Per la festa da 100 onns Societad da musica Vignogn ha la musica envidà autras musicas ad ina concurrenza musicala.

Set musicas da la regiun (Glion, Lumbrein, Sagogn, Suraua, Trun, Val, Vrin) han dà suatientscha a l'invit ed han preparà in program da mintgamai 15 minutas. En quel ha mintga musica stuì preschentar almain in marsch. Er giavischads eran elements da «show» sco coreografias u effects.

Ina giuria professiunala ed il publicum en la sala polivalenta a Vella han valità la prestaziun, e la finala elegì la societad victura.

L'emprima part da la concurrenza è stada d'udir en l'emissiun Instrumentala da mesemna ils 18-05-2022 cun las musicas da Lumbrein, Glion, Sagogn e Suraua. En la segunda part sunan las musicas da Vrin, Val e Trun. Vitiers datti er intginas producziuns da la musica giubilara, la Societad da musica Vignogn.