- Eg var óvanliga troyttur og hevði onga orku. Og so svav eg eisini øgiliga illa.

Orðini eigur 50 ára gamli Jónfinn Petursson úr Havn.

Hann er millum teir umleið 2500 føroyingarnar, sum hava svøvnapnø. Eitt fyribrigdi, tá fólk, sum sova, fleiri ferðir hvørja nátt halda uppat at anda.

Fyri umleið seks árum síðani fekk Jónfinn Petursson staðfest svøvnapnø.

- Tað var ein lætti at fáa staðfest, hví eg svav so illa, ongantíð kendi meg úthvíldan og var óvanliga troyttur um dagarnar, greiðir Jónfinn Petursson frá.

Liðin eru heili seks ár, síðani Týr læt sína seinastu útgávu, Valkyrja, úr hondum.

Tað eru fleri orsøkir til, at so long tíð er gingin, sigur Heri Joensen, ið er sangari, gittaristur og sangskrivari.

Arbeiðslagið hevði verið ógvuliga hektiskt í fleiri ár, og viðhvørt vóru menn ikki heilt nøgdir við úrslitið.

8. mars kemur fløgan Hel út á plátufelagnum Record Blade. Heri Joensen heldur, at tónleikurin kanska er meiri fjølbroyttur hesaferð.

Terji Skibenæs og Gunnar Thomsen hava størri leiklut í sangskrivingini.

Nær hevur tú seinast bustað og kannað tenninar hjá tínum kelidjóri?

Uttan iva er tað langt síðani seinast, tí sambært djóralæknanum, Anniku P. Nørspang, hava nógv djór vánaligar tenn og munnheilsu sum heild.

- Nógv fólk, sum hava kelidjór, geva sær als ikki far um, at djórini kunnu fáa tannstein, bruna, hol og annað í munninum, júst eins og vit menniskju. Og tí er umráðandi, at tú sum eigari av einum djóri eisini ert tilvitaður um tannrøktina hjá djórinum, sigur Annika Patursson Nørspang.

Hoyr sendingina her

Luttakarar, Petur Hans Dahl, Sólvit Nolsøe, Sigurd Lamhauge, Teitur Samuelsen, Pauli Trond Petersen og Magni Blástein

Knapt 30.000 ferðafólk vitja Vestmanna hvørt ár. Og áhugin er vaksandi. Í tí sambandi var ein borgarafundur um ferðavinnu í Vestmanna í gjárskvøldið, har greitt var frá, hvussu núverandi ferðavinnan sær út, og hvørjar framtíðarætlanir kommunan hevur.

Møguleikarnir eru nógvir, og tí verður fólkið í bygdini eggjað til at taka ein aktivan leiklut, siga Pauli Trónd Petersen, borgarstjóri, og Magni Blástein, sum er settur at menna ferðavinnuna í Vestmanna.

Teir hava borað og sprongt niðureftir seinastu tvey árini, og hóskvøldið komu teir niður á lægsta punktið, sum er 189 metrar undir vatnskorpuni. So nú gongur bara ein veg, og tað er uppeftir.

Góðan morgun Føroyar var við Teiti Samuelsen, tunnilsstjóra, og Sigurdi Lamhauge, sáttmálaleiðara, í tunnlinum fríggjadagin, har teir greiddu frá, hvussu gingist hevur og hvørjar avbjóðingar standa fyri framman.

Ein hin mest umrøddi maðurin seinastu dagarnar er tingformaðurin, ella the speaker, í undirhúsinum í Bretlandi, John Bercow.

Sólvit Nólsøe, stjórnmálafrøðingur, ið hevur lisið í Bretlandi, greiðir frá, at uppgávan hjá tingformanninum er, at halda skil á orðaskiftinum.

Hann skal taka og geva orðið. Men tó hevur hann størri heimildir, enn tingformaðurin í Føroyum hevur.

John Bercow kann taka orðið frá røðara, um viðkomandi eitt nú tosar upp í saman ella tosar um viðurskifti, sum eru óviðkomandi.

Tað finst nógv greinsking, sum ongantíð sær dagsins ljós millum fólk. Ritgerðir, sum liggja á onkrari hill onkrastaðni, sum bara eru lisnar av heilt fáum. Í morgunsendingini hava vit tikið eina ritgerð av hillini og hava fingið Súsonnu Jógvansdóttir Golan at greiða frá síni gransking um, nær tað er rætt at fara í kríggj.

Hoyr sendingina her

Luttakarar, Guttormur Sørensen, Súsanna Golan, Jón Brian Hvidtfeldt og Páll Nolsøe

Søgan um Magnus Heinason er umstrídd.

Í hugaheiminum á fleiri er hann tjóðarhetja, men so eru onnur, ið vilja vera við, at hann var ein brotsmaður, sum hevði uppiborið sína revsing.

Páll Nolsøe, sum læt úr hondum bók um Magnus Heinason í 2016, sigur, at hann var ógvuliga samansettur sum persónur.

Hann var ein ævintýrari, ið framdi nógv brøgd og roysni, men tað er einki dulsmál, at hann hevði eina langa syndaskrá.

Helst hava føroyingar romantiserað Magnus Heinason. - Hann var ein rebellur, sum ikki vildi góðtaka mørkini.