Hoyr sendingina her

Luttakarar, Jóhann Mortensen, Tummas í Garði, Sæunn Ó. Hansen, Birgir Kruse, Jón Brian Hvidtfeldt og John Petersen

Landssjúkrahúsið er væl fyri, nú 95 ára stovningardagurin er í morgin, siga Sæunn Ólavsdóttir Hansen, leiðslufulltrúi og leiðandi læknaskrivari, og Tummas í Garði, anestesilækni.

Tey hava starvast á Landssjúkrahúsinum í ávíkavist 30 og 20 ár. Tey hava bæði sæð grundleggjandi broytingar hesi árini. 

Millum størstu avbjóðingarnar er at tryggja, at starvsfólk støðugt hava vitanina og útbúgvingarnar, ið skulu til. 95 ára stovningardagurin verður hildin við stórari starvsfólkaveitslu leygarkvøldið.

Hoyr sendingna her

Luttakarar, Djóni Joensen, Oda V. Andreasen, Elsa H. av Reyni og Elin Henriksen

Í Málteiginum hesaferð hava vit sett málburð í miðlunum á breddan.

Tosað verður um týdningin av góðum málburði í miðlunum, sama hvør miðilin er, og hugburðin hjá teimum, sum arbeiða í miðlunum til tað, at tey eru at skilja sum málsligar fyrimyndir.

Elin Henriksen er gestur í útvarpsstovuni, og ymisk dømi um málburð og framburð eru til viðgerðar.

At vera dómari gevur tær nógvar góðar eginleikar, sum eisini kunnu brúkast í øðrum høpi. Tú lærir at leiða, taka avgerðir og skapa virðing rundan um teg sjálva.

Tað er gott at hava í sínum lívsrensli, eru Oda Wilhelmsdóttir Andreasen og Elsa Henrysdóttir av Reyni samdar um. Tær hava verið fótbóltsdómarar í ávíkavist 7 og 10 ár.

Fleiri fantastiskar upplivingar knýttar at tí at vera dómari. Tú sleppur út um landið, tú kanst sleppa uttanlands at døma, og tað verða skaptar tættar relatiónir.

Seinastu vikurnar hava nógv havt krím og beinkrím, og bæði arbeiðspláss, barnagarðar og skúlar eru merkt av sjúkradøgum seinastu tíðina.

Men hví eru so nógv fólk sjúk samstundis? Og hvat kunnu vit gera fyri at fyribyrgja, at vit smitta og sjálvi verða smittað?

Djóni Joensen, lækni í Kollafirði, sigur, at hondreinføri er avgerandi. Hann vísir eisini á, at tað at sjúk fólk fara til arbeiðis, ístaðin fyri at vera heima, kann viðføra, at fleiri á arbeiðsplássinum verða smittað.

Fríggjadagin í farnu viku bleiv ársins fyrstu hjálpari kosin av Reyða krossi.

Hesaferð bleiv tað manningin umborð á Norðingi, sum fekk hetta herðaklappi.

Men hvat skulu okkara sjófólk duga og vita, tá ein persónur umborð kemur illa fyri av eini ella aðrari orsøk?

Einar Klakstein er sjúkrafrøðingur, og á Sjónámi í Klaksvík gevur hann frálæru í sjúkraviðgerð á sjónum.

Kendi danski boksifyriskiparin, Mogens Palle, umhugsar at stíla fyri HM-boksistevnu í Føroyum.

Um kappingin verður veruleiki, so skal Sarah Mahfoud verða í miðdeplinum.

Síðani Sarah Mahfoud bleiv yrkisboksari, hevur hon verið í ringinum 8 ferðir, og hvørjarferð hevur hon vunnið.

Nú hevur hon vunnið sær rætt til ein HM-dyst.

- Hetta krevur ómetaliga nógv av mær, men eg livi mín dreym, sigur 29 ára gamla, Sarah Mahfoud, ið, umframt at hon boksar, bæði lesur til sjúkrarøktarfrøðing og arbeiðir .

Tá danska realitysendingin, Paradise Hotel, byrjar um nakrar vikur, verður 23 ára gamli Teitur Skoubo Juliansson millum teir 10 ungu luttakararnar, sum vit fara at síggja á stóra marglætishotellinum í Meksiko.

Tað var í fjør, at Teitur Skoubo Juliansson valdi at senda umsókn til TV3, tá tey sóknaðust eftir ungum, veitslusinnaðum luttakarum til kendu sjónvarpsrøðina.

- Eg havi sæð fleiri av sendingunum og havi altíð viljað sloppið við í Paradise Hotel, so eg valdi bara at søkja, sigur Teitur.

Hvussu er at liva sum nunna í einum samfelag, har materialisman og selfie-mentanin hava fest røtur? Og ber til at vera lukkuligur uttan maka, børn, eitt vællønt arbeiði, pengar og fleiri árligar uttanlandsferðir?

Í "Eini síðu av mær" í morgunsendingini í morgun greiddi Maria Forrestal frá, hvussu tað er at liva sum nunna.

Tað at vera nunna er besta avgerðin, hon hevur tikið, sigur hon. Hon leggur tó aftrat, at hetta ikki merkir, at øll skulu liva sum hon.