Inntøkan er títt størsta fíggjarliga amboð. Tú ert ikki harri yvir tínum egnu pengum, so leingi tú ert bundin av skuld. Tað er ikki fyrr enn tú ert skuldarfrí, at tú veruliga kanst stíla ímóti fíggjarligum frælsi.

Hoyr Ceciliu greiða frá kavablaksháttinum og skalvalopsháttinum.

Í september 2019 byrjaði altjóða MOSAIC rannsóknarferðin í Arktis. Endamálið var at kanna, hvussu ísur rekur og avlagast á norðurpólsleiðum.

Hetta var størsta granskingarferð av sínum slag. Í miðdeplinum var skipið, Polarstern.

Umborð vóru granskarar úr 20 londum.

Runt um týska ísbrótaran vóru 50 boyur við gps-sambandi, sum skrásettu allar flytingar í ísinum.

Skipið og boyurnar fylgdust til mai í 2020, tá Polarstern og manning, loksins sigldu heim aftur.

Flestu róku fram við grønlendsku eysturstondini.

Eftir 35 ár í lívsins skúla fór Jørgen Niclasen síðsta vetur aftur á skúlabonk. Málið var at fáa neyðugu pappírini til at sigla.

Tað vísti seg skjótt at vera meiri umfatandi, enn hann í fyrstu atløgu hevði gjørt sær greitt.

Fyrst var tað prógv at sigla smærri bátar. Síðani prógv at sigla smærri skjóttgangandi bátar. Triðja var bátar upp til 100 tons. Eftir hetta víðkað VHF-skeið. Bláú bók frá læknanum og at enda trygdarskeið.

Nú hevur Jørgen Niclasen fulla skuffu av prógvum, men framvegis manglar honum motorpassara.

Tankateppi. Eitt bundið teppi, sum er heitt og tolir regn.

Tað er hugskotið, sum Miriam Høj fekk herfyri, tá hon sá innslag í Degi og Viku um heimleys fólk í Tórshavn.

- Eg sá innslagið og fekk ilt í hjarta. Teir fortaldu í innslagnum, at teir máttu sova úti, og tað var vátt og kalt. Og so hugsaði eg, at eg fái ikki bjóða teimum eina song ella bústað, men eg fái gjørt okkurt. Og mær dámar væl at binda, og so hugsaði eg, hvat nú um mann bindur eitt tjúkt, heitt teppi, sum tolir regn, sigur Miriam Høj.

Gestir hesaferð:

Andrias Klein Gregoriussen

Ingrid Bjarnastein

Janus Hansen

Elspa Petersen

Av sonnum kann mann kalla Janus Hansen í Klaksvík ein djóravin. Hvønn dag fer hann trúgvur í Borðoyavík at geva æðum breyð. Hann ger eitt bríksl og æðurnar koma langvegis frá. Æðurnar kenna Janus so mikið væl, at tær koma upp á land og fara heilt yvir til hansara at eta úr lógvanum.

- Tað er ein góð byrjan uppá dagin, og tað gevur mær sálarfrið, sigur Janus. Honum dámar væl at sita saman við æðunum tíðliga á morgni, meðan hann lurtar eftir ljóðinum frá aldunum.

Tórshavnar Sløkkilið er býtt í seks støðir: Høvuðsstøðin við oyggjarvegin í Havn, støðin í Nólsoy, Kalbak, Koltur og Hest, Velbastað og Kirkjubø og støðin í Kollafirði.

Høvuðsstøðin við Oyggarvegin í Havn er mannað við umleið 30 fólkum.

Millum hesi 30 eru Toni Dam, sløkkiliðsmaður, og Tummas Pauli av Reyni, átaksleiðari, ið báðir hava verið í starvi í fleiri enn 20 ár.

Tá tú ert á vakt, mást tú altíð vera klárur. Fyrsti bilurin skal koyra longu fimm minuttir eftir, at boð eru givin.

Gestir hesaferð:

Andrias Klein Gregoriussen

Helgi Rasmussen

Miriam Høj

Toni Dam

Tummas Pauli av Reyni

"Tað hvørvur ikki av sær sjálvum". Tað er heitið á ráðstevnu, sum Kris skipar fyri í Norðurlandahúsinum 4. oktobur. Ráðstevnan skal geva íkast til upplýsing og orðaskifti um kynsligan ágang og seinárin av kynsligum ágangi. Tað verður gjørt við at bera fram og kjakast um vitan og gransking um ágang og ikki minst, hvussu vit basa hesum trupulleika.

Tað verða 6 fyrilestrarhaldarar á degnum. Ein av teimum verður Katrin Thorsvig Hansen, høvuðsákæri, sum fer at tosa um "revsimál um kynsligan ágang".

Gestir:

Andrias Klein Gregoriussen

Sjúrður Hammer

Turið Gaard Hansen

Katrin Thorsvig Hansen