Annar og seinasti partur av sendingini "Aftur til upprunan" varð send í gjárskvøldið. Sendingin er um Duritu Granada Thomassen, sum er ættleidd úr Kolumbia, sum fer at leita eftir síni familju har. Hon finnur mammu sína og fýra systrar.

Fyrstu fetini til sendingina vóru tikin á heystið 2017, og nú spyrja vit hana, hvussu hevur verið at hitta sína familju í Kolumbia, og hvat status er í dag. Hon sigur at tilgongdin hevur verið við blandaðum kenslum, men hon leggur dent á, at hetta hevur verið sera gevandi fyri hana.

Nú ein dagin vóru Laura Kathrine Apol og fimm ára gamla dóttirin, Jóna Bjørg, úti og gingu ein túr.

Túrurin fekk Jónu Bjørg at undrast á alt ruskið hon sá.

Tá tær vóru komnar til hús aftur, varð avgjørt at skipa fyri rudding.

Tí bleiv eitt videobrot við eini áheitan lagt út á Facebook. 

Jóna Bjørg ætlar sær at rudda leygardagin.

Byrjað verður við SMS, uttanfyri Rit & Rák, klokkan 10, og hon vónar, at onkur kemur at hjálpa.

Ætlanin var upprunaliga, at tað bara skuldi vera ein lítil kapping, sum síðani skuldi vaksa næstu árini.

Tað vísti seg tó skjótt, at áhugin at vera við var nógv størri, enn fyriskipararnir høvdu roknað við.

Jákup Sørensen, limur i Føroya bridgesambandi, sigur, at tey høvdu vónað, at eini 20 pør teknaðu seg.

Men tá 52 høvdu boðað frá luttøku, var kappingin fullteknað.

Hetta er ein altjóða kapping, sum tó ikki hevur teir sterkastu spælararnar við.

Tað er lætt at siga, at mann er opin og góðtakandi. Eitt heilt annað er at vera opin og góðtakandi í sínum gerðum.

Gurið Petersen, kandidatur í pedagogiskari sálarfrøði, hevur kannað, hvussu tað er at liva við sálarsjúku í Føroyum. Hon sigur, at vit duga væl at góðtaka fólk við sálarsjúku við okkara orðum, men ikki so væl við okkara gerðum, tí sannleikin er tann, at tey ofta kenna seg uttan fyri felagsskapin.

Eisini vísir hon á, hvussu umráðandi tað er, at fólk við sálarligum avbjóðingum vera hildin í gongd og kenna seg sum ein aktivan part av samfelagnum, tey liva í.

Ofta hoyrir mann søgur um lærarar, sum slógu skúlabørnini. Fyrr var púra vanligt, at skúlabørn, sum ikki skikkaðu sær soleiðis, sum lærarin ynskti, vórðu flongd ella fingu aðra líknandi revsing. Men í dag hava vit tíbetur eina lóg, sum verjir skúlabørn móti júst tí.

Føroyingar eru rættiliga tilvitaðir um at røkta húðina væl.

Men fleiri gera ein stóran feil: Brúka heitt vatn til at reinsa húðina.

- Tað er als ikki gott fyri húðina, tí hon hevur lyndi at turkast upp, tá vit brúka vatn. Ístaðin kanst tú brúka eina góða reinsimjólk, skintonic og enda við einum góðum, vætugevandi kremi.

Soleiðis sigur Annika Thorsvig, sum er kosmetologur. Í morgunsendingini gav hon lurtarunum góð ráð um húð og húðrøkt.

Tá ferðafólk hjá Atlantic Airways fríggjadagin skuldu úr Keypmannahavn til Vágar, gekk túrurin ikki so lætt, sum tey høvdu væntað.

Innflugvingin bleiv merkt av heldur óvanliga ógvusligum turbulensi, og tað hevur fingið nøkur av ferðafólkunum á túrinum at fortelja um hesa upplivingina á sosialu miðlunum og í fjølmiðlum.

Kurt Fossaberg er Flight Safety Officer hjá Atlantic Airways og arbeiðir við trygdini í sambandi við flogferðslu. Í morgunsendingini greiddi hann frá innflúgvingini fríggjadagin:

667.

Hetta er talið av fyrispurningum, sum Rættarhjálp Føroya fekk frá føroyingum í fjør.

Rættarhjálpin veitir borgarum løgfrøðiliga hjálp og ráðgeving ókeypis, og tað er serliga eitt evni, sum fólk leita sær ráðgeving um. Tilsamans 15 prosent av fyrispurningunum í fjør snúðu seg um arv og skifti.

Í dag byrjar Tórshavn Filmfestival, og tað merkir, at frá í dag av og til og við mikudagin ber til at síggja eina røð av ymiskum filmum - bæði føroyskir og útlendskir.

Og at hyggja at filmi er nakað, sum føroyingum dámar væl.

Í morgunsendignini greiddi Birgir Kruse, sum er formaður í Filmsfelagnum og í Geytanevndini, frá um biografvanar hjá føroyingum.

Í hesum sambandi vísti hann á eitt yvirlit frá Havnar Bio, sum vísir, hvørjir eru mest sæddu filmarnir í Havnar Bio seinastu fimm árini.

Her er listin:

Hoyr sendingina her

Luttakarar, Petur Hans Dahl, Bergtóra Høgnadóttir, Ann Andreasen, Noomi Reinert og Lena og Rúni