Sign up to save your podcasts
Or
Share Hello VOA - វីអូអេ
Share to email
Share to Facebook
Share to X
Share to email
Share to Facebook
Share to X
Or
Hello VOA - វីអូអេ
By វីអូអេNews
Hello VOA - វីអូអេ episodes
- Hello VOA ជីវិតជនភៀសខ្លួនខ្មែរ៖ ក្រោយពីបានមករស់នៅសហរដ្ឋអាមេរិក លោក អួន ឡឺត តាំងចិត្តលើកស្ទួយជីវភាពរស់នៅ - ធ្នូ 08, 2023ការតស៊ូនិងការតាំងចិត្តរឹងមាំ នាំឱ្យជនភៀសខ្លួនខ្មែរម្នាក់បានចូលធ្វើការនៅក្នុងកងការពារប្រធានាធិបតីសហរដ្ឋអាមេរិកអស់ពេលជាងម្ភៃឆ្នាំ។ លោក អួន ឡឺត ដែលគ្មានលុយកាក់ និងមិនចេះភាសាអង់គ្លេសមួយម៉ាត់ ពេលមកដល់សហរដ្ឋអាមេរិកដំបូង កាលពីឆ្នាំ១៩៨៣ បានប្រាប់វីអូអេ នៅក្នុងកម្មវិធី Hello VOA ថាលោកបានប្រាប់ម្តាយលោកនៅពេលនោះថា លោកនឹងខិតខំប្រឹងប្រែងដើម្បីឱ្យគ្រួសារលោកមានជីវភាពល្អប្រសើរនៅលើទឹកដីថ្មី៕ (លោក ប៉ូច រាសី, Hello VOA, វ៉ាស៊ីនតោន, ៧ ធ្នូ ២០២៣)24 min
- Hello VOA ស្ត្រីនិងភាពជាអ្នកដឹកនាំ៖ បទពិសោធន៍ពីអតីតកាលបានជំរុញឱ្យអ្នកស្រី នុត ក្លារ៉ា ក្លាយជាស្រ្តីម្នាក់រឹងមាំ - ធ្នូ 04, 2023ការពង្រឹងកម្លាំងចិត្តឱ្យរឹងមាំបានជួយជំរុញឱ្យអ្នកស្រី នុត ក្លារ៉ា ទម្លុះឧបសគ្គជាច្រើនដែលបានជួបប្រទះលើវិថីការងារនិងជីវិត។ ការប្តេជ្ញាចិត្តដើម្បីឱ្យខ្លួនក្លាយជាស្រ្តីម្នាក់ដែលរឹងមាំបានធ្វើឱ្យអ្នកស្រីក្លាយជាសហគ្រិនមួយរូបដែលបានដឹកនាំនៅក្នុងក្រុមហ៊ុនមួយដែលមានបុគ្គលិកប្រមាណជាង១០០នាក់។ នៅក្នុងកម្មវិធី Hello VOA អ្នកស្រី ក្លារ៉ា បានថ្លែងថា ស្ត្រីត្រូវតែធ្វើជាម្ចាស់ជីវិតលើខ្លួនឯង ហើយមិនត្រូវធ្វើជាបន្ទុកឱ្យនរណាម្នាក់នោះទេ៕ (អ្នកស្រី ធីតា វីន, Hello VOA, ភ្នំពេញ, ៤ ធ្នូ ២០២៣)30 min
- Hello VOA៖ កម្មករវិស័យកាត់ដេរកម្ពុជាជំពាក់ធនាគារកាន់តែច្រើនអំឡុងការរាតត្បាតនៃជំងឺកូវីដ១៩ - វិច្ឆិកា 23, 2023លោក ឃុន ថារ៉ូ មន្ត្រីកម្មវិធីការងារនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថាសង់ត្រាល់ថ្លែងថា រដ្ឋាភិបាលគួរដាក់ចេញគោលនយោយសម្រួលដល់ការបង់សងធនាគារ និងគ្រឹះស្ថានមីក្រូហិរញ្ញវត្ថុ ដើម្បីសម្រាលបន្ទុកនៃការជំពាក់បំណុលនេះ។30 min
- Hello VOA៖ ប្រធានគណបក្សកម្លាំងជាតិថា ការបង្កើតបក្សថ្មីគឺដោយសារបក្សចាស់ដើរដល់ផ្លូវទាល់ - វិច្ឆិកា 20, 2023ប្រធានគណបក្សកម្លាំងជាតិលោក ស៊ុន ចន្ធី បានលើកឡើងថា លោក និងសហស្ថាបនិកដទៃទៀត បង្កើតគណបក្សជំទាស់ថ្មី ដោយសារតែគណបក្សចាស់របស់ពួកគេ គឺគណបក្សភ្លើងទៀន ដើរដល់ចំណុចទាល់មួយលើផ្នែកបច្ចេកទេសនយោបាយ ដែលជាប់គាំង និងមិនអាចបន្តទៅមុខទៀត ពីព្រោះគណបក្សនេះអាចមិនចូលរួមការបោះឆ្នោតបាន។ លោកបានបន្ថែមថា គណបក្សថ្មីរបស់លោកមិនបានបង្កើតមក បំបែកសំឡេងអ្នកប្រជាធិបតេយ្យនោះទេ ហើយលោកថា សមាជិកគណបក្សថ្មីរបស់លោកស្ទើរតែ ១០០ភាគរយ គឺ«សុទ្ធសឹងតែជាអតីតអ្នកតស៊ូនៅក្នុងគណបក្សភ្លើងទៀន»។ លោកបញ្ជាក់ថា អ្នកចុះចូលគណបក្សលោក«មិនមែនក្បត់នឹងគណបក្សភ្លើងទៀនទេ»៕ (អ្នកនាង ខាន់ សុគុំមនោ, Hello VOA, អូស្ត្រាលី, ២០ វិច្ឆិកា ២០២៣)20 min
- Hello VOA សំឡេងជំនាន់ថ្មី៖ ធុរកិច្ចបង្កើតថ្មី«បណ្តូល»ផ្តល់ឱកាសហាត់ការដោយទទួលបានប្រាក់កម្រៃ - វិច្ឆិកា 14, 2023ជាទូទៅ យុវជន ឬសិស្សនិស្សិតដែលចង់ស្វែងរកបទពិសោធន៍ការងារ តែងស្វែងរកឱកាសសម្រាប់ហាត់ការនៅតាមក្រុមហ៊ុន ឬស្ថាប័នផ្សេងៗទៅតាមជំនាញរបស់ខ្លួន។ យុវជនមួយក្រុមបានបង្កើតធុរកិច្ចបង្កើតថ្មីមួយឈ្មោះ «បណ្តូល» ដោយភ្ជាប់ក្រុមហ៊ុនជាមួយនឹងយុវជនដែលចង់ហាត់ការ។ កញ្ញា លី ឧត្តមនាថ ស្ថាបនិកធុរកិច្ចបង្កើតថ្មី «បណ្តូល» លើកឡើងថា ធុរកិច្ចថ្មីនេះផ្តល់ឱកាសឱ្យយុវជនទទួលបានឱកាសហាត់ការ ដោយទទួលបានប្រាក់កម្រៃ ឬប្រាក់ឧបត្ថម្ភសម្រាប់ការងាររបស់ពួកគេ៕ (អ្នកស្រី កាន់ វិច្ឆិកា, ភ្នំពេញ, ១៣ វិច្ឆិកា ២០២៣)23 min
- Hello VOA៖ អ្នកជំនាញថា ជំងឺមិនឆ្លងបានក្លាយជាបញ្ហាគួរឲ្យព្រួយបារម្ភនៅកម្ពុជា - វិច្ឆិកា 09, 2023អត្រាកើតជំងឺមិនឆ្លងក្នុងតំបន់ ក៏ដូចជានៅប្រទេសកម្ពុជា មានការកើនឡើងច្រើនគួរឲ្យព្រួយបារម្ភ។ ជំងឺទាំងនោះ ដែលមានដូចជាទឹកនោមផ្អែម លើសសម្ពាធឈាមនិងខ្លាញ់ជាដើម កំពុងវាយលុយក្នុងស្រទាប់យុវជនផងដែរ។ ឱសថបណ្ឌិត លោក វិរៈ ខ្លូតជា ដែលជាសហស្ថាបនិក និងនាយកប្រតិបត្តិនៃក្រុមហ៊ុនឪសថមួយដែលគ្រប់គ្រងគេហទំព័រ (ទៅពេទ្យ) TOVPET.COM ជំរុញឲ្យប្រជាជនខ្មែរយកចិត្តទុកដាក់លើការហូបចុក និងហាត់ប្រាណ ដើម្បីបញ្ចៀសជំងឺមិនឆ្លងទាំងនេះ៕ (ស៊ុន ណារិន, Hello VOA, ភ្នំពេញ, ៩ វិច្ឆិកា ២០២៣)26 min
- Hello VOA ស្ត្រីនិងភាពជាអ្នកដឹកនាំ៖ ភាពជឿជាក់ ចំណេះដឹង និងការតស៊ូ ធ្វើឱ្យអ្នកស្រី ប៊ុន ចាន់និមល សម្រេចគោលដៅអាជីព ទោះត្រូវផ្លាស់ទីជាច្រើនលើក - វិច្ឆិកា 06, 2023ជំនឿចិត្តដ៏មោះមុតបានជំរុញឱ្យអ្នកស្រី ប៊ុន ចាន់និមល ហ៊ានផ្លាស់ប្តូរទីលំនៅជាច្រើនកន្លែងដើម្បីស្វែងរកទីកន្លែងដែលសាកសមនឹងការអភិវឌ្ឍអាជីពរបស់ខ្លួនដែលពេញចិត្ត។ ភាពជឿជាក់និងការមិនចុះចាញ់ជាមួយឧបសគ្គដែលកើតមាន បានធ្វើឱ្យអ្នកស្រីក្លាយជាអគ្គនាយិកាក្រុមហ៊ុន សាស្រ្តាហ្វៀម (Sastra Film) ដែលកំពុងជួយលើកស្ទួយវិស័យខ្សែភាពយន្តខ្មែរ និងផ្តល់ការងារដល់សិល្បករជាច្រើនផងដែរ។ នៅក្នុងកម្មវិធី Hello VOA ស្ត្រីនិងភាពជាអ្នកដឹកនាំ អ្នកស្រី ប៊ុន ចាន់និមល បានថ្លែងថា ដើម្បីសម្រេចនូវក្តីសម្រៃ និងអាជីពដែលខ្លួនស្រលាញ់ ស្រ្តីត្រូវមានជំនឿចិត្តលើខ្លួនឯង និងហ៊ានដើរចេញក្រៅផ្ទះដើម្បីស្វែងរកកន្លែងរៀនជំនាញ ហើយត្រូវរៀបចំផែនការឱ្យបានច្បាស់លាស់នូវអ្វីដែលខ្លួនបម្រុងធ្វើ៕ (អ្នកស្រី ធីតា វីន, Hello VOA, ភ្នំពេញ, ៦ វិច្ឆិកា ២០២៣)30 min
- Hello VOA៖ រដ្ឋាភិបាលអាណត្តិថ្មីគួរបង្កើនការទប់ស្កាត់ការជួញដូរមនុស្សដើម្បីស្តារមុខមាត់កម្ពុជា - តុលា 27, 2023កាលពីពេលថ្មីៗនេះ ក្រសួងការបរទេសអាមេរិកក្នុងរយៈពេលប៉ុន្មានឆ្នាំចុងក្រោយនេះ ចាត់ថ្នាក់កម្ពុជាថាមានការជួញដូរមនុស្សខ្លាំង ហើយថាវិធានការទប់ស្កាត់មិនមានភាពប្រសើរដោយសារកង្វះឆន្ទៈរបស់រដ្ឋាភិបាល ខណៈករណីជួញដូរមនុស្សមួយចំនួនក៏មានជាប់ពាក់ព័ន្ធនឹងអ្នកមានអំណាចមួយចំនួនផងដែរ។ បន្ថែមលើនេះ នៅដើមខែតុលានេះ មានការរកឃើញថា ស្រ្តីខ្មែរ ៧ នាក់ត្រូវបានជួញដូរទៅតំបន់ត្រីកោណមាសនៅក្នុងប្រទេសឡាវ។ លោក ឌី ថេហូយ៉ា ប្រធានផ្នែកប្រឆាំងការជួញដូរមនុស្ស និងទេសន្តរប្រវេសន៍នៃអង្គការសង់ត្រាល់ ថ្លែងថា រដ្ឋាភិបាលអាណត្តិថ្មី គួរបង្ហាញឆន្ទៈក្នុងការទប់ស្កាត់ការជួញដូរមនុស្សឱ្យមានប្រសិទ្ធភាពដើម្បីស្តារមុខមាត់កម្ពុជា៕ (អ្នកនាង កាន់ វិច្ឆិកា, ភ្នំពេញ, ២៦ តុលា ២០២៣)26 min
- Hello VOA៖ គណបក្សនយោបាយបួនរួបរួមគ្នាបង្កើតសម្ព័ន្ធភាពដើម្បីប្រកួតប្រជែងក្នុងការបោះឆ្នោត - តុលា 13, 2023ដោយមើលឃើញពីស្ថានភាពដើរថយក្រោយនៃលទ្ធិប្រជាធិបតេយ្យនៅកម្ពុជា សម្ព័ន្ធភាពនយោបាយថ្មីមួយត្រូវបានបង្កើតឡើងដោយគណបក្សនយោបាយចំនួន ៤ ដើម្បីប្រកួតប្រជែងជាមួយគណបក្សប្រជាជនកម្ពុជា លើកកម្ពស់ការគោរពសិទ្ធិមនុស្ស និងស្តារលំហប្រជាធិបតេយ្យឡើងវិញ។ គណបក្សទាំង ៤ នោះ រួមមានគណបក្សភ្លើងទៀន គណបក្សឆន្ទៈខ្មែរ គណបក្សប្រជាធិបតេយ្យមូលដ្ឋាន និងគណបក្សកែទម្រង់កម្ពុជា។ លោក សុក ហាច ប្រធានស្តីទីគណបក្សភ្លើងទៀន បញ្ជាក់ថា សម្ព័ន្ធភាពនេះនឹងជាជម្រើសមួយ ដើម្បីធានាថា គណបក្សជំទាស់អាចចូលរួមការបោះឆ្នោតនៅពេលខាងមុខ ក្នុងនោះរួមមានការបោះឆ្នោតព្រឹទ្ធសភានាខែកុម្ភៈ ឆ្នាំ ២០២៤ បើទោះគណបក្សភ្លើងទៀននឹងបន្តត្រូវបានផាត់ចេញពីការបោះឆ្នោតដោយសារបញ្ហាចម្រូងចម្រាសនៃឯកសារស្នាមក៏ដោយ៕ (ស៊ុន ណារិន, Hello VOA, ភ្នំពេញ, ១២ តុលា ២០២៣)25 min
- Hello VOA សំឡេងជំនាន់ថ្មី៖ គម្រោងយុវជនកសិកម្មដាស់សតិជំរុញឱ្យយុវជននៅជនបទមានការងារធ្វើ - តុលា 06, 2023ខណៈបញ្ហាកសិកម្ម កង្វះទីផ្សារការងារ ព្រមទាំងបញ្ហាសុខភាពផ្សេងៗ នៅតែជាបញ្ហាសំខាន់ក្នុងសង្គម ហើយតែងត្រូវបានប្រជាពលរដ្ឋលើកឡើងជារឿយៗ លោក សួន បញ្ញា ប្រធានគម្រោងយុវជនកសិកម្មដាស់សតិ ថ្លែងថា គម្រោងយុវជនកសិកម្មដាស់សតិ បង្កើតឡើងដើម្បីបង្កើនការយល់ដឹងផ្នែកកសិកម្មសម្រាប់យុវជន និងជំរុញឱ្យយុវជននៅតាមជនបទមានការងារសមរម្យ៕ (កាន់ វិច្ឆិកា, ភ្នំពេញ, ០៩ តុលា ២០២៣)27 min
About Hello VOA - វីអូអេ
From the publisher's feed
ហេឡូវីអូអេ (Hello VOA) ជាកម្មវិធីជជែកពិភាក្សាតាមវិទ្យុនិងអ៊ីនធឺណិត រយៈពេល ៣០នាទី ដែលប្រិយមិត្តវីអូអេមានឱកាសសាកសួរវាគ្មិនមកពីអង្គការក្រៅរដ្ឋាភិបាល រដ្ឋាភិបាល អាជីវកម្ម សាកលវិទ្យាល័យ…
និងវិស័យសុខាភិបាល។