- Eg kenni brádliga á mær, at Gud vil siga mær okkurt, og so fylgi eg hansara boðum. Eisini hóast eg eri eitt nú til ein almennan døgurða ella okkurt tílíkt.

Orðini eigur kommunulæknin og politikarin, Jenis av Rana.

Í nýggju bókini, Thi kendes for ret, skrivar hann um persónligar hendingar og upplivingar, ið allar hava tað í felag, at tað andaliga spælir ein týðandi leiklut.

Eitt nú lýsir Jenis av Rana í bókini ta náttina, tá krabbameinsrakta kona hasara fyri seks árum síðani bleiv grødd av Gudi á baðiverilsinum.

Yrkismál er mál, har nógv útlendsk orð verða brúkt heldur enn føroysk. Í summum førum er tað neyðugt, men tað eru yrkismál, har vit hava góð føroysk orð.

- Tað ræður bert um at spyrja eftir teimum og ikki minst at brúka tey, sigur Elin Henriksen, málkøn.

Umframt yrkismál eru orðingarnar, eg búgvi uppi yvir ella niðri undir vegnum, til viðgerðar og eisini orðið, líka, sum gjøgnum tíðina hevur fingið ein heilt annan týdning á føroyskum, enn hann upprunaliga var.

Føroya Symfoniorkestur er nú skipað sum sjálvsognarstovnur undir Mentamálaráðnum.

- Føroya Symfoniorkestur er lagt í eina trygga legu, sum ikki er tengd at ávísum persónum, men einum bindandi sáttmála millum fleiri ymsar aktørar, sigur Poul Jákup Thomsen, sum skýrir dagin, tá sáttmálin var undirskrivaður at vera ein gleðisdag.

Avvarðandi stovnar eru nú Norðurlandahúsið, Kringvarp Føroya, Tórshavnar kommuna og Føroya Symfoniorkestur sjálvt.

Á hvørjum ári letur Jólamerkjagrunnurin hjá Posta eina peningaliga upphædd í stuðli til eina samfelagsgagnliga verkætlan. 

Og í morgun varð avdúkað, at verkætlanin, Øll hava rætt til góð barnaár, sum er undir Bláa Krossi, fær 206.000 krónur frá Jólamerkjagrunninum.

Svanbjørg Manai, stjóri á Frímerkjadeildini á Posta, og Alisa Hammer, fyribyrgingarleiðari hjá Bláa Krossi, eru gestir í útvarpsstovuni.

- Tá eg havi verið og ferðast, havi eg sæð, at fólk ganga túr við hundum, meðan eigararnir eru til arbeiðis ella ikki hava møguleika at fara út við hundi sínum. Tað er eitt fínt hugskot, og nú vil eg so vita, um hetta eisini letur seg gera í Føroyum.

Soleiðis sigur Jannie Dam Jacobsen, sum í næstum bjóðar seg fram at ganga túrar við hundum.

Ætlanin er, at Jannie Dam Jacobsen fer eftir hundinum, har hann er, og síðani gongur hon túr við honum í ein tíma ella har á leið. Hon væntar, at hon fer at hava upp í fimm hundar við sær á hvørjum túri.

Jóltíðin stundar til, og nógv verður gjørt fyri at skapa hugna í familjuni.

Fleiri tiltøk eru at fara til, bakstur, reingerð og prýði heima, jóladøgurðar og ikki minst jólaborðhald og aðrar veitslur upp undir høgtíðina.

Hvussu kunnu foreldur frægast leggja alt til rættis hesa tíðina, so at familjan fær ein góða uppliving.

Heilsufrøðingurin, Kala Rajani Hansen, greiðir frá sínum tonkum.

Tólvta og seinasta talvið í HM-finaludystinum í London millum norska heimsmeistaran, Magnus Carlsen, og amerikanska avbjóðaran, Fabiano Caruana, varð telvað mánadagin.

Talvið endaði eins og hini 11 við javnleiki, og fyri fyrstu ferð nakrantíð eru øll talvini í einum HM dysti endað jøvn.

Hetta hendi, tá Magnus Carlsen góðar tríggjar tímar inn í talvið bjóðaði avbjóðara sínum, Fabiano Caruana, remis. Nakað, sum vakti ans millum áskoðarar og serfrøðingar.

Hetta er tíðin, tá gjaldskortini og pengaseðlarnir ferðast títtari í gjøgnum gjaldsterminalarnar og um handilsdiskarnar.

Jólini nærkast, og nógv er at brúka pengar til. Men tað kann ganga illa fíggjarliga, um tú ikki ansar eftir peninganýtsluni, og tað ber eisini til at fyrireika seg til dýra jólamánaðin.

Alice Frederiksberg, kundaráðgevi í Betri Banka, er í útvarpsstovuni og gevur góð ráð.

Hesir fimm lyklarnir eru bygdir á gransking í positivari sálarfrøði og sjálvtamarhaldi, sigur Kitty May Ellefsen.

Hon hevur sjálv tikið eina master í positivari sálarfrøði, og tað var ein lærari hennara, sum helt, at tað hevði verið skilagott at givið frágtreiðingina um lyklarnar út í bók.

Lyklarnir eru hesir:

1: Vel eina positiva tilgongd til lívið

2: Skapa teg sjálva

3: Finn tínar styrkir

4: Tú hevur eitt stórt virði

5: Rør teg

Hoyr sendingina her

Luttakarar, Petur Hans Dahl, Kristiana Rein, Una Danielsen, Hanus Stórhamar, Kitty Mai Ellefsen og Jóhn Lútzen