Ráðini eru nógv, og teirra millum eru, at børn skulu hava minst ein frídag um vikuna, har tey ikki eru til skipaða ítróttavenjing, at børn ikki skulu avmarka seg til eina einstaka ítróttagrein áðrenn tey í minsta lagi eru tannáringar, og at foreldur hjálpa teimum at skipa vikuna, soleiðis at venjingarnar ikki vera alt ov nógvar samanlagt, um barnið íðkar fleiri ítróttagreinar.

Keypsmynstrini í føroysku matvøruhandlunum eru broytt. Alt er vorðið dýrari seinasta árið orsakað av inflatiónini, og tað er vorðið dýrari hjá matvøruhandlum at keypa inn.

Tí er sølan dýrkað eisini. Hetta ávirkar keypsmynstrini, og hvussu og hvat fólk keypa.

Millum annað keypa fólk meira tilboðsvørur nú, og fleiri keypa eitt sindur meira inn undir seg av tilboðum, sum halda sær leingi ella kunnu frystast.

Harafturat keypa fólk meira av grovum grønmeti, sum hevur betri haldgóðsku enn fínt grønmeti. Til dømis røtur og annað heldur enn salatbløð.

Gestir í sendingini eru Andrias Klein Gregoriussen, Bassi Haraldsen, Súsanna Poulsen, Snorri Patursson, Petur Mittún

Børn og ítróttarskaðar.

Seinastu árini er hetta blivi ein alsamt vanligari trupulleiki.

- Fyrr sóu vit ung um 15-16 ár við ymiskum ítróttarskaðum, men í dag er als ikki óvanligt at síggja børn niður í 12 ár, sum hava onkran skaða at dragast við orsakað av ov nógvari venjing.

Soleiðis sigur Niklas Reginsson, fysioterapeutur, sum saman við øðrum eigur og rekur klinikkina NB Fysioterapi.

Eitt nú kemur tað javnan fyri, at børn, sum íðka nógvan ítrótt, hava trupulleikar við knøunum.

Tá Steintóra Erhardsdóttir, prestur, sunnudagin hevði gudstænastu í Kollfjarðar kirkju, snúði prædikan seg um teir illu andarnar í dagsins samfelag.

Í dag vildu vit, sambært Steintóru, umrøtt teir illu andarnar sum oyðileggjandi máttir, ið kunnu fáa klørnar í okkum, soleiðis at lívið gerst minni.

Í prædikuni bleiv sagt, at við hvønn dag ganga einum illum anda uppi á okkum - antin í lummanum ella í hondini. Tað er snildtelefonin.

- Ein álitisváttan, sum vil nakað.

So avgjørdur er Súni Selfoss, formaður í Starvsfelagnum, tá hann skal siga sína hugsan um nýggju skipanina hjá donsku fyritøkuni, Norlys í Ålborg.

Leiðslan í fyritøkuni, sum telur áleið 3000 starvsfólk, hevur avgjørt at geva starvsfólkunum allar teir sjúkradagarnar, sum tey hava fyri neyðini, tá børnini eru sjúk. Tað vil siga, at starvsfólkini hava óavmarkaðar sjúkradagar við børnunum, tey fara ikki niður í løn, og tey brúka hvørki frídagar ella feriu, tá tey eru heima við sjúkum barni.

Gestir hesaferð:

Súni Selfoss

Hanus Kjølbro

Steintóra Joensen

Sanna Nolsøe Djurhuus

Niklas Reginsson

Tað fer at taka fleiri ár hjá Malavi at koma fyri seg eftir umfatandi skaðarnar, sum Freddy hevur havt við sær.

Altjóða miðlar boða frá, at í minsta lagi 190 fólk eru deyð og fleiri túsund eru vorðin heimleys.

Tað er tó ógjørligt at fáa eitt fullfíggjað yvirlit í løtuni ásannar, Sanna Nolsøe Djurhuus.

Hon starvast á høvuðsskrivstovuni hjá Reyða Krossi í Lilongwe, har hon arbeiðir við ávaringaskipanum, sum setast í verk, áðrenn vanlukkur raka.

Nógvir føroyingar eru berarar av álvarsligum arvaligum sjúkum, uttan vita tað, og møguleikin at kanna hetta er ikki til staðar, tí tilboðið er ikki til. Tu merkir einki til at tú hevur brek í tínum ílegum, so tað er ikki fyrr enn tú fært eitt barn við einum øðrum berara av somu sjúku, at tú finnur útav tí, tí barnið gerst sjúkt.

Tað var hetta, sum hendi hjá Karini Laksáfoss og Sámali Rasmussen, tá dótturin Sága varð fødd. Hon hevði føroysku sjúkuna, sum hevur við sær, at børnini gerast sera sjúk og ikki fáa eitt langt lív.

Gestir hesaferð:

Hanus Kjølbro

Sámal Rasmussen

Karin Laksafoss

Georg L. Petersen

Edva Jacobsen