Hello VOA - វីអូអេ podcast - Page 14

April 04, 2022 Hello VOA ស្រ្តីនិងភាពជាអ្នកដឹកនាំ៖ ខ្សែជីវិតពីស្រ្តីលក់ស្រាបៀរក្លាយជាមេដឹកនាំសហជីព - មេសា 04, 2022

អ្នកស្រី អ៊ូ ទេពផល្លីន ប្រធានសហព័ន្ធសហជីពកម្មករចំណីអាហារ និងសេវាកម្ម បានថ្លែងថា អ្នកស្រីមានមោទនភាពដែលបានសម្រេចនូវអ្វីដែលជាក្តីស្រម៉ៃរបស់អ្នកស្រី បើទោះបីជាអ្នកស្រីមិនបានក្លាយជាមេធាវីដូចអ្វីដែលអ្នកស្រីធ្លាប់ប៉ងប្រាថ្នាកាលពីនៅក្មេងក៏ដោយ ប៉ុន្តែអ្នកស្រីបានប្រើតួនាទីរបស់អ្នកស្រីជាតំណាងកម្មករនិយោជិត ផ្តល់ការប្រឹក្សាផ្នែកច្បាប់ និងពន្យល់ពួកគេអំពីសារៈសំខាន់របស់សហជីព និងការប្រើប្រាស់សិទ្ធិ និងទាមទារនូវអ្វីដែលជាអត្ថប្រយោជន៍ ដែលកម្មករនិយោជិតគួរទទួលបានដើម្បីអាចរស់បាននៅក្នុងភាពថ្លៃថ្នូរ។ អ្នកស្រីបានបន្ថែមថា អ្នកស្រីបានយកការប្រមាថមាក់ងាយលើអ្នកស្រី ធ្វើជាថ្នាំប៉ូវដើម្បីឲ្យអ្នកស្រីមានថាមពលកាន់តែខ្លាំងតស៊ូជម្នះនឹងឧបសគ្គនានាដើម្បីសម្រេចតាមគោលដៅ៕ (អ្នកស្រី ស៊ូ ពេជ្រចិន្តា, Hello VOA ស្ត្រីនិងភាពជាអ្នកដឹកនាំ, វ៉ាស៊ីនតោន, ថ្ងៃចន្ទ ទី៤ ខែមេសា ឆ្នាំ២០២២)

26 min

March 31, 2022 Hello VOA៖ តុលាការអន្តរជាតិចាត់វិធានការលើលោក Putin រឿងឧក្រិដ្ឋកម្មសង្ក្រាមលើបទចោទឈ្លានពានអ៊ុយក្រែន - មេសា 01, 2022

ទោះរុស្ស៉ី មានអំណាច «វេតូ» និង អំណាច«នុយក្លេអ៊ែរ» ដែលពិភពលោកខ្លាចមែន តែតុលាការអង្គការសហប្រជាតិនិងតុលាការអន្តរជាតិផ្សេងៗទៀតកំពុងចាត់វិធានការលើមេដឹកនាំរុស្ស៉ី ពីបទចោទប្រកាន់សង្ស័យថាសកម្មភាពរស្ស៉ីនេះនាំទៅដល់ការប្រព្រឹត្តអំពើឧក្រិដ្ឋកម្មសង្រ្គាម ក្នុងពេលឈ្លានពានប្រទេសអ៊ុយក្រែន ចាប់តាំងពីថ្ងៃទី២៤ ខែកុម្ភៈ ឆ្នាំ២០២២មក។ នេះបើតាមការអះអាងរបស់កញ្ញា សេង ធារី អ្នកតស៊ូមតិផ្នែកសិទ្ធិមនុស្ស និង ច្បាប់ នៅប្រទេសកម្ពុជា ដែលបានចូលរូមជាវាគ្មិនក្នុងកម្មវិធី ហេឡូ វីអូអេ (Hello VOA) នៅថ្ងៃព្រហស្បតិ៍ ទី៣១ ខែមីនា ឆ្នាំ២០២២ ពីរាជធានីភ្នំពេញដែលរៀបចំដោយលោក សុខ ខេមរា នៃ វីអូអេ៕ (លោក សុខ ខេមរា, Hello VOA, វ៉ាស៊ីនតោន, ថ្ងៃទី៣១ ខែមីនា ឆ្នាំ២០២២)

34 min

March 28, 2022 Hello VOA៖ អ្នកជំនាញថា វត្តមានបក្សភ្លើងទៀនសំខាន់ក្នុងការបោះឆ្នោតដែល«មិនអាចភ្លាំងភ្លាត់» - មីនា 28, 2022

ក្រោយពីបក្សភ្លើងទៀន បានដំណើរការសកម្មឡើងវិញ បន្ទាប់ពីសមាជខែវិច្ឆិកា ឆ្នាំ២០២១ បក្សនេះ បានក្លាយជាបក្សឈរនៅលំដាប់ទីពីរបន្ទាប់ពីគណបក្សប្រជាជនកម្ពុជាផ្នែកដាក់បេក្ខភាពឈរឈ្មោះបានច្រើនជាងគេក្នុងការបោះឆ្នោតឃុំសង្កាត់ថ្ងៃទី៥ ខែមិថុនាខាងមុខ។ លោក ឱក សេរីសោភក្តិ៍ អ្នកឯកទេសអភិបាលកិច្ច បានថ្លែងក្នុងកម្មវិធីហេឡូវីអូអេ កាលពីថ្ងៃទី២៨ ខែមីនា ឆ្នាំ២០២២ ដែលមានលោក អូន ឆេងប៉រ ជាអ្នកសម្របសម្រួលថា វត្តមានរបស់បក្សភ្លើងទៀនសំខាន់ក្នុងការបោះឆ្នោតឃុំសង្កាត់ដែលកម្ពុជា«មិនអាចភ្លាំងភ្លាត់»បានទេ ក្នុងការរៀបចំក្នុងបរិបទនយោបាយសន្ដិសុខអន្តរជាតិដ៏ច្របូកច្របល់ដែលមានចំណងទាក់ទងចាក់ស្រែះជាមួយនយោបាយក្នុងស្រុក៕

35 min

March 24, 2022 Hello VOA៖ ពលករកម្ពុជាធ្វើការនៅម៉ាឡេស៊ី ប្រឈមបញ្ហាខ្លាំងជាងគេបើធៀបនឹងប្រទេសដទៃ - មីនា 24, 2022

ពលករកម្ពុជាដែលចំណាកស្រុកទៅធ្វើការនៅប្រទេសម៉ាឡេស៊ីភាគច្រើន គឺ ជាស្រ្តី និងជាអ្នកធ្វើការងារតាមផ្ទះ។ ជារឿយៗគេតែងឮថា ពលករដែលភាគច្រើនជាស្រ្តីទាំងនោះតែងប្រឈមនឹងបញ្ហាផ្សេងៗ ដោយពលករខ្លះទទួលរងនូវការធ្វើបាបរហូតមានបញ្ហាផ្លូវចិត្តជាដើម។ ក្នុងពេលបច្ចុប្បន្ន ពិភពលោកកំពុងរងនូវការរាតត្បាតដោយជំងឺកូវីដ១៩ ដែលធ្វើឲ្យពលករចំណាកស្រុកកម្ពុជាកាន់តែប្រឈមនឹងបញ្ហាបន្ថែមទៀត។ កញ្ញា ទ្រី សុភា មន្រ្តីផ្នែកទេសន្តរប្រវេសន៍នៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថាសង់ត្រាល់ ថ្លែងក្នុងកម្មវិធី Hello VOA ស្តីពីពលករចំណាកស្រុកថា ពលករកម្ពុជាដែលធ្វើការនៅប្រទេសម៉ាឡេស៊ី ប្រឈមនឹងបញ្ហាខ្លាំងជាងគេបើធៀបនឹងពលករកម្ពុជាដែលធ្វើការក្នុងប្រទេសដទៃទៀត៕ (អ្នកនាង កាន់ វិច្ឆិកា, ភ្នំពេញ, ២៤ មីនា ២០២២)

30 min

March 21, 2022 Hello VOA៖ ស៊ិន ចាន់ពៅរ៉ូហ៊្សេត ជឿថាគ្មានការរំលាយគណបក្សរបស់អ្នកស្រីក្រោយជាប់ឆ្នោត ដូចលើកមុនទៀត - មីនា 21, 2022

គណបក្សនយោបាយចំនួន១៧ ចូលរួមប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នេះបើតាមលទ្ធផលបណ្តោះអាសន្ននៃការចុះឈ្មោះបេក្ខជនរបស់គណកម្មាធិការជាតិរៀបចំការបោះឆ្នោត។ គណបក្សភ្លើងទៀន ដែលមានសមាជិកភាគច្រើនមកពីអតីតគណបក្សសង្គ្រោះជាតិ បានចុះឈ្មោះបេក្ខជនរបស់ខ្លួនចំនួន ២៣ ៦៧៩ នាក់។ អ្នកស្រី ស៊ិន ចាន់ពៅរ៉ូហ្ស៊េត បេក្ខជនចៅសង្កាត់នៃគណបក្សភ្លើងទៀនសម្រាប់សង្កាត់អូរចារ ខេត្តបាត់ដំបង ជឿថាគ្មានការរំលាយគណបក្សរបស់អ្នកស្រីក្រោយជាប់ឆ្នោត ដូចលើកមុនទៀតទេ៕

30 min

March 17, 2022 Hello VOA សុខភាព៖ បញ្ហាសុខភាពស្រ្តី ផ្តោតលើជំងឺមហារីកមាត់ស្បូន ភាគទី១ - មីនា 18, 2022

លោកស្រីវេជ្ជបណ្ឌិត ពឹង ជុតិម៉ា ប្រធានគ្លីនិករ៉ាក់បានថ្លែងថា ជំងឺមហារីកមាត់ស្បូនជាប់ចំណាត់ថ្នាក់ទី៤ក្នុងចំណោមជំងឺមហារីកដែលកើតលើស្រ្តីនៅទូទាំងពិភពលោក ហើយសឹងតែគ្រប់ករណីនៃជំងឺមហារីកមាត់ស្បូនមានទំនាក់ទំនងទៅនឹងមេរោគ HPV ដែលឆ្លងតាមការរួមភេទ។ លោកស្រីវេជ្ជបណ្ឌិតបានធ្វើការកត់សម្គាល់ថានៅដំណាក់កាលដំបូងៗនៃការឆ្លងមេរោគនេះ អ្នកជំងឺមិនមានរោគសញ្ញាអ្វីគួរឲ្យកត់សម្គាល់ទេ ប៉ុន្តែនៅពេលដែលមេរោគវិវត្តទៅដល់ដំណាក់កាលមួយប្រែប្រួលឬក្លាយជាជំងឺត្រៀមមហារីក នោះទើបវាបង្ហាញរោគសញ្ញា។ (អ្នកស្រី ស៊ូ ពេជ្រចិន្តា, Hello VOA សុខភាព,  វ៉ាស៊ីនតោន,  ថ្ងៃទី១៧  ខែមីនា ឆ្នាំ២០២២)៕

22 min

March 15, 2022 Hello VOA សំឡេងជំនាន់ថ្មី៖ សៀវភៅ «នៅពីក្រោយវាំងននខ្មៅ» ចង់ឲ្យសកម្មជម្នះភាពភ័យខ្លាចក្នុងការបំពេញការងារ - មីនា 16, 2022

លោក សាន់ ម៉ាឡា គឺជាសកម្មជនបរិស្ថានម្នាក់ដែលត្រូវបានអាជ្ញាធរខេត្តកោះកុងចាប់ខ្លួន និងដាក់ឃុំនៅពន្ធនាគារ កាលពីថ្ងៃទី១៧ ខែសីហា ឆ្នាំ២០១៥ ជាមួយសកម្មជនពីររូបទៀត ខណ:ពួកគេ និងពលរដ្ឋក្នុងសហគមន៍ឃុំអណ្តូងទឹកទប់ស្កាត់ការបូមខ្សាច់ដែលពួកគេហៅថាជាការបូមខ្សាច់ខុសច្បាប់។ ពួកគេត្រូវបានដោះលែងឱ្យនៅក្រៅឃុំ បន្ទាប់ពីត្រូវបានឃុំខ្លួនរយៈពេល១០ខែ និង១៥ថ្ងៃ។ ថ្មីៗនេះ លោក សាន់ ម៉ាឡា បានចេញផ្សាយសៀវភៅ «នៅពីក្រោយវាំងននខ្មៅ» ដោយបង្ហាញអំពីបទពិសោធន៍ក្នុងអំឡុងពេលរងការឃុំឃាំងនៅក្នុងពន្ធនាគារ។ លោក សាន់ ម៉ាឡា ថ្លែងក្នុងកម្មវិធី Hello VOA សំឡេងជំនាន់ថ្មីថា សៀវភៅ «នៅពីក្រោយវាំងននខ្មៅ» ចង់ជំរុញឲ្យយុវជនផ្សេងទៀតកុំភ័យខ្លាចក្នុងការបំពេញការងារជាសកម្មជនបរិស្ថាន៕

(អ្នកនាង កាន់ វិច្ឆិកា, ភ្នំពេញ, ១៤ មីនា ២០២២)

27 min

March 10, 2022 Hello VOA៖ រដ្ឋាភិបាល គួរស្តារស្ថានភាពនយោបាយដើម្បីធានាការបោះឆ្នោតមួយទទួលយកបាន - មីនា 10, 2022

ប្រទេសកម្ពុជា នឹងរៀបចំការបោះឆ្នោតក្រុមប្រឹក្សាឃុំសង្កាត់ដែលនឹងធ្វើឡើងនៅថ្ងៃទី៥ ខែមិថុនា ឆ្នាំ២០២២។ ការបោះឆ្នោតនេះ នឹងជ្រើសរើសក្រុមប្រឹក្សាសរុបទាំងអស់ជាង១១.០០០ នាក់ នៅក្នុងឃុំសង្កាត់សរុបចំនួន១.៦៥២។ លោក កន សាវាង្ស អ្នកសម្របសម្រួលផ្នែកអង្កេតនិងតស៊ូមតិនៃអង្គការខុមហ្វ្រែល ដែលឃ្លាំមើលកិច្ចការបោះឆ្នោតថ្លែងថា លោកចង់ឃើញការស្តារស្ថានភាពនយោបាយនៅក្នុងប្រទេសកម្ពុជា ដើម្បីធានាការបោះឆ្នោតមួយទទួលយកបាន៕ (ស៊ុន ណារិន, Hello VOA, ភ្នំពេញ, ទី១០ ខែមីនា ឆ្នាំ២០២២)

30 min

March 07, 2022 Hello VOA ស្រ្តីនិងភាពជាអ្នកដឹកនាំ៖ ការពង្រឹងសមត្ថភាពដល់ស្រ្តី តាមរយៈការបង្កើតជាខ្សែរឿង - មីនា 07, 2022

កញ្ញា ពៅ ស៊ីនួន សហស្ថាបនិកចលនាទម្លុះ បានថ្លែងថា តាមរយៈខ្សែរឿងរៀបរាប់អំពីបញ្ហានានាពាក់ព័ន្ធនឹងគម្លាតក្នុងសមភាពយេនឌ័រ ចលនាទម្លុះនៃស្រ្តីវ័យក្មេងកម្ពុជា សង្ឃឹមថា នឹងអាចជម្នះលើបទដ្ឋានសង្គមនានា ដើម្បីពង្រឹងភាពអង់អាចដល់ស្រ្តីនិងក្មេងស្រី។ កញ្ញាបានបន្ថែមថា វិសមភាពយេនឌ័រជាបញ្ហាធំ និងស្មុគស្មាញ ប៉ុន្តែមនុស្សគ្រប់គ្នារស់នៅក្នុងសង្គមអាចធ្វើបាន ដោយហ៊ានក្រោកឈរទាំងអស់គ្នា ដើម្បីទម្លុះរនាំងវិសមភាពទាំងនេះ៕ (អ្នកស្រី ស៊ូ ពេជ្រចិន្តា, HelloVOA ស្ត្រីនិងភាពជាអ្នកដឹកនាំ, វ៉ាស៊ីនតោន, ថ្ងៃចន្ទ ទី៧ ខែមីនា ឆ្នាំ២០២២)

27 min

February 28, 2022 Hello VOA៖ អ្នកឃ្លាំមើលថា ជប៉ុនផ្ដើមស្ទាបស្ទង់ធ្វើការជាមួយអ្នកនយោបាយបន្តវេនកម្ពុជា - កុម្ភៈ 28, 2022

ជប៉ុនជាប្រទេសទីមួយដែលអញ្ជើញកូនប្រុសច្បងលោកនាយករដ្ឋមន្ត្រី ហ៊ុន សែន គឺឧត្តមសេនីយ៍ឯក ហ៊ុន ម៉ាណែត ទៅបំពេញទស្សនកិច្ចក្នុងខែកុម្ភៈកន្លងទៅនេះ ចាប់តាំងពីមេបញ្ជាការកងទ័ពជើងគោករូបនេះ ត្រូវបានគណបក្សប្រជាជនកម្ពុជាចាត់តាំងជាបេក្ខភាពនាយករដ្ឋមន្ត្រីអនាគតរបស់បក្សកាន់អំណាចត្រៀមស្នងដំណែងឪពុក។ ក្នុងកម្មវិធី Hello VOA ប្រចាំខែអំពីអភិបាលកិច្ចល្អ ជាមួយលោក អូន ឆេងប៉រ នៃវីអូអេ លោក ឱក សេរីសោភកិ៍្ត អ្នកឯកទេសផ្នែកអភិបាលកិច្ច បានលើកឡើងថា ទីក្រុងតូក្យូកំពុងស្ទាបស្ទង់ធ្វើការជាបណ្ដើរៗហើយជាមួយអនាគតអ្នកដឹកនាំកម្ពុជា ខណៈខ្លួនមានប្រយោជន៍ដែលត្រូវរក្សា និងបន្តពូនជ្រុំនៅកម្ពុជា៕

33 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ