La Filarmonia da chombra dal Grischun ha edì in nov disc cumpact cun cumponists che han ina relaziun da cor cun noss chantun.

En questa emissiun udin nus litteratura da Raffaele d'Alessandro, Paul Juon ed Oliver Waespi. Tuts trais han ina coliaziun speziala cun il Grischun. D'Alessandro è in Svizzer cun ina mamma dal Grischun, Paul Juon ha ses tat ch'è naschì a Masain ed è lura emigrà, ed Oliver Waespi è in cumponist turitgais cun in'affinitad per las melodias e ditgas da noss chantun. La Filarmonia da chombra ha registrà intginas cumposiziuns dad els e quellas lain tadlar.