Hádegið

Í fyrri hluta Hádegisins fjöllum við um nýjustu vendingar í Rússlandi. Stjórnarandstæðingurinn Alexei Navalny var handtekinn á dögunum við komuna til landsins, en degi síðar birtist myndband á YouTube rás Navalnys þar sem Vladimir Pútín Rússlandsforseti er sakaður um að eiga illa fengna glæsihöll við Svartahaf. Þúsundir mótmælenda og Navalnys hafa verið handtekin síðustu daga, en þar svífur nú andi breytinga yfir vötnum.

Í síðari hluta þáttarins fjöllum við um mál Mölku Leifer, fyrrum skólastjóra í stúlknaskóla fyrir strangtrúaaða Gyðinga í Ástralíu. Leifer var fyrr í mánuðinum framseld frá Ísrael til Ástralíu, þar sem hún á yfir höfði sér 74 ákærur fyrir barnaníð, en hún er sökuð um að hafa beitt nemendur sína kynferðislegu ofbeldi á árunum 2003 til 2008. Hún flúði til Ísraels, heimalands síns, þegar ásakanir gegn henni litu dagsins ljós 2008 og hefur verið þar síðan og háð langa og flókna lagalega baráttu þar í landi um hvort, og þá hvenær, stæði til að hún yrði framseld til Ástralíu.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjallar Gunnar Dofri Ólafsson um svokölluð hlutdeildarlán, mýtilkomið úrræði stjórnvalda sem á að auðvelda tekjulágum að festa kaup á sinni fyrstu íbúð. En hvernig virkar þetta úrræði? Og hverjir geta nýtt sér það?

Í síðari hluta þáttarins er fjallað um stjórnmálaflokkinn AfD, Alterntiv fur Deutschland, en í gær ákvað stjórnlagadómstóll í Saxlandi að skilgrein flokkinn sem mögulega hægri-öfgahreyfingu. Það verður til þess að leyniþjónustustofnunum verður heimilt að fylgjast náið með skráðum félögum í flokknum á svæðinu. Við ræðum um uppgang flokksins í Þýskalandi við Eirík Bergmann Einarsson, prófessor í stjórnmálafræði.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins er fjallað um kórónuveiruna, en víða erlendis er verða herða sóttvarnaraðgerðir, þótt hér á landi séu smittölur lágar. Hörð mótmæli brutust út í Danmörku og Hollandi um helgina, nýr forseti Bandaríkjanna hefur boðað hertar aðgerðir þar í landi.

Í seinni hluta þáttarins sláum við á þráðinn til Einars Arnar Jónssonar íþróttafréttamanns í Egyptalandi. Íslenska karlalandsliðið llauk keppni á HM í handbolta í gær með naumu tapi gegn Norðmönnum. Við ræðum við Einar um gengi Íslands á mótinu, umdeild ummæli landsliðsþjálfarans, hvers megi vænta af liðinu í framtíðinni, og hvaða lið eru sigurstranglest.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins förum við til Danmerkur. Nýtt danskt app, appið iConsent, leit dagsins ljós nú á dögunum og staðið hefur styr um það síðan. Með appinu - sem hefur verið harðlega gagnrýnt - er hægt að leitast eftir samþykki frá maka - eða hverjum þeim sem stendur til að sænga hjá - og fá það bæði skráð og skjalfest. Þannig er appinu ætlað að koma í veg fyrir misskilning og óvissu um samþykki í kynlifi, og jafnvel nauðgun. Taka skal það fram að innslagið gæti komið illa við suma hlustendur enda er fjallað um viðkvæm málefni á borð við nauðgun og misnotkun.

Í síðari hluta þáttarins fjallar Guðmundur Björn um lagafrumvarp þar sem lagt er til það verði gert refsinæmt að afneita þjóðarmorði þýskra nasista á Gyðingum. Með öðrum orðum - frumvarp sem segir að refsa megi þeim sem afneitar eða gerir lítið úr helförinni með sektum eða fangelsi allt að tveimur árum. Guðmundur ræðir við Rósu Björku Brynjólfsdóttur flutningsmann frumvarpsins og Helga Hrafn Gunnarsson, þingmann Pírata. um þetta mál.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins hlýðum við á örskýringu Atla Fannars Bjarkasonar um bólusetningar. Af hverju ganga bólusetningar gegn Covid-19 svona hægt? Er verið að bólusetja alla aðra en okkur hér á landi? Af hverju er þetta allt svona ruglingslegt og hvenær verðum við komin með þetta hjarðónæmi?

Í síðari hluta þáttarins ætlum við að skoða fyrstu embættisverk Joe Bidens á forsetastóli, en þau eru ófá. Já, Biden beið ekki boðanna og þegar hann var rétt sestur á skriborðsstólinn á forsetaskrifstofunni var búinn að skrifa undir heilar fimmtán forsetatilskipanir. En aldrei hefur forseti Bandaríkjanna skrifað undir svo margar tilskipanir á einum degi. Margar þeirra snúast þá um að "vinda ofan af" - ef svo má að orði komast - verkum forvera hans, Donalds Trumps.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins er fjallað um innsetningarathöfnin í Washington D.C. í dag, þar sem Joe Biden tekur við embætti 46. forseta Bandaríkjanna. Athöfnin er með óhefðbundnum hætti, ekki aðeins vega útbreiðslu kórónuveirunnar heldur einnig vegna hryðjuverkaógnar.

Í síðari hluta þáttarins er fjallað um náðunarvald Bandaríkjaforseta, en Donald Trump náðaði 73 í gær og mildaði sjötíu dóma, á sínum síðasta degi í embætti.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins fjallar Gunnar Dofri Ólafsson um fjármálalæsi í vikulega liðnum Heimilisfjármálin. Hvers vegna er mikilvægt að vera læs á fjármál, og hversu mikið er hægt að spara ef maður kíkir oftar fremur en sjaldnar á heimabankann?

Í síðari hluta þáttarins ræðir Guðmundur Björn við Albert Jónsson, fyrrum sendiherra Íslands í Bandaríkjunum, um helstu áskoranir Joe Biden á forsetastóli. Biden tekur formlega við embætti forseta á morgun, en hverjar verða áherslur hans í efnahags- og utanríkismálum?

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins er fjallað um handtökuna á Alexei Navalny, stjórnarandstæðingnum sem FSB, rússneska leyniþjónustuna, eitraði fyrir í sumar.

Í síðari hluta þáttarins sláum við á þráðinn til Egyptalands og ræðum við Einar Örn Jónsson, íþróttafréttamann. Einar fylgir íslenska karlalandsliðinu eftir á heimsmeistaramótinu, en mótið hefur ekki gengið snuðrulaust fyrir sig, enda haldið í miðjum heimsfaraldri. Íslenska liðið mætir Marokkó í kvöld og verður að vinna leikinn til að taka tvö stig með sér í milliriðil.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

í fyrri hluta Hádegisins er fjallað um alfræðivefinn Wikipedia, sem í dag fagnar 20 ára afmæli sínu. Wikipedia hefu vaxið ört frá stofnun og í dag eru 56 milljón greinar á vefnum á 316 tungumálum.

Að loknum hádegisfréttum fjöllum við um Flint-skandalinn svokallaða. Rick Snyder, fyrrverandi ríkisstjóri í Michigan-ríki hefur verið ákærður fyrir vanrækslu í tengslum við mengun í neysluvatni í borginni Flint árið 2014, sem leiddi til að tólf létust og tugir veiktust alvarlega. Howard Croft, fyrrverandi yfirmaður opinberrar þjónustu í Flint, er einnig ákærður fyrir sömu sakir. Við spyrjum, hvað gerðist eiginlega í Flint-borg?

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Í fyrri hluta Hádegisins heyrum við örskýringu Atla Fannars Bjarkasonar á fyrirbærinu bankasala, en þetta hugtak hefur verið mikið í umræðunni að undanförnu. Af hverju er aftur farið að ræða um sölu Íslandsbanka einmitt núna? Hvenær á ríkið eiginlega að selja banka? Hvenær selur maður banka og hvenær selur maður ekki banka?

Í síðari hluta þáttarins fjöllum við ákæru fulltrúadeilar Bandaríkjþings á hendur forseta landsins, Donald Trump. Samþykkt var að ákæra forsetann fyrir embættisglöp í starfi vegna árásarinnar á þinghúsið í síðustu viku. Þetta er í annað skipti sem forsetinn er ákærður fyrir embættisglöp og er hann fyrsti forsetinn sem er þess vafasama heiðurs aðnjótandi.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.