Í morgin fara 10 ítróttarfólk frá Parasport Føroyum til Dubai.

Tann 14. til 21 mars eru nevniliga Special Olympics World Games í Dubai, og hetta er ein stór, altjóða kapping fyri fólkum við menningartarni. Ikki færri enn 7000 luttakarar plaga at vera við til hesa árligu kappingina.

Tvær, sum eru partur av føroyska ferðalagnum, eru Meiken Salberg Olsen og Hilda Poulsen. Tær luttaka í ávikavist frælsum ítrótti og bocce.

Í morgunsendingini greiddu tær frá, hvssu tær hava vant fram til stóru kappingina, og hvat tær vænta av úrslitum.

Jan Ziskasen arbeiðir í dag sum stjóri á Føroya Tele, og tað hevur hann gjørt seinastu trý árini. Men áðrenn hann gjørdist stjóri á Føroya Tele, hevur hann starvast sum stjóri í fleiri risafyritøkum í bæði London og Chicago.

Í morgunsendingini í morgun prátaðu vit við Jan Ziskasen um, hvat krevst fyri at náa til tops uttanlands samanborið við heima í Føroyum. Vit prátaðu eisini um, hvussu tað er at koma aftur til Føroya aftan á 25 ár í útlondum.

Onkrar tíðir kundu verið betri, ásannar Jonhard Larsen, sum sjálvur var akkurát ov stuttur at røkka persónliga málinum at renna teinin undir tríggjar tímar.

Fyri ein í ferðalagnuma, Henry Olsen, var upplivingin serstøk. Hetta var tað síðsta av sonevndu Six Majors, sum hann hevur runnið.

Fyri avrikið fekk Henry Olsen gávu handaða í Tokyo.

Tá ferðast verður saman á henda hátt, snýr tað seg ikki bara um renning.

Tað er ógvuliga sosialt, og føroyska ferðalagið nýtir høvið at uppliva landið Japan, ið er so nógv øðrvísi enn Føroyar.

Luttakarar: Benny Ejdesgaard, Jonhard Larsen, Janus Vang og Haraldur S. Hansen.

Hoyr sendingina her.

Fyrstu EMBLU-heiðurslønirnar vórðu handaðar í 2017.

Hóast Føroyar tá bara vóru tilnevndar í fýra bólkum, vórðu ikki færri enn tríggjar vunnar.

Heimablídnisskipanin vann sum besta matferðamál, Dímunargarður vann sum besti rávøruframleiðari og Leif Sørensen vann sum besti mathandverkari.

Hesaferð eru Føroyar við í øllum bólkum, og tí trúgva vit upp á, at úrslitið verður enn betri hesaferð, sigur Janus Vang, stjóri á Granskarasetrinum iNOVA.

Í 2019 verður handanin í Hørpu í Reykjavík, samstundis sum Nordic Chefs Association skipar fyri ráðstevnu.

Hoyr sendingina her

Luttakarar, Petur Hans Dahl, Eyðfinn Jensen, Dánjal Samuelsen, Armgarð Arge og Torgunn á Løgmansbø

Hoyr sendingina her.

Luttakarar, Petur Hans Dahl, Eyðfinn Jensen, Dánjal Samuelsen, Armgarð Arge og Torgunn á Løgmansbø.

- Eg visti eitt ella annað stað, at hetta ikki var ein blóðtøppur ella okkurt tílíkt. Eitt skógarmáttubit og borrelia var alla tíðina í mínum tonkum.

Tað sigur Dánjal Samuelsen, sum fekk staðfest sjúkuna Borreliose í desember. Sjúkan kemur av bakteriuni Borrelia, sum fólk kunnu fáa í sambandi við skógarmáttubit.

Jensina og ljóðfílurin eru nú flutt í fagra Pappadalin - og góða, gamla loynihurðin er flutt við.

Tíggju ár eru liðin, síðani ljóðfílurin bleiv til. Hóast vaksin ikki hoyra hann tosa, so skilja børn ljóðfílin, sigur Jensina.

Ein týðandi partur í nýggju sendirøðini er ein kreativur verkstaður.

Bæði børn og vaksin kunnu royna síni kreativu evni saman við Jensinu.

Átta partar eru gjørdir í røðini Pipp Papp Hey!

Hann hevur leitað eftir nøvnunum á Facebook, men har kom ein ørgrynna av uppskotum fram. Og so hevur hann ikki gjørt meir.

Tann 29 ára gamli Dánial Gomez Gudjónsson, sum varð ættleiddur úr Kolumbia til Føroya sum fimm mánaðir gamal, hevur onga tráðan eftir at finna biologisku foreldrini.

- Eg havi tað gott og havi eina fantastiska familju, so sum nú er, føli eg ikki ordiliga, at eg havi brúk fyri at vita so nógv um biologisku familjuna í Kolumbia, sigur Dánial Gomez Gudjónsson.

Hann dylir tó ikki fyri, at hetta kanska fer at broytast, sum hann blívur eldri.