Týsdagur 5. februar í ár er ein heilt serligur dagur í Kina.

Í dag byrjar nevniliga kinesiska nýggjárið - ein høgtíð, ið verður hátíðarhildin í eini átta dagar.

- Nógv verður gjørt burturúr, men tá tað kemur til siðvenjurnar, so eru tær rættiliga nógv tengdar at, hvar í landinum tú ert staddur, sigur Dávid Fossdalsá, sum saman við Jóhonnu Magnusardóttir hevur lisið og arbeitt í Kina síðani 2013.

Í fleiri umførum hava tey bæði upplivað at hátíðarhalda kinesiskt nýggjár, sum plagar at vera fyrst í februar.

Hetta sigur kommunulækmin Amalia Danielsen, sum vitjaði í útvarpsstovuni í morgun.

Hoyr sendingina her.

Luttakarar, Petur Hans Dahl, Elin Winther Poulsen, Hildigunn Thomsen, Ernst D. Remmel og Turið Teitsdóttir.

Tá ung eru tilvitað um síni egnu mørk og mørkini hjá øðrum, duga tey betur at siga frá og skapa felagsskapir, har persónlig mørk verða vird.

Í døgunum 4. til 8. februar ferðast tiltakið Vika sex 2019 til allar yrkis- og miðnámsskúlar í Føroyum.

Evnið er "MERK MØRK", tí tað er ein sannroynd, at farið verður út um mark, bæði síni egnu og mørk hjá hvør øðrum.

Vøggusangur, babysvimjing og onnur stimbran er góð fyri menningina hjá børnunum, men vit hava sæð ein sakn, ella ein tørv á, at foreldur í barsil, eisini kunnu stimbrast uttan fyri "babybobluna," siga tær báðar, sum skipa fyri hesum barsilsfyrilestrum, Bjørk Lind og Turid Teitsdóttir.

Ætlanin er at skipa fyri einum fyrilestri um mánaðin.

Fyrsti fyrilesturin verður mánadagin 11. februar í Norðurstovu í Norðurlandahúsinum og tað er CeCe, sum hevur fyrsta fyrilesturin.

Turid Teitsdóttir er í útvarpsstovuni og greiðir frá

Hoyr sendingina her

Luttakarar, Marjun Cole, Bogi Bech Jensen, Uni Næs, Kirstin Hansen og Jón Brian Hvidtfeldt

Marjun Cole, sum er ættað úr Havn, greiddi frá herviliga kuldanum, sum hevur herjað partar av USA seinastu vikuna. Í býnum, Shakopee, har hon býr, hevur verið niður í minus 34 stig, og skúlar og aðrir stovnar hava verið stongdir. Kuldin er tó av á hesum sinni, og næstu dagarnar verður lovað upp í pluss seks stig.

Wrangler Shop, sum hevur verið í miðbýnum í Havn í meir enn 40 ár, letur nú aftur.

- Eg verði 70 ára gomul seinni í ár, so nú ætli eg mær at njóta tilveruna og hava góðar stundir til at vitja fólk, fara í bindiklubb og gera ymiskt annað, sum er fyri pensjónistar.

Tað sigur 69 ára gamla Kirstin Hansen, sum hevur staðið innan fyri handilsdiskin í Wrangler, sum størsta partin av tíðini hevur ligið í Niels Finsens gøtu nummar 23.

Hoyr sendingina her

Luttakarar, Sølvi Sjúrðarson, Niclas Heri Jákupsson og Annika S. Biskupstø

Nógv gransking og nógvar kanning eru, sum ikki síggja dagsins ljós. Ritgerðir, sum standa á onkrari hill onkra staðni, og sum bara verða lisnar av heilt fáum.

Í morgunsendingini hava vit gjørt av at taka ymiskar ritgerðir av hillunum og fáa fólk, sum hava granskað og kannað ymiskt at greiða okkum frá síni vitan. Og í morgunsendingini í morgun greiddi Annika Steintórsdóttir Biskupstø frá, hvørjar avbjóðingarnar modernaði sjómaðurin hevur. Hon hevur nevniliga kannað, hvat ymsu umhvørvini - sjólívið og heimalívið - gera við sjómannin og sjómansfamiljurnar.