Veganismi eða vegan matarræði höfðar til sífellt fleiri. Þeir sem eru vegan neyta engra dýraafurða. Þrjár ástæður liggja oftast fyrir því að fólk gerist vegan. Þær eru dýravernd, umhverfisvernd og heilsufarsástæður. En hvað er vegan matur? Hvað er til dæmis úmf og veganostur og hvað innihaldið í þessum matvörum og hvernig eru þær framleiddar? Guðrún Sóley Gestsdóttir, dagskrárgerðarkona á RÚV og höfundur bókarinnar Grænkera krásir og Guðrúnu Ósk Maríasdóttur, matvælafræðingur og b.s. í næringafræði, komu í þáttinn og fræddu okkur um þessi mál.

Við rifjuðum upp efni úr safni Útvarpsins og heyrum brot úr Kvöldvökuþætti frá árinu 1985. Þórarinn Björnsson hafði umsjón með þættinum og færir hlustendum frásögn Guðrúnar Jakobsdóttur að Víkingavatni Kelduhverfi Kópaskeri. Guðrún rifjaði upp merkilegan dag úr lífi sínu, í ágústmánuði 1957.

Kristín Einarsdóttir, okkar kona á Ströndum, brá sér í kaupstað, til Hólmavíkur og hitti þar hagleikskonuna Ásdísi Jónsdóttur sem bæði prjónar, saumar, smíðar og málar og þótt hún sé komin yfir sjötugt stendur hún flesta daga vaktina á handverksmarkaði þeirra Strandamanna.

Umsjón Guðrún Gunnarsdóttir og Gunnar Hansson