Groei, leer en ontwikkeling by kinders is soveel meer omvattend as net genoeg kos, oefening en slaap. Johan van Lill praat met Lizanne du Plessis, 'n arbeidsterapeut, oor hoe kinders ontwikkel. Hulle fokus veral op faktore in groei en leer, wat selfregulering beïnvloed.

Dis nou amptelik 'n wet dat ouers nie meer lyfstraf mag toepas nie. Johan van Lill praat met kenners oor hoe om dissipline toe te pas, en wat die alternatiewe vorme is om jou kinders te straf vir gedrag wat ontoepaslik is of wanneer hulle reëls oortree.

Die jaar is vinnig besig om einde se kant toe te staan, en vir die Graad 7's is dit tyd om te begin dink aan hoërskool toe gaan. Johan van Lill praat met Wilna van Heerden, skoolhoof van Hoërskool Bloemhof, oor wat kan ouers en versorgers kan doen om kinders hiervoor voor te berei, en wat om te doen as die kind volgende jaar dalk moet koshuis toe gaan.

Ouditiewe prosessering is die natuurlike proses waar ons die klank wat ons deur ons ore hoor, na die brein stuur om te verwerk. Johan van Lill praat met Martelle Bornman, 'n oudioloog, oor hoe kinders wat hiermee uitvalle het, getoets word, en watter hulp beskikbaar is.

Hoe moet jy met kinders gesels oor al die veldtogte wat op die oomblik aan die gang is oor geweld teenoor vroue en kinders. Johan van Lill praat hieroor met Marga Botha, 'n onderwyskundige en kenner oor seksualiteitsopvoeding.

Dis Nasionale Boekeweek, en Johan van Lill gesels met twee leeskenners oor hoe om kinders lief te maak vir lees. Hoekom is slaaptydstories so belangrik? Hoe kan 'n besoek aan die biblioteek 'n genotvolle ervaring vir ouer en kind wees?

Johan van Lill praat met ST Potgieter, 'n sielkundige, oor hoe om dit te hanteer as jou kind begin om maatjies se goed te vat, of wanneer kinders steel. Hoe gesels ek met my kind daaroor, en hoekom doen soveel kinders dit al het hulle alles wat hulle nodig het?

Johan van Lill praat met dr. Tania Beeton, 'n oudioloog, oor hoe gehoortoetse by kinders werk.

Johan van Lill praat met opvoedkundige sielkundige Elzette Fritz oor hoe om die versorging van troeteldiere met kinders te hanteer, en watter positiewe impak dit op die gesin kan hê. Dr. Pierre Snyman, 'n veearts, gee ook wenke oor hoe om jou troeteldier aan 'n nuwe baba gewoond te maak.

Johan van Lill praat met opvoedkundige sielkundige Katherine van Heerden oor die rol van ma's wat saam met die wêreld van werk verander het, en hoe ma's die uitdagings kan hanteer. 'n Klompie ma's vertel ook hoe hulle oor hulle rol as 'n ma voel.