Hádegið

Í fyrri hluta Hádegisins höldum við til Bandaríkjanna. Fjöldi ásakana hefur komið fram á hendur Andrew Cuomo, ríkisstjóra New York-ríkis, um kynferðislega áreitni. Sjötta ásökunin birtist í gær. Flestar eru konurnar fyrrverandi aðstoðarmenn ríkisstjórans. Þær segja að hann hafi viðhaft ósæmilega og óviðeigandi hegðun á vinnustað og saka hann um óviðeigandi snertingu og káf og kossa án samþykkis. Ríkisstjórinn neitar öllum ásökunum og ætlar ekki að segja af sér - þrátt fyrir að almenningur, samstarfsmenn hans og jafnvel sumir flokksbræður hans kalli eftir því.

Í síðari hluta þáttarins fjöllum við mál Lilju Alferðsdóttur, mennta- og menningarmálaráðherra.Í síðustu viku hafnaði héraðsdómur kröfu Lilju um að ógilda úrskurð kærunefndar jafnréttismála frá því síðasta sumar. Í úrskurði kærunefndar kom fram Lilja hefði brotið jafnréttislög við skipan Páls Magnússonar í embætti ráðuneytisstjóra í menntamálaráðuneytinu. Ríkinu var gert að greiða allan málskostnað Hafdísar Helgu Óskarsdóttur, sem ráðherra stefndi, fjórar komma fimm milljónir króna. Ráðherra hefur ákveðið að áfrýja niðurstöðunni til Landsréttar. Málið er að mörgu leyti fordæmalaust, og flókið mjög. Guðmundur Björn ræddi við Trausta Fannar Valsson, dósent í lögfræði við Háskóla Íslands, um þetta mál, hlutverk kærunefndar jafnréttismála og einnig svokallaða ráfgefandi hæfisnefnd, sem metur hæfi umsækjenda um stöður í ráðuneytinu.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjöllum við um átökin í Mjanmar. Að minnsta kosti fimmtíu og fjórir almennir borgarar hafa látið lífið í mótmælum gegn herforingjastjórninni í asíuríkinu Mjanmar síðustu vikur. Síðustu daga hefur ofbeldið í átökum lögreglu og mótmælenda færst í aukanna. Alþjóðasamfélagið hefur fordæmt valdarán hersins 1. febrúar, en það virðist lítið benda til þess að herforingjastjórnin sé að hrökklast frá völdum.

Í síðari hluta þáttarins fjöllum við um breska afbrigði kórónuveirunnar. Fimm eru smitaðir með breska afbrigði kórónuveirunnar hér á landi. Þetta umtalaða breska afbrigði veirunnar - sem hefur breiðst út um Evrópu og víðar á það sem virðist vera ógnarhraða - virðist sem sagt vera komið á kreik í samfélaginu. En hvað er þetta breska afbrigði og hvernig er það frábrugðið öðrum afbrigðum veirunnar? Er það meira smitandi eða jafnvel hættulegra? Katrín ræddi við Má Kristjánsson yfirlækni smitsjúkdómadeildar Landspítalans um þetta sérstaka afbrigði kórónuveirunnar.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjöllum við um heimilisfjármálin með Gunnari Dofra Ólafssyni, stjórnanda hlaðvarpsþáttarins Leitin að peningunum. Er hægt að setjast í helgan stein á fertugsaldri, jafnvel þrítugsaldri? Hvað þarf til? Hvað er FIRE-hreyfingin og er hún útbreidd á Íslandi?

Í síðari hluta þáttarins er fjallað um mál málanna. Órói innan Bresku konungsfjölskyldunnar er á allra vörum þessa daganna, sér í lagi eftir umdeilt viðtal Opruh Winfrey við Harry bretaprins og Meghan Markle, hertogaynjuna af Sussex. Í viðtalinu kom meðal annars fram að Markle hafi íhugað að taka eigið líf þar sem hún fékk enga hjálp frá konungsfjölskyldunni þegar hún glímdi viðandleg veikindi. Innan konungsfjölskyldunnar hafi einnig borið á kynþáttahatri í garð hennar og sonar þeirra hjóna, Archie. Guðmundur Björn ræðir við Önnu Lilju Þórisdóttur fréttamann um viðtalið og næstu skref í þessu sérkennilega máli.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjöllum við um nýjustu vendingar í Covid-19 málum hér á landi. Tvö kórónuveirusmit greindust innanlands um helgina og hugsanlegt að fjórða bylgja faraldursins sé í uppsiglingu. Þau smituðu búa í sama stigagangi fjölbýlishúss í Reykjavík. Annað þeirra er starfsmaður á Landspítalanum þar sem tugir eru nú komnir í sóttkví. Starfsmaðurinn sótti stórtónleika í Hörpu á föstudag. Ekkert smit greindist í gær við sýnatöku. Fyrir helgi hafði ekkert virkt smit greinst innanlands utan sóttkvíar frá tuttugasta janúar, eða í um einn og hálfan mánuð. Það fóru því eflaust margir svekktir fram úr í morgun eftir tíðindi helgarinnar. En hvaða örlagaríku atburðir áttu sér í kórónuveirumálum um helgina, er fjórða bylgjan yfirvofandi og er breska afbrigðið verra en önnur?

Í síðari hluta þáttarins fjöllum við um fótbolta. Íslensku karlalandsliðin í fótbolta leika sex mikilvæga leiki síðar í þessum mánuði. A-landslið karla hefur leik í undankeppni HM í Katar og undir tuttugu og eins árs landsliðið tekur þátt í lokamóti Evrópukeppninnar í Ungverjalandi. En það er mikil óvissa í loftinu í kringum þessa leiki, bæði út af kórónuveirufaraldrinum og vegna stríðsátaka. Svo gæti farið að okkar bestu leikmenn fái ekki að spila vegna sóttvarnarreglna. Guðmundur Björn ræddi við Klöru Bjartmarz, framkvæmdastjóra KSÍ um alla þessa óvissu, og við Þorkel Gunnar Sigurbjörnsson, um möguleika Íslands bæði í undankeppni HM og á Evrópumóti undir tuttugu og eins landsliða.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins örskýrir Atli Fannar Bjarkason, fyrirbærið eldgos. Fátt hefur komist að í fréttum síðustu daga annað en eldgos og jarðskjálftar. Jarðskjálftana höfum við öll fundið, en ekkert bólar þó á eldgosi. Á fundi almannavarna í fyrradag var greint frá því að eldgos gæti þó verið í vændum á næstunni á Reykjanesskaga. Eitthvað hefur dregið úr þeim spádómi, en engu að síður er ljóst að það gæti vel farið að gjósa á Reykjanesi. En hvað eru eldgos og hvernig orsakast þau? Í örskýringum sínum tekur Atli fyrir flókin fyrirbæri og hugtök og útskýrir þau á einfaldan hátt. Í dag segir hann okkur frá eldgosum.

Í síðari hluti þáttarins fjöllum við yfirstandandi réttarhöld yfir fangaverði í Sachsenhausen-fangabúðum nasista í síðari heimstyrjöld. Glæpir fortíðar geta fyrnst - það er að segja oft eiga brot sér fyrningardag - en það er þó ekki alltaf raunin og sumir glæpir fortíðar geta komið í bakið á viðkomandi í fjarlægri framtíð - alvarlegir glæpir á borð vð þjóðarmorð og voðaverk.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjöllum við um heimilisfjármálin með Gunnari Dofra Ólafssyni. Flest okkar kannast við það að kaupa eitthvað sem okkur vantar bara alllls ekki - jafnvel eitthvað sem við komum aldrei til með að nota og hangir inni í skáp þar til það endar á haugunum með merkimiðanum áföstum. En hvernig gerist það? Hvernig gerist það að við stöndum skyndilega uppi með allskonar drasl og dót sem við höfum engin not fyrir? Hvaða brögð eru þar að verki? Gunnar kann betri skil á kauphegðun okkar og þeim brellum og brögðum sem er beint að henni.

Í síðari hluta þáttarins snúum við okkur að eldgosum, meintum eða fyrirhuguðum, allavega. Það hefur ekki gosið á því eldsvæði á Reykjanesskaga þar sem nú eru jarðhræingar, síðan á ísöld. En það hefur svo sannarlega gosið á Reykjanesskaganum síðan þá. Guðmundur Björn settist niður með Sigmundi Einarssyni jarðfærðingi og sérfærðingi um eldgos á Reykjanesskaga.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjöllum við refsiaðgerðir Bandaríkjanna gegn Rússum. Utanríkisráðuneyti Bandaríkjanna tilkynnti í gær að bandarísk stjórnvöld hefðu lagt í refsiaðgerðir á leiðtoga Houthi stjórnarinnar í Jemen, og á Rússland. Aðgerðirnar gegn Rússum eru tilkomnar vegna meðferðar rússneskra stjórnvalda á stjórnarandstæðingnum Alexey Navalny. Þá hefur Evrópusambandið gert slíkt hið sama. Rússar svöruðu ákvörðun Bandaríkjanna fullum hálsi í gær.

Í síðari hluta þáttarins höldum við til meginlands Evrópu. Skipulögð glæpastarfsemi snýst fyrst og fremst um að græða peninga og að koma illa fengnum ágóða í löglega starfsemi. Þá geta glæpamennirnir ávaxtað hann frekar og erfiðara er fyrir yfirvöld að gera fjármuni og eignir upptækar. Margir glæpahópar starfa á alþjóðavísu og Íslendingar eru þar engin undantekning. Stjórnvöld víða um heim hafa brugðist við þessari þróun með auknu samstarfi, m.a. í alþjóðlegum stofnunum. Sveinn Helgason í Brussel ræddi við tengslafulltrúa Íslands hjá Europol, Grím Grímsson, og hitti líka belgískan blaðamann sem sérhæfir sig í glæpa- og lögreglufréttum.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjallar Katrín um hegðun og hömluleysi í netheimum. Leyfum við okkur að segja meira á bakvið tölvuskjáinn? Og hvers vegna?

Í gær urðu tímamót í baráttunni gegn Covid-19, þegar fyrstu bólusetningarnar á vegum Covax-samstarfsins voru gerðar. Covax-samstarfið er alþjóðlegt samstarf um sanngjarna dreifingu bóluefna gegn COVID-19 til fátækari ríkja heims. Engu að síður er ljóst að ríkari þjóðir heims hafa hamstrað bóluefni, á meðan hin fátæku og vanþróaðari sitja á hakanum. Í síðari hluta þáttarins ræðir Guðmundur Björn við Geir Gunnlaugsson, fyrrum landlækni, sem starafði um árabil í afríkuríkinu Gíneu-Bissá, um COVAX-stamstarfið og helstu áskoranir afríkuríkja í baráttuni við Covid-19, nú þegar bólusetning er á næstu grösum.

Í fyrri hluta Hádegisins er rætt við Kristínu Jónsdóttur, hópsstjóra náttúruvárvöktunar Veðurstofu Íslands. Jarðskjálftavirkni síðustu daga hefur án efa ekki farið framhjá einum einasta manni hér á landi. Margir velta því nú fyrir sér hvort skjálftavirknin geti verið undanfari eldgoss? Eða, mun hrinan hætta kannski jafn skjótt og hún byrjaði? Kristín Jónsdóttir veit meira um það.

Í síðara hluta þáttarins veltum við því fyrir okkur hvort íþróttamenn eigi að skipta sér af pólitík. Sænska knattspyrnuhetjan Zlatan Ibrahimovic skaut föstum skotum á körfuboltamanninn Lebron James í síðustu viku fyrir þáttöku þess síðarnefnda í réttindabaráttu minnihlutahópa í Bandaríkjunum. James svaraði Svíanum fullum hálsi og sagðist aldrei ætla að hætta að berjast fyrir réttindum kúgaðra. Það hefur færst í aukanna síðustu ár að íþróttamenn tjái sig um samfélagsmál, en sitt sýnist hverjum. Guðmundur Björn ræðir við Kristjönu Arnarsdóttur íþróttafréttamann um deilur þeirra James og Ibrahimovic, og hvort íþróttamenn eigi að skipta sér af pólitík.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins er fjallað um John Geddert, fyrrverandi þjálfari bandaríska kvennalandsliðsins í fimleikum, en hann fyrirfór sér í gær, aðeins nokkrum klukkustundum eftir að hann var ákærður meðal annars fyrir mansal og kynferðisbrot gegn ungmennum.

Í síðari hluta þáttarins fjöllum við um auknar fjárveitingar til lögreglu. Áslaug Arna Sigurbjörnsdóttir dómsmálaráðherra sagði í grein í Morgunblaðinu í morgun, að skipulögð brotastarfsemi hér á landi hafi færst í aukana á síðustu árum og að mati lögreglunnar séu fimmtán starfandi hópar í landinu sem flokka megi sem skipulagða brotahópa. Stjórnvöld hafi ákveðið að bregðast við þessu, meðal annars með því að ráðstafaða 350 milljónum króna í sérstakan löggæslusjóð til þess að efla lögregluna í aðgerðum gegn skipulagðri brotastarfsemi. En hvers vegna hefur skipulögð brotastarfsemi færst í aukanna á síðustu árum, og hvað eru forvirkar rannsóknarheimilidir? Er þörf á þeim? Guðmundur Björn ræðir við Heiði Rán Kristinsdóttur lögfræðing og sérfræðing í málefnum tengdum löggæslu og skipulagðri brotastarfsemi.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.