Hashtag.

Tað er heitið á nýggjari, føroyskari ungdómsrøð í Kringvarpinum, sum Maria Winther Olsen hevur gjørt.

Fyrsti partur av fýra verður at síggja í kvøld eftir Dag og viku, og hesaferð ber sendingin undirheitið ungdómslív.

- Í fyrsta partinum læra vit tey ungu at kenna. Talan er um fýra rættiliga ymiskar persónar, sum eg havi fylgt í juli og august mánaði í fjør, sigur Maria Winther Olsen.

Hoyr sendingina her

Luttakarar, Maria Winher Olsen, Finn Johannesen, Armgarð Weihe, Øssur Sverrason Egholm, Maria Kristiansdóttir og Stig Eltør

Upprunin til ættarmótið á Egholm, er, at Sverri Egholm sáli, sum eitt nú var ættargranskari, hevði hug at vitja oynna og ættargarðin saman við skyldfólki á sumri í ár 2001.

Men tíverri vildi so illa til, at hann brádliga andaðist beint áðrenn fyrireikingarnar. So kom steðgur í, men seinni fór sonurin, Øssur S. Egholm, undir at samskifta við Egholmbúgvar í 2003.

Oyggin er til støddar sum Skúvoy, men fløt sum ein pannukøka.

Egholm ferjan hevur siglt ímillum Egholm og Aalborg síðani 1972 við skiftandi skiparum, eisini føroyingum.

Birgir Enni, Hans Eli Hansen og Claus Reistrup vitja morgunsendingina.

Í tíðindaskrivið verður tiltakið lýst soleiðis:

Tað var í Nordmandsdalen við Fredensborg at Merkið fyrstu ferð var víst alment fram, og merkisberari var Kjartan Mohr, ið seinni stovnaði Tórshavnar Skipasmiðju. Kjartan var tá lærlingur á Helsingør Skipsværft.

Hoyr sendingina her

Luttakarar, Jógvan Skorheim, Guttorm Sørensen, Linda av Fløtum, Annika Østerø, Guðrun Horn, Claus Reistrup, Birgir Enni, Hans Eli Hansen, Rani Nolsøe og Jógvan Andreas Joensen.

Alt ov nógv børn í Føroyum eru motoriskt illa fyri.

Hetta er nakað, sum eitt nú námsfrøðingar, lærarar, hjálparfólk og heilsusystrar síggja í sínum arbeiðsdegi.

- Tað er ikki óvanligt at síggja børn, sum ikki duga til dømis at ganga í trappum ella klára at traðka upp á ein høgan kantstein.

Soleiðis sigur Linda av Fløtum, námsføðingur, sum júst er úbúgvin motorikkvegleiðari. Hon er millum tey 26 fólkini, sum í eitt ár hava nomið sær hesa útbúgvingina.

Tann 1. juni í ár verður ikki ein heilt vanligur leygardagur í Klaksvík.

Í morgun boðar sanska kongshúsið, at rennitiltakið hjá Fríðrikki Krúnprinsi, Royal Run, byrjar í Klaksvík leygardagin 1. juni.

Í sambandi við 50 ára føðingardagin hjá Krúnprinsinum í mai 2018, rann Krúnprinsurin Royal Run saman við 70.000 luttakarum í fimm ymiskum býum í Danmark.

Hoyr sendingina her

Luttakrar, Dánjal Petur Múller, Jógvan Páll Lassen, Sølvi Reinert Hansen og Eyðun á Bergi

Hoyr sendingina her

Luttakarar, Petur Hans Dahl, Jóhan á Plógv Hansen, Jóannes Eidesgaard, Marian Klein Ivansdóttir og Theresa Turidardóttir Kreutzmann

- Vit eru allir á byrjanarstigi og hava fyri tað mesta bara roynt at spæla golf uttanlands, men áhugin fyri einum slíkum felag her í Eysturoynni tykist vera til staðar.

Soleiðis sigur Sølvi Reinert Hansen, sum er formaður í nýstovnaða golffelagnum í Eysturoynni, Eysturoyar Golffelag.

Felagið varð stovnað beint fyri jól, og í løtuni eru umleið 15 menn limir í felagnum.

- Tað fyrsta, sum felagið fer at gera, er at fáa eitt lendi, har vit kunnu spæla golf, sigur Sølvi Reinert Hansen og vísir á, at eitt nú økið oman fyri Hústoft møguliga hevði riggað væl til golf.