Eingin Góðan morgun Føroyar ein fríggjamorgun uttan fríggjadagspanelið.

Í panelinum í morgun eru Bjørn Hentze Bech, Sveinur Tróndarson og Annika Kunoy Im.

Evnini eru trý, og fyrsta evnið snýr seg um at fáa ensk slang orð í ta føroysku orðabókina. Í Danmark verður kjakast um at fáa orð sum "sneakers" og "floor" í ta donsku orðabókina, tí hetta eru orð, sum tey ungu brúka. Málið broytist, og tí verður fyrsta evni í morgun, um hetta er nakað vit eisini skulu tosað um her heima.

- Eg havi gjørt soleiðis, at mann ikki kann viðmerkja. Eg tími ikki tað roksið aftur. Um mann er áhugaður í at keypa, kann mann senda mær eini persónlig boð. Um mann er áhugaður í at siga sína meining, kann mann eisini senda mær persónlig boð.

Soleiðis skrivaði Barbara Krossteig fyrr í vikuni, tá ið fólk høvdu niðrandi viðmerkingar um veggjaprýðini, sum hon seldi og um hana persónliga

Veggjaprýðið kallar hon Ófólkalig brodering, sum er eitt veggjaprýði við blómum, litum og banniorðum á.

Bóltabað, madrassur, trampolinir, rimar, hoppibóltar og leikur í longum røðum. Hetta eru amboðini, sum barnaergoterapeutarnir á Tinghúsvegnum brúka í sínum dagliga virki, tá ið tey skulu hjálpa børnum, sum hava serligan tørv við at klára seg í gerandisdegnum.

Her koma børn við alskyns avbjóðingum, har summar bert krevja nakrar fáar vitjanir, meðan onnur børn, ið til dømis bera varandi brek, ganga eina ferð um vikuna, líka til tey gerast 18 ár og tí vaksin.

Fjórða sesongin í røðini True Detective kemur út á HBO Max seinni í ár. Tá er føroyingurin Marita Dalsgaard við.

Á Facebook síðu sínari skrivar Marita soleiðis:

"Trúgvi hon, ið trúgva vil, men eg havi altso spælt saman við Jodie Foster, so um tey ikki hava klipt meg heilt út, so daga vit undan kavarokinum einaferð í heyst. At hava skift replikkir við Jodie, hvat meira kann ein sjónleikarinna ynskja sær?"

Sambært ásetingum í § 24 í bókasavnslógini skulu fýra ókeypis eintøk av øllum verkum, útgivin í Føroyum, avhendast til Landsbókasavnið.

Tilfar, ið skal latast Landsbókasavninum, er eitt nú bøkur, fløgur, filmar, ársfrágreiðingar, lýsingabløð, faldarar, plakatir og postkort.

Talgilt tilfar og útgávur á netinum koma eisini undir avhendingarskylduna.

Endamálið við avhendingarskylduni er at tryggja, at vitanin um føroyska mentan, søgu og føroyskt samfelagslív verður varðveitt til gagns fyri gransking og almenningin.

Silas Olofson, fuglaáhugaður, var úti við myndatólinum fyri at avmynda hetta serliga hegraslag, og hann fann ein nátthegra (Nycticorax nycticorax) í viðarlundini í Hvalvík.

- Hann var rennvátur av regninum og tóktist ikki ordiliga at vera nøgdur við umstøðurnar, sigur Silas við einum brosi.

- Her í Føroyum ger mann ofta tað sama, so hví ikki royna nakað øðrvísi og stuttligt.

Soleiðis sigur Jens Marni Hansen, sum saman við Søren Haugaard Pedersen verður at síggja í nýggju stóru undirhaldssendingini, Stjerneklar, sum fyrstu ferð verður at síggja fríggjakvøldið.

Longu í septembur í fjør fingu teir báðir fyrispurning frá Danmarks Radio um at vera við í nýggju undirhaldssendingini.

Hitatúrar, turrar slímhinnur, tunglyndi, vánaligur svøvnur, strongd. Nógvar eru tær keðiligu avleiðingarnar, sum kunnu standast av skiftisárunum hjá einari kvinnu.

Allar skulu ígjøgnum skiftið, har tú fert frá at vera gitnaðarfør til ikki at kunna fáa børn longur, men ymiskt er, hvussu henda tíðin ávirkar. Ein triðingur av kvinnum merkja lítið ella einki, ein triðingur kennir eyðkennini væl, meðan síðsti triðingurin hevur tað sera ringt.

Gestir hesaferð:

Hanus Kjølbro

Osmundur Justinussen

Søren Haugaard Pedersen

Jens Marni Hansen

Marianna Vang Simonsen

Toskafiskiskapurin undir Føroyum hevur verið sera vánaligur í fleiri ár, men beint fyri páskirnar brendu bátar í stóran og feitan tosk á norðhavinum.

- Eg tosaði við Kjartan Joensen, sum hevur fiskað næstan alt lívið, og hann segði, at hann hevði neyvan nakrantíð sæð eina so stóra samling av so stórum toski, sigur Osmundur Justinussen.

Osmundur Justinussen er reiðari og hevur í eitt mannaminni fylgt sera væl við fiskiskapinum undir Føroyum. 

 

Stórur og feitur toskur