Nú fáa føroysk ung møguleikan at fáa sær eina norðuratlantiska studentaútbúgving.

Talan er um eina norðurlendska studentaútbúgving, sum tekur trý ár sum allar aðrar, men har tann lesandi fær møguleika at lesa í hinum norðuratlantisku londunum saman við ungum úr øðrum londum.

Fyrsta árið verður tikið á Gribskov gymnasium í Danmark, annað árið á Miðnámi á Kambsdali og Verzlonarskóla Íslands í Reykjavík og triðja árið á GUX Sisimiut.

- Góðan morgun var tað fyrsta, eg segði. Tað sigur Ann Dahl Hansen, brosandi, um løtuna, tá hon loksins kundi tosa aftur.

Hesa vikuna hava flest allir prestar í Føroyum verið á sokallaðum kyrrudøgum á Viðareiði.

Í tríggjar vóru prestarnir saman, men teir tosaðu ikki só nógv, tí kyrrudagar snúgva seg í stóran mun um at vera í tøgn.

Ann Dahl Hansen, prestur, dylur ikki fyri, at hennara nærmastu ikki roknaðu við, at hon fór at klára at lata vera við at tosa í tríggjar dagar.

Prestar tosa nógv, og tað geri eg eisini, sigur hon.

Hoyr sendingina her

Lutakarar, Ingi Olsen, Ann Dahl Hansen, Páll Isholm og Jón Brian Hvidtfeldt

Nøgdin av informatión hevur ongantíð verið størri enn í dag. Siðbundnir og sosialir miðlar kappast um uppmerksemi hjá fólki, og avleiðingin av hesum eru informatiónir, sum kunnu vera villleiðandi og ósannar. Hetta kann hava stórar demokratiskar avbjóðingar, og tað er tí umráðandi, at fólk læra at meta um trúvirðið á eini keldu, siga Hans Andrias Sølvará, lektari í søgu, og Heini í Skorini, ph.d. í altjóða politikki.

Hoyr samrøðuna við Hans Andrias Sølvará og Heina í Skorini, sum er gjørd í sambandi við seturskjakið, ið verður í Kongshøll í kvøld.

Hoyr sendingina her

Luttakarar, Jákup Davidsen, Magni Mohr, Jens Andreasen, Meinhard Bjartalíð, Heini í Skorini og Hans Andreas Sólvará

Føroyskir menn eru í serliga stórum heilsuvanda. Í 2012-2014 var ein kanning gjørd, sum vísir, at góð 24% av kannaðum monnum í aldrinum 60-69 ár hava typu 2 diabetes. Fyri føroyskar kvinnur í sama aldursbólki er talið um 9%, og fyri danskar menn í sama aldursbólki er talið um 14%.

Orsøkirnar eru fleiri, men høvuðsorsøkirnar eru ov lítið av rørslu og yvirvekt, sigur Jens Andreassen, serlækni.

Hann vísir samstundis á, at um tú íðkar umleið 30 minuttir um dagin, etur lutfalsliga sunt og megnar at halda vektini niðri, ber til at forða sjúkuni ella at minka um hana.

Í góð 15 ár hevur Fríðfinnur Johnsson verið skúlastjóri. Fyrst var hann skúlastjóri í Leirvíkar skúla, og tá Leirvíkar og Gøtu kommuna løgdu saman í 2009, bleiv hann skúlastjóri í skúlanum í Eysturkommunu.

- Eg eri blivin sera góður við skúlan, so tað er við sorgblídni, at eg fari frá, sigur hann.

Eisini leggur hann dent á, at tað er umráðandi, at skúlastjórar taka ábyrgdina, sum er givin teimum, í álvara, og ikki eru bangin fyri at leiða.

Fyri trimum árum síðani valdi Meinhard Bjartalíð, prestur, at gera nakað mundagott fyri heilsuna. Ein avgerð, sum hevur havt stóra ávirkan á hansara heilsustøði líka síðani.

- Eg fór til læknan fyri at kanna, hvussu eg sum heild var fyri. Alt sá gott út, líka til eg skuldi upp á vektina. Eg vigaði ov nógv, og tað setti nakrar tankar í gongd, fortelur Meinhard Bjartalíð.

Hetta var beint áðrenn føstuna, sum byrjar í februar ella mars.

Hoyr sendingina her

Luttakarar, Jóhan á Plógv Hansen, Tróndur Húsgarð, Jógvan Elias Winther Poulsen og Fríðfinnur Johnsson

Tá vanlukkur henda, kemur tað ofta fyri, at myndir verða tiknar og almannakunngjørdar eitt nú á sosialum miðlum.

Fyri eini viku síðani hendi størsta tokvanlukkan í Danmark seinastu 30 árini. Nógvar myndir blivu tiknar og lagdar út á netið, og tað hevur elvt til kjak.

Men hvørjum hava privatpersónar loyvi at taka myndir av og leggja út á sosialar miðlar?

Jógvan Elias Winther Poulsen, løgfrøðingur, greiddi frá í morgunsendingini.