Johan van Lill gesels oor kinders se algemene kennis, en hoe om kinders nuuskierig te maak. Adinda vermaak, die samesteller van die boek, VRAE EN FEITE VIR NUUSKIERIGE AGIES, verduidelik hoe ouers en versorgers die boek kan gebruik om kinders aan die lees te kry.

Johan van Lill kyk na die oorgang van laerskool tot hoërskool, en hoe ouers en versorgers dit kan hanteer.

Johan van Lill praat met maatskaplike werker, Katinka Pieters, van die organisasie ABBA Adoptions, oor hoe al die kompleksiteite met ouer kinders wat aangeneem is, en hoe gemaak as jou aanneemkind vra om sy of haar biologiese ouers te ontmoet.

Johan van Lill praat met kliniese sielkundige Willem de Jager oor Oppositional Defiance Disorder (ODD), wat as 'n teenkantingsindroom by kinders voorkom. Dis kinders wat oor die algemeen moeilik is en altyd gesag uitdaag.

Johan van Lill praat met Ine de Vries, 'n voorligtingsielkundige, oor hoeveel skermtyd toelaatbaar is vir kinders.

Johan van Lill praat met dr. Susanne Jacobs oor hoe om skeidingsangs by kinders te hanteer.

Johan van Lill praat met kenners oor tienerswangerskappe. Twee maatskaplike werkers vertel hoe ouers en versorgers die situasie moet hanteer, wat die regte van albei ouers is, en die moets en moenies van hoe die situasie in die skool hanteer kan word.

Johan van Lill praat met kenners oor Fetale Alkoholsindroom (FAS), spesifiek oor die potensiaal van ouer kinders en tieners wat hieraan ly.

Hoe kan terapeute jou kind help wanneer dinge nie goed gaan by die skool nie? Ons kenner is spelterapeut Wietske Boon.

Hoe gemaak as my kind wil tou opgooi met 'n buitemuurse aktiwiteit of stokperdjie. Francois du Plessis, 'n karate-instrukteur, gee raad oor hoe om kinders te motiveer om deur te druk wanneer die buitemuurse aktiwiteit uitdagings aan die kind begin stel.