Í gjárskvøldið hittust øll foreldraráðini  á dagstovnunum í Tórshavnar Kommunu til felags fund. Tað er foreldraráðið í Býlingshúsinum í Maritugøtu, sum hevur kallað øll hini á fund, og orsøkin er, at støðan á dagstovnaøkinum er hættislig og ikki kann góðtakast, siga tey. Endamálið við fundinum var tí at fáa eitt samstarv við onnur foreldraráð.

Høgni Midjord í Stovuni og Barbara Djurhuus, sum eru í foreldraráðnum í Býlingshúsinum í Maritugøtu, eru sera merkt av trotinum, sum er á dagstovnaøkinum í Tórshavnar Kommunu.

Fríggjadagspanelið er klárt at kjakast. Í panelinum hesa ferð eru Steintóra Erhardsdóttir, Jóngerð Nielsen og Dánjal Samuelsen. 

Fyrst evni í morgun er, um tað skal eita løgmaður og løgkvinna, og hvønn týdning tað hevur, at heiti verða broytt, so tey umfevna kvennkynið eisini.

Tey siga, at tað er tíð upp á, at broytingar koma. Men tey halda ikki, at tað eru øll heitir, ið noyðast hetta.

Næsta evni er persónssøgur, tí hvørjar persónssøgur kann ein miðil skriva um og ikki?

Eisini á hesum økinum manglar okkum tøl, sigur Erlig Fles, sálarfrøðingur, sum er knýttur at felagsskapinum, Kris.

Tølini eru tó ein fyritreyt fyri, at vit til fulnar skilja, hvussu stórur trupulleikin er, og hvussu hann frægast kann loysast.

Kris hevur tí lagt spurnarkanning á netið. Undirtøkan hevur higartil verið góð, men tey vóna, at enn fleiri fara at taka lut. Ikki minst mannfólk, sum tykjast vera heldur trek at svara.

Føroyskir nýføðingar viga alsamt meira. Tað vísir kanning, sum Sunnvá Hanusardóttir Olsen og onnur hava gjørt av føðivekt hjá føroyskum nýføðingum.

Í 2019 vórðu fleiri børn fødd við eini føðivekt, sum var 4500 gramm ella meira, enn í 2019.

Sambært Dianu Reynstind, sum er serlækni í kvinnusjúku og burðarfrøði, so eru serliga tvær orsøkir til, at nýføðingar í Føroyum viga meira og meira.

Havrannsóknarskipið, Jákup Sverri, er komið aftur av Føroya Banka. Hesa ferð kom ein rættiliga forkunnugur lutur upp við trolinum.

Ólavur Sjúrðaberg, sum var ferðafólk á túrinum, greiðir frá, at manningin umborð á Jákupi Sverra var ógvuliga spent, tá luturin kom á dekki.

Hildið verður, at hetta er stevnið á einum bretskum trolara.

Onkur vil vera við, at tað helst er stevnið á Grimsby trolaranum, Sisapon, ið var søktur 23. mai í 1917.

Gestir hesaferð:

Andrias Klein Gregoriussen - veðrið

Erling Fles - Kris kannar títtleikan av kynsligum ágangi í Føroyum

Ólavur Sjúrðarberg - Havrannsóknarskipið Jákup Sverri

Diana Reynstind - Føroyskir nýðføðingar viga alsamt meira.

Hedvig Westerlund-Kapnas, sum er fødd og uppvaksin í Finnlandi, men sum hevur búð í Føroyum í mong ár eftirhondini, heldur, at teirra nøgdsemi í stóran mun snýr seg um reiðiligheit. Hetta, at finnar ikki snýta hvønn annan og hava eina stóra tiltrúgv til myndugleikarnar.

Har er vina- og kenningapolitikkur nærum óhoyrt, og fólk missa virðing fyri einum, sum ikki fylgir teimum almennu spælireglunum.

Annars sigur hon um finnar, at teir ofta vera sæddir sum verandi eitt sindur fýrakantaðir og stirvnir, men at finnar eru eins ymiskir og onnur fólkasløg.

22 ára gomul og egnan klædnahandil.

Soleiðis sá veruleikin út hjá Sigrun Símunardóttir Nielsen fyri tíggju árum síðani, tá hon læt upp klædnahandilin Insito á Toftum.

- Tað var ein fyrimunur, at eg var 22 ára gomul, tí eg sá bara møguleikar heldur enn forðingar, sigur Sigrun S. Nielsen.

Hedvig Westerlund-Kapnas, sum er finni, greiðir frá finskari mentan, og hví hon heldur, at finnar eru lukkuligast í heiminum.

Sigrun Símunardóttir Nielsen letur klædnahandilin Insito aftur, sum lat upp sum bert 22 ára gomul.

Og Jógvan Páll Lassen, advokatur, greiðir frá lógini um keyp og sølu á netinum.

Tað er eitt spennandi, krevjandi og gevandi starv, eru tey bæði, Hallbjørg Lamhauge og Leif Olsen, samd um.

Bæði eru tey sosialráðgevar og starvast í Almannaverkinum.

- Tað er tungt at taka harðar avgerðir við hvørt, men tað er eisini eitt spennandi starv, sum fevnir ógvuliga breitt, sigur Leif Olsen.

Hallbjørg Lamhauge er fyri stuttum komin í nevndina hjá felagnum fyri sosialráðgevar, og hon vil hava alheims sosialráðgevaradagin á breddan í Føroyum.

So hetta er fyrstu ferð, at dagurin verður hátíðarhildin í Føroyum.