur um misnýtsluna.

Og nettupp tað, at dreingir ikki siga frá, er afturvendandi, siga Malan Kjærbo og Gvøðbjørg West, sum umboða Kris.