Hello VOA - វីអូអេ podcast - Page 10

October 10, 2022 Hello VOA សំឡេងជំនាន់ថ្មី៖ គម្រោង «តោះអាន» ជួយបង្កើនទម្លាប់ការអានរបស់កុមារ - តុលា 10, 2022

គម្រោង«តោះអាន» ឬ Let’s Read របស់អង្គការមូលនិធិអាស៊ី គឺជាកម្មវិធីបច្ចេកវិទ្យាមួយ ឬហៅថា App ដែលមានសៀវភៅអានភ្ជាប់ជាមួយរូបភាពជាច្រើនសម្រាប់កុមារ មានទាំងជាភាសាខ្មែរ និងភាសាបរទេសមួយចំនួនទៀត។ នៅក្នុងបទសម្ភាសន៍ជាមួយអ្នកស្រី កាន់ វិច្ឆិកា នៃវីអូអេ លោក សរ វីរៈតារា មន្ត្រីកម្មវិធីនៃអង្គការមូលនិធិអាស៊ី បានឲ្យថា គម្រោង«តោះអាន» ឬ Let’s Read មានសៀវភៅ និងកម្មវិធីមិនគិតថ្លៃ ដែលជួយជំរុញឱ្យកុមារបង្កើនទម្លាប់ក្នុងការអានកាន់តែច្រើន។ សូមលោកអ្នកនាងស្ដាប់បទសម្ភាសន៍នេះទាំងស្រុងដូចតទៅ៕

26 min

October 06, 2022 Hello VOA៖ ទស្សនវិជ្ជាគ្រប់គ្រងរដ្ឋរបស់ទិសាបាមោក្ខឥណ្ឌា កៅឌីល្យៈ - តុលា 07, 2022

ក្នុងកម្មវិធី Hello VOA ប្រចាំខែ ក្រោមមូលបទ «អាស៊ាន» ដែលចាក់ផ្សាយកាល ពីរាត្រីថ្ងៃព្រហស្បតិ៍ ទី០៦ ខែតុលា ឆ្នាំ២០២២ បណ្ឌិត រ៉ូ វណ្ណៈ សាស្ត្រាចារ្យជំនាញវិទ្យាសាស្ត្រនយោបាយ បានចូលមកអន្តរាគមន៍ បកស្រាយអំពីទស្សនវិជ្ជាគ្រប់គ្រងរដ្ឋ សេដ្ឋកិច្ច ចារកម្ម និងយោធា របស់ទិសាបាមោក្ខឥណ្ឌាសម័យបុរាណ កៅឌីល្យៈ និងការជាប់ពាក់ព័ន្ធនៃទ្រឹស្ដីរបស់លោក ទៅនឹងស្ថានការណ៍ភូមិសាស្ត្រនយោបាយសកលនាពេលបច្ចុប្បន្ន៕ ( អូន ឆេងប៉រ, Hello VOA, បែរឡាំង, ៦ តុលា ២០២២)

30 min

October 03, 2022 Hello VOA ស្ត្រីនិងភាពជាអ្នកដឹកនាំ៖ ស្ត្រីបន្តតស៊ូមតិដើម្បីឲ្យសង្គមឲ្យតម្លៃលើកិច្ចការរបស់ស្ត្រីក្នុងការមើលថែកូននិងបំពេញការងារក្នុងសង្គម - តុលា 04, 2022

អ្នកស្រី លឹម ប៊ួយហៀក បានចាប់ផ្តើមសិក្សាថ្នាក់បណ្ឌិតជំនាញចិត្តវិទ្យាព្យាបាល ដោយផ្តោតលើកុមារតូចៗ និងមនុស្សវ័យជំទង់ នៅសាកលវិទ្យាល័យ Vietnam National University នៅទីក្រុងហាណូយ ប្រទេសវៀតណាម។ អ្នកស្រីចូលចិត្តចែករំលែកចំណេះដឹងអំពីសុខភាពផ្លូវចិត្តកុមារ តាមរយៈការបង្កើតមាតិកាវីដេអូតាមបណ្តាញសង្គមផ្ទាល់ខ្លួន ក្រោមគម្រោងមួយដែលមានឈ្មោះថា «ដឹងគុណ-ចិត្តសាស្ត្រ និងការចិញ្ចឹមបីបាច់កូន»។ អ្នកស្រីលើកឡើងថា ថ្វីត្បិតអ្នកជំនាញចិត្តវិទ្យាមានការកើនឡើងនៅកម្ពុជាក្តី ក៏ការយកចិត្តទុកដាក់ដល់សុខភាពផ្លូវចិត្តរបស់កុមារនិងមនុស្សវ័យជំទង់នៅមានកម្រិតនៅឡើយ ដោយអ្នកជំនាញភាគច្រើនផ្តោតលើមនុស្សពេញវ័យ។ អ្នកស្រី លឹម ប៊ួយហៀក ថា អ្នកស្រីនឹងយកជំនាញដែលខ្លួនស្រលាញ់នេះ ជួយដល់កុមារតូចៗ និងមនុស្សវ័យជំទង់តាមរយៈការអប់រំ និងផ្តល់ការប្រឹក្សាសុខភាពផ្លូវចិត្តគ្រួសារ។ អ្នកស្រីក៏បានគូសបញ្ជាក់ថា ស្ត្រីក៏ត្រូវតែតស៊ូមតិដើម្បីឲ្យសង្គមឲ្យតម្លៃនិងគាំទ្រខ្លួនឲ្យមានពេលមើលថែកូន ស្របពេលខ្លួនបំពេញការងាររកចំណូល៕ (ខាន់ សុគុំមនោ, Hello VOA, ភ្នំពេញ, ៣ តុលា ២០២២)

29 min

September 22, 2022 Hello VOA៖ វិស័យកសិកម្មនឹងប្រឈមបញ្ហាធ្ងន់ធ្ងរប្រសិនបើកសិករនៅតែបន្តធ្វើចំណាកស្រុក - កញ្ញា 23, 2022

កសិករកម្ពុជាដែលពេញកម្លាំង ជារឿយៗ តែងធ្វើចំណាកស្រុកពីស្រុកកំណើតរបស់ពួកគេទៅកាន់រាជធានី ឬតាមបណ្តាប្រទេសផ្សេងៗដើម្បីស្វែងរកការងារធ្វើ ដោយបោះបង់មុខរបរកសិកម្មរបស់ពួកគេ។ លោក ថេង សាវឿន ប្រធានសមាគមសម្ព័ន្ធសហគមន៍កសិករកម្ពុជា (CCFC) ថ្លែងក្នុងកម្មវិធី Hello VOA វិស័យកសិកម្ម និងការផ្គត់ផ្គង់ស្បៀងរបស់កម្ពុជានឹងប្រឈមនឹងបញ្ហាធ្ងន់ធ្ងរ ប្រសិនបើកសិករដែលពេញកម្លាំងនៅតែបន្តធ្វើចំណាក ហើយបោះបង់ការធ្វើកសិកម្ម។ (អ្នកនាង កាន់ វិច្ឆិកា, Hello VOA, ភ្នំពេញ, ២២ កញ្ញា ២០២២)

26 min

September 19, 2022 លោក យឹម ស៊ីណន៖ «បើមិនមានសេរីភាពលោក កឹម សុខា វាស្មើនឹងប្រជាធិបតេយ្យកម្ពុជាមិនអាចដើរដោយរលូន» - កញ្ញា 19, 2022

សេរីភាពរបស់លោក កឹម សុខា គឺជាអាទិភាពដំបូងដែលជម្រុញឱ្យក្រុមដែលមាននិន្នាការគាំទ្រលោក កឹម សុខា អាចមកចូលរួមបោះឆ្នោតនៅអាណត្តិក្រោយ។ នេះជាការលើកឡើងរបស់ លោក យឹម ស៊ីណន អតីតប្រធានចលនាយុវជនគណបក្សសង្គ្រោះជាតិប្រចាំប្រទេសកូរ៉េខាងត្បូង នៅក្នុងបទសម្ភាសហេឡូវីអូអេ។ លោកបន្តទៀតថា បើគ្មានសេរីភាពសម្រាប់លោកកឹម សុខា នោះគឺស្មើនឹងប្រជាធិបតេយ្យកម្ពុជាមិនអាចដើរដោយរលូន និងមិនអនុលោមតាមស្តង់ដាដែលសហគមន៍អន្តរជាតិត្រូវការនោះទេ៕

(ខាន់ សុគុំមនោ, Hello VOA, ភ្នំពេញ, ទី១៩ ខែកញ្ញា ឆ្នាំ២០២២)

22 min

September 12, 2022 Hello VOA សំឡេងជំនាន់ថ្មី៖ ក្រុមយុវជន E-Robot ជួយតម្រង់ទិសសិស្សឱ្យយល់ពីបច្ចេកវិទ្យា - កញ្ញា 13, 2022

យុវជនមួយក្រុមបានរួមគ្នាបង្កើតគម្រោងមួយឈ្មោះថា E-Robot ដើម្បីផ្ដល់ការបណ្ដុះបណ្ដាលការសរសេរកូដ និងមនុស្សយន្តទៅកាន់សិស្សនៅជនបទ និងលើកទឹកចិត្តសិស្សស្រី ក្នុងការរៀនបច្ចេកវិទ្យាដោយឥតគិតថ្លៃ។ កញ្ញា ផែន ផល្លីដែត ប្រធានក្រុមទទួលខុសត្រូវផ្នែកការចូលរួមការងារស្ម័គ្រចិត្តក្នុងសង្គមរបស់យុវជន E-Robot ថ្លែងក្នុងកម្មវិធី Hello VOA សំឡេងជំនាន់ថ្មីថា ក្រុមយុវជនស្ម័គ្រចិត្ត E-Robot ជួយតម្រង់ទិសសិស្សឱ្យស្គាល់ពីខ្លួនឯងពាក់ព័ន្ធនឹងបច្ចេកវិទ្យា។

(អ្នកស្រី កាន់ វិច្ឆិកា, ភ្នំពេញ, ១២ កញ្ញា ២០២២)

29 min

September 08, 2022 Hello VOA៖ គ.ជ.បត្រូវកែលម្អប្រព័ន្ធបោះឆ្នោតដើម្បីធានាការបោះឆ្នោតសេរី ត្រឹមត្រូវ និងយុត្តិធម៌ - កញ្ញា 09, 2022

ប្រទេសកម្ពុជានឹងរៀបចំការបោះឆ្នោតជ្រើសតាំងតំណាងរាស្រ្តដែលនឹងធ្វើឡើងនៅថ្ងៃទី២៣ ខែកក្កដា ឆ្នាំ២០២៣។ មុននឹងការបោះឆ្នោតមកដល់ គណបក្សចំនួន៤ រួមមានគណបក្សភ្លើងទៀន ឆន្ទៈខ្មែរ ប្រជាធិបតេយ្យមូលដ្ឋាន និងគណបក្សកែទម្រង់កម្ពុជា បានរួមគ្នាដាក់សំណើចំនួន១៦ចំណុចទៅស្ថាប័នរៀបចំការបោះឆ្នោត ដើម្បីស្មើកែលម្អប្រព័ន្ធបោះឆ្នោត។ លោក គង់ មុនីកា ប្រធានគណបក្សឆន្ទៈខ្មែរ បានជំរុញឱ្យស្ថាប័នរៀបចំការបោះឆ្នោត ធានាការបោះឆ្នោតមួយប្រព្រឹត្តទៅដោយសេរី ត្រឹមត្រូវ និងយុត្តិធម៌។ លោកបញ្ជាក់ថា៖ «ស្ថាប័នរៀបចំការបោះឆ្នោតហ្នឹងត្រូវតែមានគំនិតរបស់ខ្លួន ក្នុងការស្នើទៅរដ្ឋាភិបាល ឬក៏ភាគីពាក់ព័ន្ធណាមួយឲ្យមានការកែលម្អចំណុចដែលខ្លួនគិតថាមិនត្រឹមត្រូវហ្នឹង។ មិនអាចចេះតែអនុវត្តទាំងទទឹងទើស»៕ (ស៊ុន ណារិន, Hello VOA, ភ្នំពេញ, ៨ កញ្ញា ២០២២)

29 min

September 05, 2022 Hello VOA ស្រ្តីនិងភាពជាអ្នកដឹកនាំ៖ ការងារដឹកនាំសហជីពបានធ្វើឱ្យអ្នកស្រី យ៉ាង សុភ័ណ្ឌ ក្លាយជាមនុស្សដែលកាន់តែរឹងមាំ - កញ្ញា 06, 2022

អ្នកស្រី យ៉ាង សុភ័ណ្ឌ មិនដែលរំពឹងថាខ្លួនក្លាយជាថ្នាក់ដឹកនាំសហជីពមួយរូបនោះទេ។ ក៏ប៉ុន្តែ អ្នកស្រីបានជម្នះឧបសគ្គ ខិតខំប្រឹងប្រែង ដោយឆ្លៀតរៀនសូត្របណ្តើរធ្វើការបណ្តើរ ដើម្បីបង្កើនចំណេះដឹងខ្លួនឱ្យទាន់តាមសម័យកាល និងដើម្បីឱ្យខ្លួនអាចក្លាយទៅជាអ្នកដឹកនាំមួយរូបដែលគេទុកចិត្ត។ អ្នកស្រីបានឱ្យដឹងថា ការជម្នះភាពភ័យខ្លាចរបស់ខ្លួន និងការខិតខំរៀនសូត្រ បានធ្វើឱ្យអ្នកស្រីស្គាល់រស់ជីវិតច្រើន។ ទោះជាយ៉ាងណា ក្រោយប្រឡូកការងារសហជីពជាង២ទសវត្សរ៍មកនេះ ក៏ធ្លាប់ធ្វើឱ្យអ្នកស្រីមានអារម្មណ៍ហត់នឿយខ្លាំង ហើយក៏ចង់សម្រាក។ ក៏ប៉ុន្តែដោយសារ នៅមានទឹកចិត្តស្រឡាញ់អ្វីដែលខ្លួនធ្វើ និងបានឃើញឥទ្ធិពលនៃការងារនេះទៅលើក្រុមកម្មករដែលរងការរំលោភបំពាន អ្នកស្រីថាខ្លួនមិនទាន់អាចដើរចេញពីតួនាទីនេះបាននៅឡើយ៕ (ខាន់ សុគុំមនោ, Hello VOA, ភ្នំពេញ, ទី០៥ ខែកញ្ញា ឆ្នាំ២០២២)

28 min

September 01, 2022 Hello VOA៖ ចំហាយនៃកម្ដៅនៅច្រកសមុទ្រតៃវ៉ាន់មកលើតំបន់អាស៊ីអាគ្នេយ៍ - កញ្ញា 02, 2022

តំបន់អាស៊ីអាគ្នេយ៍ពិតជាចៀសមិនរួចពីផលប៉ះពាល់ផ្នែកសេដ្ឋកិច្ចនិងសន្ដិសុខធ្ងន់ធ្ងរនោះទេ បើសិនជាមានជម្លោះប្រដាប់អាវុធនៅច្រកសមុទ្រតៃវ៉ាន់មែននោះ។ នេះជាការលើកឡើងរបស់លោក ស៊ុន គីម គ្រូឧទ្ទេសជំនាញទំនាក់ទំនងអន្តរជាតិ នៅសាកលវិទ្យាល័យបញ្ញាសាស្ត្រកម្ពុជា ថ្លែងក្នុងកម្មវិធីហេឡូវីអូអេប្រចាំខែក្រោមមូលបទ«អាស៊ាន» ជាមួយលោក អូន ឆេងប៉រ ដែលបានចាក់ផ្សាយកាលពីរាត្រីថ្ងៃទី០១ ខែកញ្ញា ឆ្នាំ២០២២៕

27 min

August 25, 2022 Hello VOA៖ ការសម្រួលឱ្យពលករធ្វើឯកសារស្របច្បាប់អាចកាត់បន្ថយការចាប់ខ្លួនដោយប្រទេសគោលដៅ - សីហា 26, 2022

ពលករកម្ពុជាយ៉ាងហោចណាស់ជាងមួយលាននាក់ បាននិងកំពុងធ្វើចំណាកស្រុកទៅធ្វើការនៅប្រទេសថៃ។ ពលករខ្មែរយ៉ាងច្រើននៅមិនទាន់ទទួលបានការការពារសមស្រប និងការគោរពសិទ្ធិជាមូលដ្ឋានក្នុងការរស់នៅរបស់ពួកគេឲ្យបានត្រឹមត្រូវនៅឡើយ។ ហើយជារឿយៗ គេតែងឮអំពីការចាប់ខ្លួនពលករខ្មែរដែលឆ្លងដែនខុសច្បាប់ទៅធ្វើការនៅប្រទេសថៃ។ កញ្ញា ទ្រី សុភា មន្រ្តីផ្នែកទេសន្តរប្រវេសន៍នៃមជ្ឈមណ្ឌលសម្ពន្ធភាពការងារ និងសិទ្ធិមនុស្ស ហៅកាត់ថាសង់ត្រាល់ថ្លែងក្នុងកម្មវិធី Hello VOA ស្តីពីពលករចំណាកស្រុកថា អាជ្ញាធរគួរសម្រួលឱ្យពលករខ្មែរដែលធ្វើចំណាកស្រុកទៅក្រៅប្រទេសទទួលបានឯកសារស្របច្បាប់ ដើម្បីកាត់បន្ថយការចាប់ខ្លួនដែលបណ្ដាលមកពីការធ្វើចំណាកស្រុកធ្វើការដោយគ្មានឯកសារ។ (អ្នកនាង កាន់ វិច្ឆិកា, Hello VOA ពលករចំណាកស្រុក, ភ្នំពេញ, ២៥ សីហា ២០២២)

30 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ