Hello VOA - វីអូអេ podcast - Page 4

October 02, 2023 Hello VOA ស្ត្រីនិងភាពជាអ្នកដឹកនាំ៖ ពីគ្រួសារក្រលំបាកលោកស្រី រី ថានី បានសម្រេចក្តីស្រមៃដើម្បីគ្រួសារនិងសហគមន៍សិប្បកម្មតំណាងវប្បធម៌ - តុលា 03, 2023

ជីវភាពគ្រួសារក្រលំបាកបានជំរុញឱ្យលោកស្រី រី ថានី ក្លាហានបង្កើតក្តីស្រមៃ

របស់ខ្លួនតាំងពីវ័យកុមារ ដើម្បីជម្នះភាពក្រីក្រលំបាក។ ក្តីស្រមៃនេះ ជាមួយនឹងការខិតខំសិក្សារៀនសូត្រនិងភាពធន់នឹងឧបសគ្គបានធ្វើឱ្យលោកស្រីក្លាយជាស្ថាបនិក និងនាយិកាសិប្បកម្មនរា ដែលបានជួយលើកស្ទួយស្នាដៃផលិតផលក្នុងស្រុកឱ្យកាន់តែប្រសើរឡើងលើឆាកអន្តរជាតិ និងជួយកាត់បន្ថយការធ្វើចំណាកស្រុករបស់ប្រជាពលរដ្ឋមួយចំនួនក្នុងសហគមន៍។ លោកស្រី

បានថ្លែងនៅក្នុងកម្មវិធីHello VOA ស្រ្តី និងភាពជាអ្នកដឹកនាំ ថា ស្ត្រីត្រូវហ៊ាន

ស្រមៃនូវអ្វីដែលខ្លួនចង់បាន ដោយលើកទឹកចិត្តដល់ស្ត្រីគ្រប់រូបកុំចុះចាញ់ និងកុំបោះបង់ក្តីស្រមៃរបស់ខ្លួន ទោះស្ថិតក្នុងកាលៈទេសៈណាក៏ដោយ។ លោកស្រី រី ថានី ថ្លែងថា៖ «ត្រូវកំណត់គោលដៅ និងមានផែនការច្បាស់លាស់ ហើយព្យាយាមធ្វើដោយការតស៊ូ អត់ធ្មត់ ដើម្បីតាមចាប់ក្តីស្រមៃរបស់ខ្លួន»៕ (ធីតា វីន, Hello VOA, ភ្នំពេញ, ០២ តុលា ២០២៣)

28 min

September 14, 2023 Hello VOA៖ អ្នកជំនាញថា រដ្ឋាភិបាលមមាញឹកក្នុងការបង្កើតច្បាប់ដើម្បីគ្រប់គ្រងអ៊ីនធឺណិត - កញ្ញា 15, 2023

កាលពីពេលថ្មីៗនេះ វិទ្យាស្ថានតស៊ូមតិនិងគោលនយោបាយ (API) បានចេញផ្សាយរបាយការណ៍មួយដែលវិភាគនិងតាមដានការរាំងខ្ទប់គេហទំព័រមួយចំនួនក្នុងប្រទេសកម្ពុជា។ លោក ឡាំ សុជាតិ នាយកប្រតិបត្តិនៃវិទ្យាស្ថានតស៊ូមតិនិងគោលនយោបាយ បញ្ជាក់ថា របាយការណ៍នេះជាភ័ស្តុតាងដែលអង្គការសង្គមស៊ីវិលនឹងដាក់ទៅរដ្ឋាភិបាល និងក្រុមហ៊ុនឯកជន ដើម្បីពិនិត្យមើល និងបញ្ជាក់អំពីមូលហេតុនៃការបិទគេហទំព័រទាំងនោះ។ លោកបន្ថែមថា រដ្ឋាភិបាលកំពុងមមាញឹកក្នុងការបង្កើតច្បាប់ ដើម្បីគ្រប់គ្រងគ្រប់ផ្នែកនៃបណ្តាញបច្ចេកវិទ្យា និងបណ្តាញសារព័ត៌មាន៕ (ស៊ុន ណារិន, Hello VOA, ភ្នំពេញ, ១៤ កញ្ញា ២០២៣)

26 min

September 11, 2023 Hello VOA សំឡេងជំនាន់ថ្មី៖ ការយល់ដឹងពីថាមពលជួយកាត់បន្ថយបញ្ហាសេដ្ឋកិច្ច និងបរិស្ថាន - កញ្ញា 11, 2023

នៅកម្ពុជា ការចែករំលែកចំណេះដឹងនានាពាក់ព័ន្ធនឹងថាមពលនៅមានកម្រិតតិចតួចនៅឡើយ ស្របពេលដែលប្រជាជនស្ទើតែទាំងអស់រស់នៅដោយពឹងអាស្រ័យលើថាមពល។ ថ្មីៗនេះ គេឃើញយុវជនមួយក្រុមបានបង្កើតគម្រោងមួយឈ្មោះថា អំពីថាមពល ឬ About Energy ដែលជាគម្រោងផ្តោតលើការលើកកម្ពស់ការយល់ដឹងអំពីបញ្ហា និងដំណោះស្រាយទាក់ទងនឹងថាមពល។ លោក ហ៊ាង វិហ្សា សហស្ថាបនិកគម្រោង អំពីថាមពល ឬ About Energy ថ្លែងក្នុងកម្មវិធី Hello VOA សំឡេងជំនាន់ថ្មីថា ការស្វែងយល់អំពីការប្រើប្រាស់ថាមពលជួយសន្សំសំចៃសេដ្ឋកិច្ច និងទប់ស្កាត់បញ្ហាបរិស្ថាន៕ (អ្នកនាង កាន់ វិច្ឆិកា, ភ្នំពេញ, ១១ កញ្ញា ២០២៣)

24 min

September 04, 2023 Hello VOA ស្ត្រីនិងភាពជាអ្នកដឹកនាំ៖ ការតស៊ូដើម្បីចំណេះដឹងជួយលោកស្រី ពាង សុខា កសាងជីវិតនិងផ្តល់ក្តីសង្ឃឹមដល់អ្នកខ្វះឱកាស - កញ្ញា 04, 2023

ពីកម្មកររោងចក្រ រហូតដល់ក្លាយជានាយិកាដឹកនាំស្ថាប័នមួយ ដំណើរជីវិតរបស់លោកស្រី ពាង សុខា ពោរពេញដោយឧបសគ្គ ការតស៊ូ និងការតាំងចិត្តខ្លាំង ដើម្បីផ្លាស់ប្តូរជីវិតរបស់លោកស្រី។ បច្ចុប្បន្ននេះ លោកស្រីគឺជានាយិកាប្រតិបត្តិនៃសិប្បកម្មវត្តថាន់កម្ពុជា និងជាសហគ្រិនស្ត្រីម្នាក់ ដែលព្យាយាមបង្កើតឱកាសការងារនិងផ្តល់ជំនួយដល់សិស្សនិស្សិតនិងក្រុមពលរដ្ឋដែល ត្រូវការជំនួយនិងមិនមានឱកាសនិងសមត្ថភាពក្នុងការស្វែងរកការងារឱ្យត្រូវជំនាញ។ លោកស្រីបានចែករំលែកនៅក្នុងកម្មវិធី Hello VOA ស្ត្រីនិងភាពជាអ្នកដឹកនាំថា ការសិក្សាគឺជាគន្លឹះក្នុងការអភិវឌ្ឍផ្នត់គំនិតនិងភាពជោគជ័យរបស់បុគ្គលម្នាក់ៗ។ លោកស្រីបានលើកទឹកចិត្តឱ្យអ្នកដែលមានជីវភាពក្រីក្របន្តការសិក្សា ទោះបីជាជីវភាពគ្រួសារក្រីក្រយ៉ាងណាក៏ដោយ។ លោកស្រី ពាង សុខា ថ្លែងថា៖ «ឱ្យតែយើងមានក្តីសង្ឃឹម ការតាំងចិត្ត តស៊ូមោះមុត នោះយើងនឹងអាចសម្រេចគោលបំណងរបស់យើងជាក់ជាមិនខាន»៕ (ធីតា វីន, Hello VOA, ភ្នំពេញ, ០៤ កញ្ញា ២០២៣)

29 min

August 31, 2023 Hello VOA៖ វិបត្តិជំងឺកូវីដនិងសង្រ្គាមនៅអ៊ុយក្រែនធ្វើឱ្យការបញ្ជាទិញធ្លាក់ចុះ - សីហា 31, 2023

បើទោះបីជាវិបត្តិជំងឺកូវីដ ១៩ បានស្រាកស្រាន្តច្រើនក្តី ក៏ផលប៉ះពាល់បង្កឡើងដោយវិធានការទប់ស្កាត់ការឆ្លងរាលដាលរបស់ជំងឺនេះនៅតែបន្តជះឥទ្ធិពលលើសង្វាក់ផលិតកម្មនៅជុំវិញពិភពលោក។ បន្ថែមលើនេះ សង្គ្រាមឈ្លានពានរបស់រុស្ស៊ីនៅអ៊ុយក្រែនកំពុងបង្កភាពមិនប្រាកដប្រជាបន្ថែមទៀតលើដំណើរការសេដ្ឋកិច្ចសាកលលោក ដែលមានភាពប្រទាក់ក្រឡាគ្នា។ នៅក្នុងកម្មវិធី Hello VOA លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ ថ្លែងថា វិបត្តិជំងឺកូវីដ១៩ និងសង្រ្គាមឈ្លានពានរបស់រុស្ស៊ីលើអ៊ុយក្រែននេះ ធ្វើឱ្យការបញ្ជាទិញរបស់អន្តរជាតិបានធ្លាក់ចុះ ដែលប៉ះពាល់ឱកាសការងារនិងប្រាក់ចំណូលរបស់កម្មករក្នុងប្រទេសកម្ពុជា៕

(លោក ស៊ុន ណារិន, Hello VOA, ភ្នំពេញ, ទី៣១ ខែសីហា ឆ្នាំ២០២៣)

26 min

August 24, 2023 Hello VOA៖ វិបត្តិសេដ្ឋកិច្ចជំរុញឱ្យពលរដ្ឋកម្ពុជាធ្វើចំណាកស្រុកទៅក្រៅប្រទេសបន្ថែមទៀត - សីហា 25, 2023

ក្នុងពេលបច្ចុប្បន្ន តម្លៃទំនិញសំខាន់ៗស្ទើរគ្រប់ប្រភេទដូចជាសាំង និងអង្ករជាដើម ឡើងថ្លៃជាបន្តបន្ទាប់។ រោងចក្រកាត់ដេរមួយចំនួនដែលជាទីពឹងរបស់ប្រជាពលរដ្ឋពេញកម្លាំងការងារ ក៏ត្រូវបានបិទ និងព្យួរ ដោយសារបញ្ហាសេដ្ឋកិច្ចដែលកំពុងរងនូវវិបត្តិ។ លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថាសង់ត្រាល់ ថ្លែងក្នុងកម្មវិធី Hello VOA ស្តីពីពលករចំណាកស្រុកថា ការណ៍នេះបានបង្ខំឱ្យប្រជាពលរដ្ឋកម្ពុជាជាច្រើនបន្ថែមទៀត ចំណាកស្រុកទៅធ្វើជាពលករនៅក្រៅប្រទេស៕ (កាន់ វិច្ឆិកា, ភ្នំពេញ, ២៤ សីហា ២០២៣)

30 min

August 21, 2023 Hello VOA៖ របៀបផ្លាស់ប្តូរក្បាលម៉ាស៊ីនដឹកនាំដូចនៅកម្ពុជាមិនធ្លាប់មានទាំងនៅតំបន់និងសកលលោក - សីហា 21, 2023

នាយកប្រតិបត្តិអង្គការតម្លាភាពកម្ពុជា លោក ប៉ិច ពិសី មានប្រសាសន៍ថា ការផ្លាស់ប្តូរមេដឹកនាំ សម្រាប់អាណត្តិទី ៧ នេះ គឺជាការផ្លាស់ប្តូរដ៏ធំមួយសម្រាប់កម្ពុជា និងប្រជាពលរដ្ឋ។ លោកបានបន្ថែមថា ការផ្លាស់ប្តូរនៅក្នុងក្បាលម៉ាស៊ីនដឹកនាំតាមលក្ខណៈខ្សែស្រឡាយ និងគ្រួសារនិយមបែបនេះមិនធ្លាប់មានទេ ទាំងនៅក្នុងតំបន់ និងសកលលោក។ លោកក៏បានលើកឡើងទៀតថា ដើម្បីទទួលបានការគាំទ្រពីប្រជាពលរដ្ឋ រដ្ឋាភិបាលថ្មីនេះគួរផ្តោតលើអាទិភាពពីរគឺ៖ ការកសាងទំនុកចិត្តពីសាធារណជនឡើងវិញ និងការរៀបចំយុទ្ធសាស្ត្រប្រឆាំងអំពើពុករលួយ៕ (អ្នកនាង ខាន់ សុគុំមនោ, Hello VOA, អូស្ត្រាលី, ២១ សីហា ២០២៣)

27 min

August 14, 2023 Hello VOA សំឡេងជំនាន់ថ្មី៖ ការអនុវត្តគោលនយោបាយយុវជនមានប្រសិទ្ធភាព ត្រូវការឆន្ទៈអ្នកដឹកនាំជំនាន់ថ្មី - សីហា 14, 2023

ក្រោយការបោះឆ្នោតជ្រើសតាំងតំណាងរាស្រ្តអាណត្តិទី ៧ បានបញ្ចប់កាលពីថ្ងៃទី២៣ ខែកក្កដា ឆ្នាំ២០២៣ លោកនាយករដ្ឋមន្ត្រី ហ៊ុន សែន បានប្រកាសថា រដ្ឋាភិបាលថ្មីនឹងបង្កើតឡើងនៅចុងខែសីហានេះ ដោយក្បាលម៉ាស៊ីនដឹកនាំប្រទេស ព្រមទាំងរដ្ឋមន្ត្រីតាមក្រសួងនីមួយៗ នឹងត្រូវផ្លាស់ប្តូរច្រើន ដោយដាក់សមាសភាពមន្ត្រីវ័យក្មេងជំនួសមន្ត្រីវ័យចំណាស់ដែលបានបំពេញការងារជាច្រើនអាណត្តិកន្លងទៅ។ កញ្ញា លី ស្រីស្រស់ ប្រធានក្រុមអ្នកវិភាគវ័យក្មេង ថ្លែងក្នុងកម្មវិធី Hello VOA សំឡេងជំនាន់ថ្មីថា ការអនុវត្តគោលនយោបាយពាក់ព័ន្ធនឹងយុវជនអាចមានប្រសិទ្ធភាពទៅបាន លុះត្រាតែថ្នាក់ដឹកនាំជំនាន់ថ្មីមានឆន្ទៈនយោបាយពិតប្រាកដ ជាពិសេសនៅក្នុងការអនុវត្តគោលនយោបាយទាំងអស់នោះ៕ (អ្នកនាង កាន់ វិច្ឆិកា, ភ្នំពេញ, ១៤ សីហា ២០២៣)

30 min

August 07, 2023 Hello VOA ស្ត្រីនិងភាពជាអ្នកដឹកនាំ៖ ក្នុងនាមជាអ្នកដឹកនាំចាំបាច់ត្រូវចេះដឹកនាំខ្លួនឯងជាមុនសិន - សីហា 07, 2023

អ្នកនាង សាន សុជាតា ជានាយិកាកម្មវិធីនៃអង្គការមូលនិធិអាស៊ីបានថ្លែងនៅក្នុងកម្មវិធី Hello VOA ថា ការចេះរៀបចំគម្រោងដឹកនាំខ្លួនឯង មានសារៈសំខាន់នៅក្នុងការសម្រេចបានគោលដៅក្នុងជីវិត។ អ្នកនាងក៏បានសង្កត់ធ្ងន់ថា ចំណេះដឹងគឺជាអ្វីដែលត្រូវពង្រីកបន្ថែមឥតឈប់ឈរ។ ទោះបីជារៀនចប់រហូតដល់ថ្នាក់បណ្ឌិតក៏ដោយ ក៏យើងត្រូវតែពង្រីក និងអភិវឌ្ឍចំណេះដឹងជាបន្តបន្ទាប់ ដើម្បីសម្របខ្លួនទៅនឹងការវិវឌ្ឍរបស់សង្គម និងដើរឱ្យទាន់ទៅតាមសម័យកាលដ៏ជឿនលឿន។ អ្នកនាងបានបន្ថែមថា យុវជនគួរតែត្រូវចេះរកឱ្យឃើញនូវគោលដៅរបស់ខ្លួនឯង និងរៀបចំផែនការដើម្បីគោលដៅនោះ៕ (អ្នកស្រី ធីតា វីន, Hello VOA, ភ្នំពេញ, ៧ សីហា ២០២៣)

28 min

July 28, 2023 Hello VOA៖ រដ្ឋាភិបាលអាណត្តិថ្មីគួរបង្កើនការយកចិត្តទុកដាក់លើគោលនយោបាយការពារពលករចំណាកស្រុក - កក្កដា 28, 2023

កម្ពុជាទើបបានបញ្ចប់ការបោះឆ្នោតជ្រើសតាំងតំណាងរាស្រ្តកាលពីថ្ងៃទី ២៣ ខែកក្កដានេះ។ នៅចុងខែសីហាខាងមុខ ប្រសិនបើមិនមានការផ្លាស់ប្តូរណាមួយទេ នោះគណៈរដ្ឋមន្ត្រីនៃរដ្ឋាភិបាលអាណត្តិថ្មីនឹងត្រូវបានបង្កើតឡើង។ លោក ឌី ថេហូយ៉ា ប្រធានផ្នែកប្រឆាំងការជួញដូរមនុស្សនិងទេសន្តរប្រវេសន៍នៃអង្គការសង់ត្រាល់ ថ្លែងក្នុងកម្មវិធី Hello VOA ស្តីពីពលករចំណាកស្រុកថា រដ្ឋាភិបាលអាណត្តិថ្មីគួរតែបន្ថែមការយកចិត្តទុកដាក់លើគោលនយោបាយពាក់ព័ន្ធនឹងការការពារពលករចំណាកស្រុក ដើម្បីជំរុញឱ្យស្ថានភាពរស់នៅនិងឱកាសការងាររបស់ពួកគេមានភាពប្រសើរឡើង ដែលនឹងជួយពង្រឹងកម្លាំងសេដ្ឋកិច្ចជាតិ៕ (កាន់ វិច្ឆិកា, Hello VOA, ភ្នំពេញ, ២៧ កក្កដា ២០២៣)

28 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ