Seinastu vikurnar hevur Danmarks Radio havt upptøkuroyndir fyri 200 fólkum, ið kundu hugsað sær at luttikið í sjónvarpskappingini, Den Store Bagedyst.

Áhugin í ár hevur, sambært DR, verið metstórur, og tí er 39 ára gamla Ranvá Knudsen úr Saltangará ovurfegin, um at hon bleiv vald út at vera millum tey 200, sum vórðu boðin til upptøkuroynd.

Hoyr sendingina her

Luttakarar, Búi Rouch, Ranva Knudsen, Jógvan Finnur Poulsen og Brynhild Thomsen

Mikukvøldið var mentanarvirðislønin til ungt listafólk latin Búa Rouch. Í grundgevingini varð millum annað sagt, at at Búi Rouch dugir við rørslum sínum at vísa kenslur og sambond og at miðla hugmyndir og søgur. Ein dansari má hava fult tamarhald á sínum vøddum, og tað hevur Búi. Við kraftmiklum og yndisligum rørslum ger hann lop, sum bæði eru kvik og spakulig.

Búi Rouch er 31 ára gamal. Hann er yrkisdansari, og í løtuni er hann búsettur í München í Týsklandi, har hann millum annað starvast sum dansilærari á Iwanson International School of Contemporary Dance.

Hoyr sendingina her

Luttakarar, Janus Thomsen, Haraldur S. Hansen og Elin Henriksen

Janus Thomsen, borgarstjóri í Hvalba, greiðir frá, hvussu tað kom í lag, at Hvalba og Rollag blivu vinabýir.

Thor Nattestad kom til Føroya síðst í 1700 talinum. Hann byrjaði at arbeiða í kolanáminum í Hvalba.

Tað rann saman millum hann og eina bóndadóttir í Hvalba. Tey giftust, og Thor Nattestad festi garðin.

Sostatt er hann ættfaðir teirra, ið eita Nattestad í Føroyum.

Í fjørsummar skipaðu eftirkomarar fyri ferð til Noregs. Tá vitjaðu tey heimstaðin hjá forfedrunum.

Ein grundleggjandi broyting í bendingini av bundnum kalllkynsorðum, sum standa í hvønnfalli fleirtali er hend.

Til dømis, tá fólk siga:

Eg sá menninir heldur enn menninar, ella eg sá bilarnir heldur enn bilarnar.

Elin Henriksen, málkøn, sigur, at næstan øll yngri eru farin at siga -nir heldur enn -nar, og at her er talan um eina ta størstu málsligu broytingina í nýggjari tíð

Í kvøld klokkan 19 verða Mentanarvirðislønir Landsins latnar í Fuglafirði. Talan er um tríggjar virðislønir - mentanarvirðislønina, heiðursgávu landsins og so virðislønina til eitt ungt listafólk.

Í virðislønarbólkinum, sum er bólkurin sum avger, hvør skal hava hesar virðislønirnar, sita fimm fólk. Fyri mentamálaráðið sita Alda Joensen og Archibald Blak. Og fyri LISA sita Oggi Lamhauge, Knút háberg Eysturstein og Katrina í Geil.

Í morgunsendingini í morgun greiddi Katrina í Geil frá, hvussu tey velja, hvør skal hava virðirlønirnar.

Bæði løgtingsval og fólkatingsval verða í ár. Um ikki so leingi byrja valstríðini av álvara, har bæði sitandi tingfólk, fyrrverandi politikarar og fólk, sum ikki hava verið í politikki áður, fara at kappast um tína atkvøðu.

Sum nakað nýtt skipar rennifelagið Brangdið í ár fyri felags venjingum til teirra, sum ætla sær at renna hálvt ella heilt maraton í summar.

Hóast Atlantic Airways Tórshavn Maraton ikki er fyrr enn 2. juni, so eru fyrireikingarnar hjá rennarunum av álvara byrjaðar.

- Vit venja tríggjar ferðir um vikuna, og í løtuni gera vit nokkso nógv við at venja interval, soleiðis at rennararnir betra um sína kondi, sigur Ann Thomsen, forkvinna í Bragdinum.

Sambært henni er ovurstórur áhugi hjá fólki at luttaka í hesum venjingunum:

Hoyr sendingina her 

Luttakarar, Marita av Steinum, Jónfinn Petursson, Heri Joensen, John Johannesen og Annika Pætursson Nørspang