Í 1985, tá Niclas Heri var 17 ára gamal, skrivaði hann eitt lag við við nøkrum fáum moll-akkordum, sum hann tá dugdi.

Nú, 38 ár seinni, hevur hann loksins gjørt sangin lidnan.

"Tú ert ok" er heitið, og hann byggir á ein blogg, sum Niclas Heri legði út á sín facebookvanga á Altjóða sálarheilsudegnum.

Har hugleiðir hann um Skeiva tornið í Pisa, ið var reist um ár 1100.

Skjótt fór tað at hella, og tað var hildið at vera miseydnað.

Nógvar royndir hava verið gjørdar at rætta tornið, men alt til fánýtis.

Anna Joensen Næs og Sólrun Sundberg Michelsen úr Sinnisbata Ung greiða frá undirvísing á fólkaskúlum kring landið.

Vit tosa eisini við Kristian Linklett Mortansson, sum saman við fimm vinmonnum er farin at ganga úr Gásadali til Viðareiðis.

Og so tosa vit við ruskinnsavnararnar Jákup Petur Djurhuus, Ári Arge og Tórur Frankson Joensen um, hvussu tað er at vera ruskinnsavnari, og um fólk geva sær far um, hvat tey koyra í ruskposarnar.

Í panelinum í morgun eru Tom Jacobsen, pastorur og lærari og Ingi Poulsen, tónleikari og næmingur.

Trý evni eru á skránni.

Tað fyrsta snýr seg um tað, at landsstýrið og kommunur eru samd um, at Føroyar skulu vera besta stað í heiminum at vaksa upp í - men hvat er eitt gott stað hjá børnum at vaksa upp í, og hvat skal til fyri, at øll børn í Føroyum hava tað gott? 

Báðir halda, at Føroyar eru eitt gott stað at vaksa upp í, men ein av teimum leggur dent á, at har skulu broytingar gerast.

Ungdómstoymið hjá Sinnisbata, Sinnisbati Ung, hevur í seinastuni undirvíst 7.-9. flokkum í sálarheilsu. Hesum fara tey at halda fram við eftir páskir. 

Anna Joensen-Næs og Sólrún Sundberg Michelsen vóna, at tær við hesum varpa ljós á, at tað er í lagi at tosa um sínar kenslur, eisini tá ið mann ikki hevur tað gott.

Á skránni er nógv ymisk; spøl, persónligar søgur og prát um sálarheilsu.

- Summi halda, at tað er torført at vera við, men sum heild, lata tey ungu væl at hesum, siga tær báðar.

Píkatráður, knívur, ein dripin hani og skitnar blæur.

Hetta er nakað av tí, sum ruskinnsavnarar viðhvørt møta sum tað fyrsta, tá teir heinta ruskposar.

- Sum heild virða fólk okkum og okkara arbeiði, men tað kemur fyri, at vit kunnu skera okkum ella onkursvegna koma illa fyri, tí fólk ikki hava hugsað seg nóg væl um, tá tey hava lagt okkurt í ruskposan, sigur Jákup Petur Djurhuus.

Saman við Ára Arge og Tórði Frankson Joensen er hann partur av einum toymi, sum hvørja viku heintar húsarhaldsburturkast í Havn.

Í kvøld eftir Dag og viku kemur føroyska sendingin, Grønjakkar í Havn.

Hon snýr seg um dreingirnar í grønum jakkum, sum javnan vóru at síggja í gøtunum í Havn í 80unum og 90unum.

Í sendingini verður tosað við tveir fyrrverandi grønjakkar, Høgna Hár og Høgna Krúll.

Teir minnast aftur á eina tíð, sum var merkt av býarlívi og nógvum rúsevnum.

Føroyingar skulu dyrka alt grønt sjálvir í vakstrarhúsum.

Tað ætla nakrir ísraelar og føroyingar, sum hava sett á stovn eitt íløgufelag.

Tórheðin Jensen, sum skal ráðgeva felagnum, greiðir frá felagnum og verkætlanini í Góðan Morgun Føroyum.

Frá vinstru:

Ben Arabo - stjóri í Framtak og limur í ráðgevandi nevnd í FiiiC

Amir Yavniely - stovnari og stjóri í FiiiC

Tórheðin Jónsveinsson Jensen - marknaðarstjóri í Varðanum og limur í ráðgevandi nevnd í FiiiC

Robert R. Sivertsen - arbeiðsfelagi í FiiiC.

Fyrr var púra vanligt at hoyra kunngerðir í útvarpinum um dans alla møguliga staðni kring landið. Í klubbum, bygdarhúsum, ítróttahallum og so framvegis.

Í dag er langt millum slíkar kunngerðir í dag, eins og tað eisini er sjáldan, at eitt ordiligt dansigólv er á skeinkistøðunum, sum eru.

Signar í Homrum, tónleikari, og Petur Petursen, formaður í Dansifrøi, skifta orð um broyttu dansi- og diskoteksmentanina í Føroyum.

Úttalutrupulleikar eru rættiliga vanligir trupulleikar, sum børn hava, siga Lisbeth Gotved Petersen og Rósa Danielsen, taluráðgevar á Sernámi.

Kanningar vísa, at í hvørjum flokki eru eitt ella tvey børn, sum hava hesar trupulleikarnar, og við rættari hjálp kemur hetta sum oftast upp á pláss.

Málsligt menningarórógv

Soleiðis sigur Jørn Henrik Olsen, teologur og undirvísari. Hann hevur eisini skrivað bøkur um sorg og var í Føroyum fyri kortum fyri at tosa um bíðisorg. Bíðisorg er sorgin, sum avvarandi hjá sjúkum fólkum kenna, meðan tann, tey elska, hvørvur spakuliga.