- Klárar tú ikki at leggja arbeiðið frá tær, tá ið tú ert heima og hevur frí, so heldur tú ikki leingi til hetta starvið.

Orðini eigur 70 ára gamli Neinbjørn Nattestad úr Miðvági.

Í 33 ár hevur hann arbeitt sum ambulansuviðgeri í sjúkraflutningstænastuni, men 5. september í ár hevði hann sín seinasta arbeiðsdag í føstum starvi.

Og júst seinasti arbeiðsdagur bleiv heilt serligur.

Gestir:

Guðrið Højgaard

Johan Mortensen

David Arge Klevang Pedersen

Edmund Joensen

Nainbjørn Nattestad

- Vit skulu gevast við at brúka kronologiskan aldur til at meta um fólk eru ung ella gomul.

Soleiðis sigur Magni Mohr, professari og granskari, tí nógv av teimum, ið eru komin upp í árini, eru so væl fyri, at talan ikki er um ein gamlan kropp, sjálvt um árini ikki lúgva.

- Vit síggja ikki fyrimunirnar við at hava nógv eldri, sum eru funktionel og aktiv á fleiri pallum í samfelagnum, men heldur sum ein belastning.

Gestir hesaferð:

Noomi Reinert

Tjóðhild Patursson

Turið Poulsen

Barbara Samuelsen

Dagmar Joensen Næss

Jón Aldará

Magni Mohr

Reglusemi er lyklaorð, tá tað tað snúr seg um venjing, vísir Toni Dam á. Javnan gera fólk vart við, at tey ikki hava stundir at venja. Men hesum hevur Toni ilt við at trúgva.

Forsetar og pávin hava tíð at venja, og teir hava nógv at gera. Tað ræður um at finna løtur í gerandisdegnum.

Føroyska fótbóltslandsliðið við kvinnum er saman í løtuni í sambandi við Nations League-dystir móti Aserbadjan og Kypros.

Eyðvør Klakstein er í hópinum, og hon hevur góðar vónir til hesar dystirnar. Munurin á liðunum er ikki stórur, og tí fara Føroyar eftir øllum stigum.

Eyðvør vísir eisini á, at liðið er í eini spennandi menning, nu Signe Pries Andersen hevur tikið við starvinum sum høvuðsvenjari.

Nú leggja vit okum í størri mun eftir at hava bóltin, og tað dámar mær væl, sigur hon.

Nú inflatiónin hevur gjørt tað truplari hjá nógvum føroyingum at fáa pengarnar at røkka til tað, teimum tørvar, rópa handilsrekandi varskó, tí stuldur er vorðin alt meira vanligur í nógvum handlum.

- Lat meg gera greitt beinan vegin, at vit tosa um ein sera lítlan part av teimum, sum búgva her á landi, sigur Bergur D. Jensen, formaður í Handilsvinnufelagnum, ið er felagið hjá teimum, ið reka handil í Føroyum.

- Flestu føroyingar eru hampafólk, ið hvørki eru betri ella verri enn fólkini í grannalondum okkara, tá tað snýr seg um stuldur.

Gestir í sendingini eru:

Turið Poulsen

Alvi Hjelm

Bergur D. Jensen

Eyðvør Klakstein

Toni Dam

Trummur, horn og trompet. Gjarna eitt upplyftandi lag og aloftast í valstakt.

Hetta er tað, sum eyðkennir tónleikin hjá hornorkestrinum hjá Frelsunarherinum, sum fyllir 90 ár. Føðingardagurin var 23. oktober 2023.

Hóast høgan aldur er hornorkestrið hjá Frelsunarherinum, sum telur 16 orkesturlimir, virkið og væl umtókt.

Gestir:

Hanus Kjølbro

Angel Nashami

Anna Joensen-Næs

Jón Sigurd Vang Poulsen

Finngerð Djurhuus Olsen