Tveir synir hjá countrystjørnuni, Merle Haggard, verða høvuðsnavn á Sørvágs Country- og Bluesfestivali, sum verður 13. til 15. juni 2019. 

Talan er um teir báðar, Ben og Noel Haggard, sum hava tikið upp arvin eftir pápan, og nú ferðast kring heimin og framføra tónleikin hjá Merle Haggard saman við gamla bólki hansara,The Strangers.

Hvønn mánadag seinnapart hittast kvinnur í pensjónsaldri í Vági, har tær binda pløgg av ymsum slagi til neyðstødd í Rumenia. 

Hetta hava tær gjørt í eini seks ár, síðani tríggjar kvinnur í 2012 tóku stig til hetta, eftir at tær vórðu pensjóneraðar. 

Vit hava vitjað í Fjarlestradeplinum í Vági, har kvinnurnar hittast.

Í Sandvík í Suðuroy er Føroya syðsta tíðindaredaktión.

Her skrivar Áki Bertholdsen tilfar til Sosialin og tíðindaportalin, in.fo.

- Tað eru fleiri fyrimunir við at arbeiða heimanfrá í Sandvík. Eg verði ikki órógvaður upp á sama máta, sum tá mann situr á eini stórari redaktión, har nógv fólk sita saman. Harafturat fái eg ymiskt við úr Suðuroynni, sum eg annars ikki hevði fingið, um eg ikki sat og arbeiddi í Sandvík, sigur Áki Bertholdsen.

Vansin við at arbeiða soleiðis sum tíðindafólk kann tó vera, at tað er torført at halda frí.

- Tá eg byrjaði, var tað púra vanligt, at nógvar tenn máttu trekkjast út, tí tær vóru í so ringum standi. Soleiðis er ikki í dag, tí nú læra foreldur um tannrøkt, longu tá barnið er bara nakrar mánaðir.

Soleiðis sigur Naja Mols Mortensen, sum seinastu 43 árini hevur arbeitt í Barnatannrøktini á Tvøroyri.

Í dag hevur Naja Mols Mortensen sín seinasta arbeiðsdag, tí hon fer frá fyri aldur.

David Arge Klevang Pedersen, adjunktur á DTU-Space, fylgdi væl við, tá rúmdarfarið, Insight, fleyg seinasta teinin móti Mars.

At lenda á einum ávísum stað á Mars kann samanberast við at blaka ein kurvabólt úr Føroyum í eina kurv í New York, sigur hann.

Tað eru nógvir lutir, sum skulu eydnast, fyri at alt skal ganga eftir ætlan.

Insigt er fyrsta tól av sínum slag, ið hevur sett seg á Mars, tí meðan tey undanfarnu kanna yvirflatuna á Mars, kannar Insight tað, sum er undir yvirflatuni.

- Tað besta er, tá veðrið er gott, tí tá eru øll glað.

Soleiðis sigur Niels Harald Michelsen, sum seinastu 11 árini hevur siglt sum skipari á Smyrli. Eitt starv honum dámar sera væl.

Í nógv ár sigldi Niels Harald Michelsen annars uttanlands, men hann sigur seg  trívast nógv betur við at røkja farleiðina um Suðuroyarfjørð:

- Her komi eg í samband við nógv fólk, og harafturat eri eg ikki so nógv burturi frá familjuni, og tað er nakað, sum mann fer at hugsa meir og meir um, eldri mann blívur, sigur Niels Harald Michelsen.

Sjódypp.

Soleiðis eitur nýggja havsvimjarafelagið í Suðuroy, sum fyri umleið einum mánaði síðani bleiv sett á stovn.

Longu nú eru útvið 90 fólk limir í Facebook-bólkinum hjá felagnum, og eini tvær ferðir um vikuna møtast tey nøkur fyri at dyppa. Soleiðis verður havsvimjing ofta rópt í Suðuroy.

Morgunsendingini hevur prátað við forkvinnuna í felagnum, Tine Grønborg Tausen, og nakrar av limunum í Sjódyppi.

Randi Hjelm Debes í Vági eigur íverksetarafyritøkuna Faroe Knit. 

Troyggjurnar, húgvurnar, turrikløðini og ymisk onnur bundin pløgg eru tó best umtók yviri í Amerika.

- Meir enn helvtin av øllum tí, eg framleiði, verður selt til Amerika. Nú jólini stunda til, eru tað tær stóru, reyðu hosurnar við navni á, sum amerikanarar bíleggja frá mær, sigur Randi Hjelm Mortensen, sum eisini selur uppskriftir á netinum.

Allan Enghamar úr Havn og Edith Maria Samuelsen úr Vági møttust í Havn og blivu par í 2012. Tá var Edit í handilslæru. Tá Edith var liðug við sína útbúgving, vildi hon flyta suður aftur til heimbygd sína.

Allan segði seg vera við upp á tað upp á eina treyt, og hon var, at hann fekk eitt stjórastarv í oynni. Edith lá ikki á boðunum, og brádliga ein dagin høvdu tey bæði fingið eitt tilboð um at yvirtaka handilsmiðstøðina, Torgið, í Vági. 

Restin er søga. Tey bæði fluttu suður, hava keypt hús, fingið eina dóttur og til várs skulu tey giftast.

Hoyr sendingina her

Luttakarar, Jannie Dam Jacobsen, Alice Frederiksberg, Suni Merkistein, Heligi Dam Ziska og Kala Rajani Hansen