Morgunsendingin var á Glyvrum og vitjaði Regin Jacobsen, sum saman við familjuni eigur ein part av Bakkafrost. Eisini hevur hann verið stjóri í fyritøkuni síðani 1989.

Vit hava spurt hann, hvat hann sum eigari og stjóri hevur gjørt serligt fyri at menna og uppbyggja Bakkafrost til ta stóru fyritøku, sum hon er í dag. At læra av sínum mistøkum og at vera eyðmjúkur og álítandi eru nakrar av orsøkunum til, at fyritøkan er so stór í dag, sigur Regin Jacobsen.

Tað er ein grundleggjandi broyting, ið fer fram, tá eitt par fær sítt fyrsta barn.

Mamman upplivir stórar biologiskar broytingar, men eisini pápin ásannar, at gerandisdagurin er heilt øðrvísi.

Serliga tann fyrsta tíðin kann vera trupul. Skyldur, ábyrgd, lítil svøvnur og mangt annað.

Tað ræður um at koma ígjøgnum fyrstu árini. Eftir hesa tíðina, verður parlagið enn sterkari, sigur Kala Rajani Hansen, heilsufrøðingur, sum eisini svarar spurningum frá lurtarum.

Dánjal Samuelsen, ið hevur drúgvar royndir sum hondbóltsdómari, og Lassin Isaksen, dómaraleiðari í Fótbóltssambandinum, eru á einum máli um, at tað er í lagi, at tað verður rópt eftir mótstøðuleikarunum.

Tað ger einki, at tað hoyrist, hvør eigur heimavøllin. Rópini ger eisini sítt tíl at skapa ein stemning. Hetta er innanfyri mark.

Øðrvísi er, tá talan er um eyðmýking av einstøkum spælara.

Er talan um rasismu, er tað beineliðis brot á galdandi reglur. Tá eru greiðar mannagongdir, sum dómarin skal brúka, sigur Lassin Isaksen.

Hoyr sendingina her

Luttakarar, Sólbjørg Jakobsen, Lassin Isaksen, Dánjal Samuelsen, Thorleif Joensen og Kala Rajani Hansen

Eitt ár er liðið, síðani Local.fo, netmiðilin, sum borðreiðir við tíðindum um føroysk viðurskifti á enskum, byrjaði sítt virksemi.

Torleif Joensen, stjóri, sigur, at hann fekk hugskotið fyri nøkrum árum síðani, tá hann búði í Íslandi.

Hann dugdi tá ikki íslendskt, og tí kom enska blaðið, Grapewine, væl við.

Við tí bar til at fáa innlit í íslendsk viðurskifti, hóast hann ikki dugdi málið.

Redaktionelt hevur Local.fo sett sær fyri at skirva um øll viðurskifti. Eisini um eitt nú grindadráp.

Millum teir tilsamans 15.000 áskoðararnar, sum vóru í ítóttarhøllini Boxen í Herning, har Danmark og Norra spældu um heimsmeistaraheitið í hondbólti, vóru fleiri føroyingar.

Ein teirra var Eyðun Samuelsen, sum er fyrrverandi altjóða dómari í hondbólti. Sambært honum var talan um eina fantastiska uppliving í gjárkvøldið.

- Tað er ringt at lýsa, men stemningurin var so ótrúligur, at hatta má bara upplivast, sigur Eyðun Samuelsen, sum tó leggur afturat, at sjálvur dysturin ikki var serliga spennandi:

Hon hevur brúkt nógva tíð og orku upp á fótbólt og alt tað arbeiðið, ið er rundan um eitt fótbóltsfelag.

Tí hevur Venjarafelagið valt Honnu Olsen at vera ársins eldsál 2018.

- Tað krevst nógv sjálvboðið arbeiði í sambandi við eitt nú bara ein fótbóltsdyst. Og fyri meg er umráðandi, at øll, sum hjálpa til, eru líka nógv vird, sigur Hanna Olsen, sum seinastu mongu árini hevur verið virkin í fótbóltsfelagnum Víkingi, har hon eisini situr í nevndini.

Og júst tað, at vera kvinna og gera nevndararbeiði, hevur stóran týdning fyri Honnu Olsen:

Fríggjadagin vórðu ársins leiðarar 2019 kosnir á Hotel Føroyum.

Ársins leiðari hjá tí almenna er Hedvig Johansdóttir, sum er stjóri í Dugna, og ársins leiðari hjá tí privata er Árni Ellefsen, stjóri hjá BankNordik.

Árni Ellefsen var í útvarpsstovuni í morgun, har hann greiðir frá, hvat ein góður leiðari er, og hvussu leiðslan hjá BankNordik hevur skipað seg.

Tað var 26. januar í 1919, at seinastu fólkini fluttu úr Skarðsbygd. Men bygdin hevur enn sera stóran týdning, sigur Óluva Klettskarð, sum bæði er ættað av Skarði og søgufrøðingur. Morgunsendingin fekk eitt prát við hana um søguna hjá bygdini, og hvønn týdning Skarðsbygd hevur í dag, nú 100 ár eru liðin, síðan fólk búðu har.

Tað er samansetingin í orkestrinum, ella klangurin, sum ger horntónleikin so hugtakandi. Tað sigur Jógvan Finnur Poulsen, sum er formaður í Fuglafjarðar hornorkestri.

Hann leggur aftrat, at orkestrið er væl fyri, nú tað verður 50 ár. Fólk møta hugagoð upp til venjingar, og tað sosiala hevur stóran týdning.

Um søguna verður greitt soleiðis frá:

Orkestur hevði verið í 50árunum, men tað var ikki virkið.

Tað hevði verið róð fram undir at fáa gongd á aftur, og í 1969 bragdaði. Stovnandi fundur varð hildin í skúlanum.