Orsøkina sigur Hannes Gislason, professari og útbúgvingarleiðari fyri MSc í Dátuvísindum á Setrinum, vera millum annað, at tað er ov lætt at misnýta tøknina til lógarbrot og misvísandi kunning.

- Tað verður lættari at lata, sum um tú ert onkur annar, fyri soleiðis at lokka pengar burtur úr fólki, men vit skulu eisini minnast til, at har eru fyrimunir við tøknini, sum AI er betur til enn fólk. Til dømis at viðgera stóra datamongdir, og loysa kompleksar uppgávur, leggur hann afturat.

- Vit koma tætt uppá men fara eisini heilt út í víðvinkul, fyri at fáa greitt frá filosofiini hjá Sigrun, sigur Marianna Mørkøre, sum er annar av leikstjórunum av filminum, sum kemur heilt nær at listakvinnuni og mátanum hon arbeiðir við sínari list.

Gestir hesaferð:

Gunn Hernes

Hanus Kjølbro

Torben Nielsen

Hannes Gislason

Marianna Mørkøre

Beinta á Torkilsheyggi

Lovisa Petersen Glerfoss

Tað var 1. Apríl í 1998, at Frelsunarherurin lat Herbergið upp fyrstu ferð. Tilboðið til heimleys var kalla "ein song fyri náttina".

Tankin um eitt tilboð fyri heimleys kom nøkur ár fyrr, á leið 1994. Tað var í samband við umbyggingina av salinum, at tað bleiv kunnugt fyri soldátum í "korpsinum", samkomuni, at tað vóru menn sum svóðu í bussskýlinum í Steinatúni.

Korpsleiðarin og soldátar tóku tá stig til at keypa húsini, undir liðini á salinum í Tórsgøtu, og settu seg í samband við økisleiðsluna hjá Frelsunarherinum.

Luttakarar eru Jens Jákup Hansen, Jónfinn Stenberg, Bernhard Petersen, Armgarð Arge og Guðrun Sundar Hansen

Sunnudagin eru Páskir og í kristindóminum hátíðarheldur man hesa høgtíð, tí at Jesus reis upp frá deyðum.

>>triðja dagin staðin upp frá deyðum, farin til himmals, sitandi við høgru hond Guds Faðirs, hins alvalda, haðani hann kemur at døma livandi og deyð<<

Brot úr Ápostólsku trúarjáttanini

Uppreisnin, er ein tann mest sentrala hendingin í kristindóminum, men hvat var tað sum hendi og hvussu skal uppreisnin skiljast?

Lurta eftir samrøðuni við guðfrøðingin Armgarð Arge um evnið.

David Arge Klevang Pedersen og Uni Árting eru báðir knýttir at rúmdarbilinum, Perserverance, sum koyrir á reyðu gongustjørnuni, Mars.

David starvast hjá DTU Space og hevur verið við til at ment myndatólið í bilinum.

Uni samstarvar við Oslo universitet, ið hevur ment framkomna RIMFAX radaran.

Eitt ómetaliga áhugavert arbeiði er báðir samdir um.

Johan Mortensen, rúmdarentusiastur, vísir á, at ótømandi útbúgvingarmøguleikar eru hjá ungum føroyingum, sum hava hug at leita henda vegin.

Marita Sekjær Nielsen hevur í mong ár kagað í hendurnar á fólki, sum eru komin til hennara fyri at fáa meira innlit í egið lív, og eisini eina leiðarstjørnu sum kann vísa á, hvat vert er at gera framyvir.

- Áhugin fyri at lesa hendur hevur altíð búð í mær, so tá eg flutti til Danmarkar í 90'unum, so tók eg eina útbúgving sum hondlesari.

Men Marita fann skjótt útav, at hetta ikki var nóg mikið, um hon skuldi megna at lofta teimum fólkum, og teimum upplýsingum hon fekk, so hon fekk sær bæði útbúgving sum psykoterapeut og seinni eina skuggaútbúgving eisini.

Tey, ið luttaka í sendingini eru Andrias Klein Gregoriussen, Uni Árting, David Arge Klevang Petersen, Jóhann Mortensen, Marita Sekjær Nielsen og Guðrun Sólja Jacobsen

- Tá eg hyggi aftur, var hetta ein uppliving, sum eg eri ordiliga glað fyri, sigur Guðrun Sólja Jacobsen.

Í dag eru júst 20 ár liðin, síðani hon bleiv kend um alt kongaríkið, tá hon sannførandi vann sangkappingina, Stjerne for en aften.

Sangurin, ið meira enn nakar annar verður settur í sambandi við Guðruna, er Promise Me hjá Beverly Craven.

Tað var Jens Knudsen, kórleiðari í gospelkórinum, sum skjeyt tann sangin upp, sigur Guðrun.

Tann sangurin er vorðin ímyndin av henni, og enn tann dag í dag vilja fólk hoyra hana synga Promise Me.