Samanlagt vóru 28% av teimum, ið stillaðu upp til Løgtingsvalið 2015, kvinnur. Flokkurin, ið hevði flest kvinnur á listanum var Framsókn, ið hevði 50% kvinnur á listanum. Sjálvstýri er tann flokkurin, ið hevði fægst kvinnur, har 12% av valevnunum vóru kvinnur. 

Báðir eru samdir um, at tað hevur týdning, at kvinnur eru umboðaðar á listanum. Teir eru tó ikki á einum máli um, at tað er trupult at fáa tær á listan. Formaðurin í Framsókn upplivir ikki, at tað er trupult, meðan formaðurin í Sjálvstýrinum heldur tað vera trupult.

Marna Jacobsen, forkvinna í Demokratia, heldur at tað er meira demokratiskt, um størri javnstøða er á vallistunum. Hon heitir á flokkarnar um at hugsa meira um at fáa kvinnur á vallistarnar til komandi løgtingsval.

Demokratia hevur kannað, hvør orsøkin er, at færri kvinnur enn menn stilla upp. Ein av orsøkunum var, at kvinnur í størri mun kenna seg noyddar at vera um børnini. Ein onnur orsøk er, at kvinnur tora verri í mun til menninir.

Hoyr sendingina her

Luttakarar, Derhard Jógvansson, Beinta Petersen, Odvør á Lakjuni, Kristina Gry Berg og Amalia Danielsen

Beinta M. Pedersen, forkvinna í KRIS, fegnast um góðu karmarnar í nýggja húsinum. KRIS leigar húsið, sum grunnurin hjá KRIS hevur keypt. 

- Hetta er ein dreymur, ið er blivin veruleiki. Eftirspurningurin eftir at ganga í sjálvhjálparbólki hjá KRIS er stórur, sigur forkvinnan.

Hoyr sendinga her

Luttakarar, Petur Hans Dahl, Vera Bjørgvin, Sólrun Ziska, Ólavur Jakobsen, Jóhan Mortensen, Birita Poulsen, Tóra við Keldu, Katrin Dagbjartsdóttir, Jens Petur Brattalíð og Jógvan Skorheim

Hósdagin komandi verður stórfingin konsert í Ólavskirkjuni í Kirkjubø, har bert tónleikur hjá Johann Sebastian Bach verður at hoyra.

Hugskotið er komið frá Londonkirkjuni, St-Martin-in-the-Fields, har tey á hvørjum ári hava "Bach in Candlelight."

Ein av stigtakarunum, Johan Mortensen sigur, at kirkjan í Kirkjubø og umhvørvið annars við Múrinum og Roykstovuni, er sera vælhóskandi til júst hetta tiltak.

Í dag er altjóða dagur hjá teimum, ið bera brek. Tað eru Sameindu Tjóðir, ið hava ásett henda dag. Dagurin er ein hátíðardagur hjá felagskapinum Megd, sigur Tóra við Keldu, forkvinna í felagnum.

Tóra við Keldu, forkvinna í Megd, og Katrin Dagbjartsdóttir, ið ber brek, halda, at nógvir batar eru gjørdir á brekøkinum í Føroyum. Eitt nú verða sendingar fyri tunghoyrd tekstaðar, og harafturat er hugburðurin mótvegis teimum, ið bera brek, blivin betur.

Hoyr sendingina her

Luttakarar, Edith Maria Samuelsen, Allan Enghamar, Randi Hjelm Debes, David Arge Klevland Petersen, Rani Nolsøe, Suni Merkistein, Niels Harald Michélsen, Tina Grønbech Tausen

20 ára gamli Róland Toftum úr Vági hevur stríðst við sjúkur, síðani hann var barn. Men øll árini hevur hann hildið fast við svimjingina. 

Undan FM á langgeil í mai í ár, varð hann innlagdur í átta dagar við herviligum astma-herðindi. Hann varð útskrivaður mánadag, og fríggjadag stóð hann á kavingarskamlinum í Pálshøll tilreiðar at kappast móti hinum. 

- Svimjingin hevur bara gjørt mær væl, sigur kappsvimjarin, og mamma hansara, Yvonna Toftum, er samd.

Tveir synir hjá countrystjørnuni, Merle Haggard, verða høvuðsnavn á Sørvágs Country- og Bluesfestivali, sum verður 13. til 15. juni 2019. 

Talan er um teir báðar, Ben og Noel Haggard, sum hava tikið upp arvin eftir pápan, og nú ferðast kring heimin og framføra tónleikin hjá Merle Haggard saman við gamla bólki hansara,The Strangers.