Sias chanzuns han introducì in nov sound el chant da nos chors virils rumantschs.

Hans Erni, scolast, pur, politicher, redactur ed editur da cudeschs da chant e surtut dirigent e cumponist – el è naschì ils 25 da december 1867 a Trin e mort ils 14 d'avrigl 1961 a Tavau. L'atun 1887 cumpona Hans Erni chanzuns per la scola. Ed el scriva: «Quai duei esser la cruna da mia lavur cumpositorica». I suondan anc 200 chanzuns per chor viril e chor maschadà. Chanzuns per part daventadas vairs hits: «Romontsch, romontsch ei nies lungatg e viva nossa viarva, Quei ei miu grep, quei ei miu crap..., Juhè, tgei legria, Uss ei il matg a strada ni Fontaunas clar resunan». Duri Sialm ha numnà Hans Erni il Bovet rumantsch. E nus discurrin anc oz dal bab da la chanzun rumantscha.