Tey hava úr at gera í kjallaranum í Klokkarastovu á Reyni í Havn, har tey gera klárt til matstovuna Ástaklokkan, sum skal halda til har.

Tjóðhild Patursson, sum fyrr hevur havt matstovu í Nólsoy og eisini hevur fingið sær royndir sum stjóri á Grøna Háskúlanum á Sandi, hevur enn dreymin um at gera góðan føroyskan mat, men hon sær eisini ein annan tørv, júst orsakað av at hava búð uttanfyri Havnina.

Gestir hesaferð:

Kristina Háfoss

Hanus Kjølbro

Guðrun Zachariassen

Petur Háberg

Signar Petersen

- Eg havi inntrykk av, at tað er spell, at tað ofta er so óskipað á netinum og eisini torført at leita eftir ávísari stødd.

Orðini eigur Petur Háberg. Hann hevur júst ment nýggja heimasíðu, plogg.fo, har til ber at selja og keypa brúkt klæðir.

Sambært honum er tørvur á eini slíkari síðu, har tað skjótt og lætt ber til at finna júst tað, tær tørvar. Hetta kennir Petur Háberg til, eitt nú tá soninum tørvar gummistyvlar.

Fyrsta stóra broytingin kemur í pubertetinum, tá hár byrjar at grógva nýggj støð, og kroppurin broytir skap. Men eisini eru ósjónligar broytingar, sum henda innaní, og tað sama er galdandi, tá kvinnur gerast við barn, og tá tær fara í og um skiftisárini.

Guðrun Zachariasen lækni hugleiðir um broyingarnar, sum fara fram í einum kvinnulívi, og hvussu týdningarmikil venjing og góð lívsførsla er fyri lívsgóðskuna.

Samrøða við Kjartan Sleire, Mannbjørn Anthoniussen og Annu Katrin Andreasen

Fyri 10 árum síðani læt bólkurin Byrta sína sjálvnevndu fløgu úr hondum. Hetta var byrjanin til eitt nýtt føroyskt poppfyribrigdi, sum vann sær fjepparar í hópatali.

Sangurin Loyndarmál var ein sonn landaplága, og flest allir ummælarar vóru samdir um, at Byrta var Ársins útgáva í 2013.

Samstarvið hjá Guðrið Hansdóttir og Janus Rasmussen byrjaði í 2011. Tey bæði saknaðu lívligan popptónleik á føroyskum. Tað var grundarlagið, sum Byrta bygdi á.

Vit hava verið á Eiði, har vit hava tosað við 99 ára gomlu Astrið Joensen um FM-sigurin í 1947. Eiðis Bóltfelag, sum fyllir 110 í ár, hevur vunnið eitt FM-heiti í vaksnamannadeildini, tað var í bestu hondbóltsdeildini við kvinnum.

Í dag er EB hondbóltsfelag burturav, men felagið var sett á stovn við fótbóltinum í huga.

Fyrst og síðst í innslagnum hoyra vit Sunnuvá Vesturdal, forkvinnu og Nikkel Nielsen, hallarvørð og virknan EB-lim greiða frá søguni hjá felagnum, og hvussu felagið er fyri í dag.

Gestir í sendingini hesaferð eru Hanus Kjølbro, Kjartan Sleire, Mannbjørn Anthoniussen, Anna Katrin Andreas Guðrið Hansdóttir, Astrið Joensen, Sunnuvá Vesturdal, Nikkel Nielsen

- Eg havi altíð verið hugtikin av vegunum í føroysku náttúruni, ásannar Ditte Mathilda Joensen. Tað er hon, sum eigur hugskotið aftanfyri ISLANDROADS.

Konseptið byggir á stórbæra náttúru og tónleik, sum saman blíva ein framúrskarandi pallur. Flestu tónleikararnir eru føroyingar, og allar upptøkurnar eru gjørdar í Føroyum.

Róin Siggertson til dømis situr við tangentarnar á einum gomlum vegi omanfyri Vestmanna, Jógvan stendur við guittaranum á vegnum til Àrnafjarðar og Danny Baldurson syngur á vegnum niðan á Klakk.

Eftir at hava arbeitt sum kommunulækni í Havn síðani 1995 hevur 70 ára gamli Jenis av Rana nú havt seinasta arbeiðsdag.

- Nú eri eg blivin 70, og tað hevði verið drepandi, um eg skuldi hildið fram í føstum starvi sum kommunulækni.

Soleiðis sigur læknin og politikarin, Jenis av Rana, sum tann 1. mars 2023 gavst sum kommunulækni í Havn.

Eitt, sum hevur eyðkent Jenis av Rana sum kommunulækni, er, at trúgv hansara eisini hevur fylt honum í viðtaluhølunum.