Groeipyne

Johan van Lill praat met kenners oor Fetale Alkoholsindroom (FAS), spesifiek oor die potensiaal van ouer kinders en tieners wat hieraan ly.

Hoe kan terapeute jou kind help wanneer dinge nie goed gaan by die skool nie? Ons kenner is spelterapeut Wietske Boon.

Hoe gemaak as my kind wil tou opgooi met 'n buitemuurse aktiwiteit of stokperdjie. Francois du Plessis, 'n karate-instrukteur, gee raad oor hoe om kinders te motiveer om deur te druk wanneer die buitemuurse aktiwiteit uitdagings aan die kind begin stel.

Die winkelrakke is vol opvoedkundige apparaat. Johan van Lill vind uit watter apparaat 'n mens voor moet uitkyk, en hoe dit gebruik kan word om byvoorbeeld Wiskundigevaardighede te ontwikkel. Die kenner is onderwyskundige Marise Oberholzer.

Johan van Lill kyk na trauma en hoe gesinne dit moet hanteer. Kapings, molestering, sterftes en kinders wat wegloop, is deel van gesinne en families se alledaagse lewe. Hoe kan 'n gesin gehelp word met trauma? Die kenner is pastorale terapeut dr. Deon Bruwer.

Johan van Lill kyk na die rol van reëls in die huis. Daar is nie baie mense wat nie van reëls hou nie, maar dit bly 'n lewensfeit dat gesinne nie daarsonder kan funksioneer nie.

Johan van Lill praat met dr. Etienne van der Walt, 'n neuroloog, oor die impak wat tegnologie op kinders se breinontwikkeling het. Mag 'n kind byvoorbeeld langs 'n selfoon wat laai, slaap. En het opvoedkundige sagteware regtig die kognitiewe impak wat dikwels daarmee beloof word?

Johan van Lill gesels met onderwyskenner Frieda Wilkens oor hoe om jou kinders lief te maak vir boeke en lees. Watter rol speel boeke in 'n wêreld waar kinders heeldag met tegnologie omgaan?

Johan van Lill praat met Wietske Boon, 'n spelterapeut, oor toiletafrigting en hoe om jou kind daarmee te help. Wanneer begin jy, en hoe weet jy wanneer jou kind gereed is daarvoor?

Johan van Lill praat met dr. Melodie de Jager, 'n ontwikkelingskenner, oor leerprobleme by kinders.