Hello VOA - វីអូអេ podcast - Page 11

August 15, 2022 Hello VOA៖ លោក សុន ឆ័យ ថាជំទប់ឃុំគណបក្សភ្លើងទៀនជិត៤០ភាគរយមិនទាន់មានបន្ទប់ធ្វើការត្រឹមត្រូវនៅឡើយ - សីហា 16, 2022

សមាជិកគណបក្សភ្លើងទៀនដែលបានឈ្នះអាសនៈក្រុមប្រឹក្សាឃុំសង្កាត់ចំនួន ២១៩៨ ក្រោយពីការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះ ភាគច្រើនបានទទួលតំណែងត្រឹមជាជំទប់ទី២ និងជាសមាជិក។ នេះបើតាមលោក សុន ឆ័យ អនុប្រធានគណបក្សភ្លើងទៀន ផ្តល់បទសម្ភាសដល់វីអូអេ។ លោកបញ្ជាក់ថា ប្រមាណជាងមួយខែ ដែលសមាជិកក្រុមប្រឹក្សាឃុំសង្កាត់មកពីគណបក្សភ្លើងទៀន ចូលកាន់តំណែងរៀងៗខ្លួន ពួកគេបានរាយការណ៍ថា នៅជួបការលំបាកមួយចំនួន ដូចជាភាពយឺតយ៉ាវនៃការរៀបចំឲ្យមានបន្ទប់ធ្វើការងារ និងការផ្តល់ឯកសណ្ឋានជាដើម ដែលអាចនាំឲ្យប៉ះពាល់ដល់ការបំពេញភារកិច្ច និងបង្ហាញវប្បធម៌រើសអើងនៅតាមថ្នាក់មូលដ្ឋាន។ លោកបន្តទៀតថា មកដល់ពេលនេះគណបក្សភ្លើងទៀន នៅមិនទាន់គិតគូរនៅឡើយ ថាតើគណបក្សខ្លួននឹងជ្រើសរើសបុគ្គលណាមួយជាបេក្ខភាពនាយករដ្ឋមន្ត្រីសម្រាប់ការប្រកួតប្រជែងការបោះឆ្នោតថ្នាក់ជាតិខាងមុខ។ លោកថា អ្វីដែលជាអទិភាពគឺការការរៀបរចនាសម្ព័ន្ធនៅថ្នាក់ក្រោមអោយរឹងមាំ និងការដាក់ចេញគោលនយោបាយសម្រាប់ការបោះឆ្នោតនៅឆ្នាំក្រោយ៕

29 min

August 08, 2022 Hello VOA សំឡេងជំនាន់ថ្មី៖ វេទិកា The Thinker Cambodia លើកកម្ពស់ការយល់ដឹងវិស័យនយោបាយការបរទេសដល់យុវជន - សីហា 09, 2022

The Thinker Cambodia គឺជាវេទិកាអត្ថាធិប្បាយនិងវិភាគទៅលើកិច្ចការបរទេស ផ្តោតសំខាន់ទៅលើភូមិសាស្រ្តនយោបាយ សេដ្ឋកិច្ច និងសន្តិសុខ។ វេទិកានេះបង្កើតឡើងក្នុងគោលបំណងឲ្យយុវជន សិស្សនិស្សិត អ្នកស្រាវជ្រាវ អ្នករៀបចំគោលនយោបាយ និងសាធារណជនទូទៅអាចបញ្ចេញគំនិត និងទស្សនៈទៅលើបញ្ហាព្រួយបារម្ភរបស់ពួកគេ ដើម្បីធ្វើឲ្យសំឡេងរបស់ពួកគាត់អាចត្រូវបានឮជាសាធារណៈ និងត្រូវបានពិចារណាដាក់បញ្ចូលទៅក្នុងដំណើរការរៀបចំគោលនយោបាយ។ លោក វណ្ណ ប៊ុនណា ប្រធានវេទិកា The Thinker Cambodia ថ្លែងក្នុងកម្មវិធី Hello VOA សំឡេងជំនាន់ថ្មីថា វេទិកា The Thinker Cambodia បង្កើនចំណេះដឹង និងផ្តល់ឱកាសឱ្យយុវជនបញ្ចេញសំឡេង និងកង្វល់ ជាពិសេសពាក់ព័ន្ធនឹងផ្នែកនយោបាយការបរទេស៕

(អ្នកស្រី កាន់ វិច្ឆិកា, ភ្នំពេញ, ៨ សីហា ២០២២)

27 min

August 05, 2022 Hello VOA៖ កម្សួលក្ដៅនៃបញ្ហាតៃវ៉ាន់-ភូមា-រុស្ស៊ី គ្របដណ្ដប់ជំនួបអាស៊ាននៅជ្រោយចង្វា - សីហា 05, 2022

ប្រមុខការទូតអាស៊ាននិងដៃគូសរុប៣៧ប្រទេសបានជួបប្រជុំគ្នានៅជ្រោយចង្វា រាជធានីភ្នំពេញក្នុងសប្ដាហ៍នេះ។ ការប្រមូលផ្ដុំកម្រិតខ្ពស់នេះកើតមានចំពេលមានភាពតានតឹងក្រៃលែងនៅច្រកសមុទ្រតៃវ៉ាន់ ភូមា និងជុំវិញសំណុំរឿងរុស្ស៊ីចូលឈ្លានពានអ៊ុយក្រែន។ បណ្ឌិត ឈាង វណ្ណារិទ្ធ ប្រធានវិទ្យាស្ថានចក្ខុវិស័យអាស៊ី បានចូលមកវិភាគអំពីបរិបទ និងលទ្ធផលជាក់ស្ដែងនៃសំណុំរឿងរសើបៗខាងលើអំឡុងកិច្ចប្រជុំដ៏សំខាន់ដឹកនាំដោយអាស៊ាន ក្នុងកម្មវិធីហេឡូវីអូអេប្រចាំខែក្រោមមូលបទ«អាស៊ាន» ជាមួយលោក អូន ឆេងប៉រ ដែលបានចាក់ផ្សាយកាលពីរាត្រីថ្ងៃទី០៥ ខែសីហា ឆ្នាំ២០២២៕

28 min

August 01, 2022 Hello VOA ស្រ្តីនិងភាពជាអ្នកដឹកនាំ៖ ការចូលរួមរបស់ស្រ្តីនៅក្នុងវិស័យថាមពល - សីហា 02, 2022

កញ្ញា ពេជ្រ រតនា អ្នកគ្រប់គ្រងកម្មវិធីនៃក្រុមហ៊ុន 500 Global បានថ្លែងថា ធនធានមនុស្សនៅក្នុងវិស័យថាមពលស្អាតនៅប្រទេសកម្ពុជានៅមានកម្រិតនៅឡើយ ជាពិសេសគឺស្រ្តី បើទោះបីជាវិស័យនេះមានសារៈសំខាន់ក៏ដោយ។ យោងតាមបទពិសោធន៍របស់កញ្ញា រតនា មុខវិជ្ជានេះមិនសូវត្រូវបានគេចាប់អារម្មណ៍ទេ ហើយអ្នកដែលបញ្ចប់ការសិក្សាមុខវិជ្ជានេះពិបាករកការងារធ្វើ។ កញ្ញាបានបញ្ជាក់ថាវិស័យថាមពលស្អាតនេះមានសារៈសំខាន់ និងមានសក្ដានុពលយ៉ាងខ្លាំង ជាពិសេសនៅក្នុងប្រទេសកម្ពុជា ដែលជាប្រទេសកំពុងអភិវឌ្ឍន៍៕ (អ្នកស្រី ស៊ូ ពេជ្រចិន្តា, Hello VOA ស្ត្រីនិងភាពជាអ្នកដឹកនាំ, វ៉ាស៊ីនតោន, ថ្ងៃចន្ទ ទី១ ខែសីហា ឆ្នាំ២០២២)

24 min

July 28, 2022 Hello VOA៖ ពលរដ្ឋគួរចាត់ទុកការធ្វើចំណាកស្រុកគឺជាជម្រើសជាជាងភាពចាំបាច់ - កក្កដា 28, 2022

ពលរដ្ឋកម្ពុជាយ៉ាងហោចណាស់ពីរលាននាក់ បាននិងកំពុងធ្វើចំណាកស្រុកទៅធ្វើការនៅក្រៅប្រទេស។ ការសិក្សាមួយចំនួនបានរកឃើញថា ជាច្រើនឆ្នាំមកនេះពលរដ្ឋកម្ពុជាចំណាកស្រុកទៅធ្វើការនៅក្រៅប្រទេស គឺដោយសារកង្វះទីផ្សារការងារក្នុងស្រុក និងប្រាក់ឈ្នួលទាប។ អ្នកស្រី កៅ សុគន្ធផារ៉ាឌី មន្រ្តីគម្រោងថ្នាក់ជាតិនៃអង្គការអន្តរជាតិទេសន្តរប្រវេសន៍ ហៅកាត់ថា IOM ថ្លែងក្នុងកម្មវិធី Hello VOA ស្តីពីពលករចំណាកស្រុកថា ការធ្វើចំណាកស្រុកគួរតែជាជម្រើស ក្នុងករណីដែលពលរដ្ឋមិនមានការងារធ្វើក្នុងប្រទេសកំណើត ជាជាងគិតថា ជាភាពចាំបាច់ដែលត្រូវតែធ្វើចំណាកស្រុក៕ (អ្នកនាង កាន់ វិច្ឆិកា, ភ្នំពេញ, ២៨ កក្កដា, ២០២២)

29 min

July 18, 2022 ក្រុមប្រឹក្សាឃុំសង្កាត់ទើបកាន់ដំណែងថ្មីគួរ «ធ្វើការដោយមិនរើសអើង មិនប្រកាន់បក្ខពួក និងធ្វើការជាក្រុម» - កក្កដា 18, 2022

ក្រោយលទ្ធផលបោះឆ្នោតឃុំសង្កាត់ គណបក្សនយោបាយទាំង៩ បានព្រមទទួលយកកៅអីក្រុមប្រឹក្សាឃុំសង្កាត់រៀងៗខ្លួន។ នៅក្នុងចំណោមកៅអីក្រុមប្រឹក្សាសរុប ១១.៦២២ មានគណបក្សធំៗពីរ គឺគណបក្សប្រជាជនកម្ពុជា និងគណបក្សភ្លើងទៀន។ គណបក្សប្រជាជនទទួលបានតំណែងមេឃុំស្ទើរតែទាំងអស់ ដែលមានចំនួន ១៦៤៨ ឃុំសង្កាត់ ឯគណបក្សភ្លើងទៀនទទួលបានតែ៤ឃុំទេ គឺ ឃុំចំណារលើ ឃុំដូង និងឃុំក្រយា នៅក្នុងខេត្តកំពង់ធំ និងឃុំផ្តៅជុំ នៅខេត្តកំពង់ចាម។ ក្នុងបទសម្ភាសនៃកម្មវិធីហេឡូវីអូអេនេះ លោកប៉ា ច័ន្ទរឿន ប្រធានមជ្ឈមណ្ឌលប្រជាធិបតេយ្យកម្ពុជា បានលើកឡើងថា បើក្រុមប្រឹក្សាឃុំសង្កាត់ដែលទើបនឹងឡើងតំណែងថ្មីៗនេះ ធ្វើការដោយមិនរើសអើង មិនប្រកាន់បក្ខពួក និងធ្វើការងារជាក្រុម នោះពួកគេនឹងជាធនធានដ៏ប្រសើរសម្រាប់ជួយដល់ប្រជាពលរដ្ឋ៕

(ខាន់ សុគុំមនោ, Hello VOA, ភ្នំពេញ, ទី១៨ ខែកក្កដា ឆ្នាំ២០២២)

27 min

July 14, 2022 Hello VOA៖ អ្នកជំនាញថា កង្វះឆន្ទៈនយោបាយនិងផ្នត់គំនិតអវិជ្ជមានលើភាពជាអ្នកដឹកនាំជាស្រ្តីនៅតែជាឧបសគ្គ - កក្កដា 15, 2022

កាលពីចុងខែមិថុនា ឆ្នាំ ២០២២ ក្រោយការបោះឆ្នោតក្រុមប្រឹក្សាឃុំសង្កាត់ដែលធ្វើឡើងនៅថ្ងៃទី ៥ ខែមិថុនា អង្គការសង្គមស៊ីវិលចំនួន ៥ ដែលធ្វើការលើការបោះឆ្នោត និងវិស័យយេនឌ័រ ក្នុងនោះមានខុមហ្វ្រែលផងដែរ បានជំរុញឱ្យគណបក្សនយោបាយបង្កើនចំនួនស្ត្រី ដែលអាចឈរជាបេក្ខជនលេខរៀងខាងលើ ដើម្បីអាចឈ្នះការបោះឆ្នោតក្រុមប្រឹក្សាឃុំសង្កាត់ ដែលជ្រើសរើសក្រុមប្រឹក្សាឃុំសង្កាត់សរុបជាង ១១.០០០នាក់នៅទូទាំងប្រទេស រៀងរាល់ ៥ ឆ្នាំម្តង។ អង្គការបានលើកឡើងថា សន្ទុះនៃការកើនឡើងមានតិចតួចពីមួយអាណត្តិទៅមួយអាណត្តិ។ អ្នកស្រី សឺនកេត សិរីលក្ខណ៍ អ្នកសម្របសម្រួលកម្មវិធីអប់រំ និងយេនឌ័រនៃអង្គការខុមហ្វ្រែល បានថ្លែងថាក ង្វះការប្តេជ្ញាខ្ពស់ និងឆន្ទៈនយោបាយ ជាបញ្ហាប្រឈមសម្រាប់ការចូលរួមរបស់ស្រ្តីនៅក្នុងវិស័យនយោបាយថ្នាក់ក្រោមជាតិ។ អ្នកស្រីបន្ថែមថា៖ «ដោយសារតែគាត់យកអាបទដ្ឋានវប្បធម៌ ផ្នត់គំនិតសង្គមអវិជ្ជមានមកលើស្រ្តីទៅលើភាពអវិជ្ជមានទៅលើភាពដឹកនាំរបស់ស្រ្តីហ្នឹងហើយ ដែលធ្វើឲ្យមានគំនិតរើសអើងចំពោះស្រ្តី»៕ (លោក ស៊ុន ណារិន, ភ្នំពេញ, ១៤ កក្កដា ២០២២)

26 min

July 11, 2022 Hello VOA សំឡេងជំនាន់ថ្មី៖ កម្មវិធីបណ្តាញសង្គម «រាជសារ» ជួយឱ្យសិស្ស-និស្សិតបង្កើនចំណេះផ្នែកអប់រំ - កក្កដា 12, 2022

ថ្មីៗនេះយុវជនមួយក្រុមទើបតែបង្កើតកម្មវិធីបណ្តាញសង្គមមួយដែលមានឈ្មោះថា «រាជសារ» សម្រាប់ឱ្យសិស្ស និស្សិតនៅកម្ពុជាភ្ជាប់ទំនាក់ទំនងគ្នា និងចែករំលែកចំណេះដឹង។ យុវជន អ៊ីម ម៉េងជឺ និងយុវតី លឹម ស៊ូបួយ ដែលជាស្ថាបនិកកម្មវិធីបណ្តាញសង្គមរាជសារ ថ្លែងក្នុងកម្មវិធី Hello VOA សំឡេងជំនាន់ថ្មីថា កម្មវិធីបណ្តាញសង្គម «រាជសារ» ជួយឱ្យសិស្ស-និស្សិតបង្កើនចំណេះដឹងទូទៅ និងចំណេះដឹងផ្នែកអប់រំ៕

(អ្នកនាង កាន់ វិច្ឆិកា, ភ្នំពេញ, ១១ កក្កដា ២០២២)

26 min

July 07, 2022 Hello VOA៖ នយោបាយទឹកនៅតំបន់មេគង្គនិងជម្រើសកម្ពុជាទៅថ្ងៃអនាគត - កក្កដា 07, 2022

កម្ពុជាដែលមានសេដ្ឋកិច្ច ភូមិសាស្ត្រ និងកម្លាំងនយោបាយ ដេញពីក្រោយបណ្ដាប្រទេសនានាតាមខ្សែទឹកទន្លេមេគង្គ អាចនឹងរងបញ្ហាប្រឈមក្នុងការអនុវត្ត«នយោបាយទឹក»ដើម្បីធានាសន្ដិសុខទឹកក្នុងប្រទេសខ្លួនទៅថ្ងៃអនាគត។ នេះជាការលើកឡើងរបស់កញ្ញា ហ៊ន់ ច័ន្ទវត្តី និស្សិតថ្នាក់អនុបណ្ឌិត ជំនាញ វិទ្យាសាស្ត្រការពារជាតិ ការអភិវឌ្ឍ និងការទូត នៅសាកលវិទ្យាល័យ Durham ចក្រភពអង់គ្លេស ក្នុងកម្មវិធីហេឡូវីអូអេប្រចាំខែ ក្រោមមូលបទ«អាស៊ាន» ដែលត្រូវបានចាក់ផ្សាយតាមរលកធាតុអាកាសកាលពីរាត្រីថ្ងៃទី០៧ ខែកក្កដា ឆ្នាំ២០២២។ អ្នកស្រាវជ្រាវរូបនេះលើកជាសំណើឱ្យរដ្ឋាភិបាលកម្ពុជា គិតគូរចាត់ចែងទាំងយុទ្ធសាស្ត្រការទូត ធានាការបង្កើនតម្លាភាពទិន្នន័យនៃជលធាទន្លេ ទៅថ្ងៃមុខ និងរៀបចំគិតគូរគោលនយោបាយរយៈពេលវែងសម្រាប់ចាត់ចែងធនធានទឹករបស់ប្រទេស៕

22 min

July 04, 2022 Hello VOA ស្រ្តីនិងភាពជាអ្នកដឹកនាំ៖ សំឡេងក្មេងស្រីជនជាតិភាគតិច - កក្កដា 04, 2022

កញ្ញា សេន លេ ប្រធានគម្រោងស្តីពីយេនឌ័រ និងក្រុមជនជាតិភាគតិច និងជាស្រ្តីវ័យក្មេងមកពីសហគមន៍ជនជាតិភាគតិច បានថ្លែងថា ការសិក្សាស្រាវជ្រាវបានរកឃើញថា ក្មេងស្រីជនជាតិភាគតិចប្រឈមនឹងឧបសគ្គជាច្រើន មិនត្រឹមតែនៅក្នុងសង្គមខ្មែរទូទៅប៉ុណ្ណោះទេ ប៉ុន្តែក៏នៅក្នុងសហគមន៍របស់ពួកគេផងដែរ។ បទដ្ឋានសង្គម និងផ្នត់គំនិតអវិជ្ជមានទៅលើក្មេងស្រី បានកម្រិតឱកាសមិនឱ្យក្មេងស្រីសម្រេចនូវក្តីស្រមៃរបស់ពួកគេ៕ (អ្នកស្រី ស៊ូ ពេជ្រចិន្តា, Hello VOA ស្រ្តីនិងភាពជាអ្នកដឹកនាំ, វ៉ាស៊ីនតោន, ថ្ងៃទី៤ ខែកក្កដា ឆ្នាំ២០២២)

22 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ