Hello VOA - វីអូអេ podcast - Page 6

May 11, 2023 Hello VOA៖ សហជីពបន្តជំរុញរដ្ឋាភិបាលឲ្យជួយការពារផលប្រយោជន៍របស់កម្មករ ពេលរោងចក្របិទទ្វារ - ឧសភា 12, 2023

កាលពីខែមីនា ឆ្នាំ២០២៣ លោកនាយករដ្ឋមន្ត្រី ហ៊ុន សែន បានឲ្យដឹងថា រោងចក្រនៅកម្ពុជាជាង ៧០ បានព្យួរការងារកម្មករជាង ៣ ម៉ឺននាក់ ដោយលោកថាសភាពការណ៍សេដ្ឋកិច្ចពិភពលោកមិនល្អ។ នៅក្នុងកម្មវិធី Hello VOA អ្នកស្រី យ៉ាង សុភ័ណ្ឌ ប្រធានសម្ព័ន្ធសហជីពកម្ពុជា បន្តជំរុញឲ្យរដ្ឋាភិបាលធានាការពារផលប្រយោជន៍សម្រាប់កម្មករ ប្រសិនបើរោងចក្របិទទ្វារ ហើយកម្មករបាត់បង់ការងារ៕ (ស៊ុន ណារិន, Hello VOA, ភ្នំពេញ,១៥ ឧសភា ២០២៣)

28 min

May 08, 2023 Hello VOA សំឡេងជំនាន់ថ្មី៖ អ្នកសារព័ត៌មានវ័យក្មេងចង់ឃើញស្ថានភាពសារព័ត៌មានប្រសើរជាងពេលបច្ចុប្បន្ន - ឧសភា 08, 2023

សេរីភាពសារព័ត៌មាននៅកម្ពុជាក្នុងឆ្នាំ ២០២៣ នេះ ត្រូវបានអ្នកជំនាញចាត់ទុកថាមានស្ថានភាពអាក្រក់ខ្លាំង បន្ទាប់ពីរដ្ឋាភិបាលបានសម្រេចបិទវិទ្យុសំឡេងប្រជាធិបតេយ្យ ដែលជាវិទ្យុឯករាជ្យក្នុងស្រុកចុងក្រោយគេ។ ខណៈអ្នកសារព័ត៌មានទូទាំងពិភពលោកនាំគ្នាប្រារព្ធទិវាសេរីភាពសារព័ត៌មានលើកទី ៣០ នៅខែឧសភានេះ នៅកម្ពុជា ការរឹតត្បិតលើអ្នកសារព័ត៌មាននៅតែបន្តកើតមាន។ កញ្ញា ហ៊ន ថូវ៉ាន អ្នកសារព័ត៌មានសេរី ថ្លែងក្នុងកម្មវិធី Hello VOA សំឡេងជំនាន់ថ្មីថា កញ្ញាចង់ឃើញស្ថានភាពសេរីភាពសារព័ត៌មាននៅកម្ពជាប្រសើរជាងពេលបច្ចុប្បន្ន៕ (កាន់ វិច្ឆិកា, ភ្នំពេញ, ០៨ ឧសភា ២០២៣)

29 min

May 01, 2023 Hello VOA ស្ត្រីនិងភាពជាអ្នកដឹកនាំ៖ ការងារក្នុងប្រព័ន្ធផ្សព្វផ្សាយអាចជួយផ្លាស់ប្តូរឥរិយាបថសាធារណជនលើតួនាទីរបស់ស្ត្រីក្នុងសង្គម - ឧសភា 01, 2023

អ្នកស្រី អ៊ុង ច័ន្ទថុល បានក្លាយជានាយិកាប្រតិបត្តិអង្គការមណ្ឌលព័ត៌មានស្រ្តីកម្ពុជា ដែលជាស្ថាប័នសារព័ត៌មានស្ត្រីតែមួយគត់នៅក្នុងប្រទេសកម្ពុជា ដែលបានធ្វើការផ្សព្វផ្សាយអំពីសិទ្ធិ តួនាទី និងសារៈសំខាន់នៃការចូលរួមរបស់ស្ត្រីនៅក្នុងសង្គមនៃប្រទេសកម្ពុជា ចាប់តាំងឆ្នាំ ១៩៩៥ មក។ បើទោះបីជាអ្នកស្រីមិនមានជំនាញខាងវិស័យសារព័ត៌មាន អ្នកស្រីបានបំពេញតួនាទីជាអ្នកដឹកនាំស្ត្រីមួយរូបក្នុងវិស័យដែលគ្របដណ្តប់ដោយបុរសនេះ ដោយសង្ឃឹមថា អ្នកស្រីអាចជំរុញឱ្យមានការផ្លាស់ប្តូរឥរិយាបថសាធារណជនលើតួនាទីរបស់ស្ត្រីក្នុងសង្គម។ ស្របពេលជាមួយគ្នានោះ អ្នកស្រីក៏បានសង្កេតឃើញថា សេរីភាពសារព័ត៌មានក្នុងប្រទេសកម្ពុជានៅរងការរឹតបន្តឹង ជាពិសេសក្នុងរយៈពេលប៉ុន្មានឆ្នាំចុងក្រោយនេះ។ ចំណែកឯសុវត្ថិភាពសម្រាប់អ្នកសារព័ត៌មាន ក៏មានការប្រឈមនឹងហានិភ័យ ដែលជាហេតុធ្វើឱ្យស្ត្រីក្នុងវិស័យសារព័ត៌មានមានចំនួនតិច ពោលគឺមានចំនួនជិត ៥០០ នាក់ ស្មើនឹងប្រមាណ៩ ភាគរយប៉ុណ្ណោះក្នុងចំណោមអ្នកសារព័ត៌មានសរុបប្រមាណជា ៥.០០០ នាក់នៅកម្ពុជា។ អ្នកស្រី អ៊ុង ច័ន្ទថុល បានឱ្យដឹងទៀតថា ស្ត្រីក្នុងវិស័យសារព័ត៌មាន ប្រឈមនឹងបញ្ហាជាច្រើន រួមមានការបៀតបៀនផ្លូវភេទ ពាក្យសម្តីអសុរស និងអសុវត្ថិភាព៕ (អ្នកស្រី ធីតា វីន, Hello VOA ស្ត្រីនិងភាពជាអ្នកដឹកនាំ, ភ្នំពេញ, ១ ឧសភា ២០២៣)

29 min

April 27, 2023 Hello VOA៖ ការបោះឆ្នោតថ្នាក់ជាតិជិតមកដល់ ពលករនៅក្រៅប្រទេសរងសម្ពាធនយោបាយ - មេសា 28, 2023

កម្ពុជានឹងរៀបចំការបោះឆ្នោតថ្នាក់ជាតិនាថ្ងៃទី ២៣ ខែកក្កដា ឆ្នាំ ២០២៣ នេះ ខណៈពលករកម្ពុជាយ៉ាងហោចណាស់ពីរលាននាក់ បាននិងកំពុងធ្វើការនៅក្រៅប្រទេស។ ពលករចំណាកស្រុកភាគច្រើនមិនបានចូលរួមការបោះឆ្នោតនោះទេ ដោយសារតែកត្តាការងារ ការធ្វើដំណើរ និងកង្វះយន្តការគាំទ្រពលករឱ្យចូលរួមការបោះឆ្នោតជាដើម។ លោក ឌី ថេហូយ៉ា ប្រធានផ្នែកប្រឆាំងការជួញដូរមនុស្ស និងទេសន្តរប្រវេសន៍នៃអង្គការសង់ត្រាល់ ថ្លែងក្នុងកម្មវិធី Hello VOA ស្តីពីចំណាកស្រុកថា នៅមុនការបោះឆ្នោតថ្នាក់ជាតិនីតិកាទី ៧ ឈានមកដល់ ពលករចំណាកស្រុករងសម្ពាធនយោបាយ ដោយមានការបង្ខំឱ្យចូលជាសមាជិក និងបម្រើកិច្ចការគណបក្សនយោបាយ៕ (កាន់ វិច្ឆិកា, ភ្នំពេញ, ២៧ មេសា ២០២៣)

29 min

April 17, 2023 Hello VOA៖ បរិយាកាសនយោបាយបច្ចុប្បន្នមិនប្រសើរសម្រាប់ការបោះឆ្នោតជាតិខាងមុខ - មេសា 18, 2023

កញ្ញា លី ស្រីស្រស់ ប្រធានក្រុមអ្នកវិភាគវ័យក្មេង បានលើកឡើងថា បើសិនការប្រើប្រាស់វិធានការផ្លូវច្បាប់ ការចាប់គំរាមកំហែងនៅបន្តកើតមានលើអ្នកនយោបាយក្រុមប្រឆាំង ខណៈការបង្ក្រាបលើប្រព័ន្ធផ្សព្វផ្សាយឯករាជ្យនៅតែមិនស្រាកស្រាន្តទេ នោះវាអាចធ្វើឱ្យប៉ះពាល់ដល់គុណភាពការបោះឆ្នោត ដែលនឹងមកដល់ក្នុងរយៈពេលដ៏ខ្លី ខាងមុខ។ កញ្ញាបានបញ្ជាក់បន្ថែមថា លំហសេរីភាពរបស់របស់ពលរដ្ឋដែលហ៊ានលើកឡើងនូវចំណុចខ្វះខាតពីការដឹកនាំរបស់រដ្ឋាភិបាល និងសារព័ត៌មានឯករាជ្យ ដែលផ្តល់ព័ត៌មានសំខាន់ដល់ពលរដ្ឋក្នុងការសម្រេចចិត្តថា តើគាត់គួរបោះឆ្នោតឲ្យអ្នកណា កំពុងត្រូវបានបាត់បង់។ កញ្ញាអង្កេតឃើញថា ពលរដ្ឋមានភាពនឿយណាយនៅក្នុងការបោះឆ្នោត តែទោះយ៉ាងណា ពួកគេនៅមានសង្ឃឹម ប្រសិនមានវត្តមានគណបក្សប្រឆាំង ពោលគឺគណបក្សភ្លើងទៀន ចូលរួមប្រកួតប្រជែងក្នុងការបោះឆ្នោតខាងមុខនេះ៕ (ខាន់ សុគុំមនោ, Hello VOA, ១៧ មេសា ២០២៣)

31 min

April 14, 2023 Hello VOA៖ គណបក្សប្រជាធិបតេយ្យមូលដ្ឋានមានប្រជាធិបតេយ្យផ្ទៃក្នុង - មេសា 14, 2023

កាលពីពេលថ្មីៗនេះ ព្រះមហាក្សត្របានចេញព្រះរាជក្រឹត្យចំនួនពីរ ដោយតែងតាំងអតីតមន្រ្តីជាន់ខ្ពស់ពីររូបនៃគណបក្សប្រជាធិបតេយ្យមូលដ្ឋាន (Grassroots Democratic Party) ជារដ្ឋលេខាធិការ និងជាអនុរដ្ឋលេខាធិការក្រសួងបរិស្ថាន ក្រោយពីពួកគេបានចូលរួមជីវភាពនយោបាយជាមួយគណបក្សប្រជាជនកម្ពុជា។ នៅក្នុងកម្មវិធី Hello VOA លោក យ៉េង វីរៈ ប្រធានគណបក្សប្រជាធិបតេយ្យមូលដ្ឋាន បានលើកឡើងថា ការចាកចេញនេះមិនប៉ះពាល់ដល់គណបក្សឡើយ ដោយសារគណបក្សមានគោលការណ៍បែបប្រជាធិបតេយ្យផ្ទៃក្នុង៕ (ស៊ុន ណារិន, Hello VOA, ភ្នំពេញ, ១៣ មេសា ២០២៣)

25 min

April 10, 2023 Hello VOA សំឡេងជំនាន់ថ្មី៖ ការរចនាបែបច្នៃប្រតិដ្ឋជួយអភិវឌ្ឍសង្គមតាមរយៈការបង្កើតថ្មី - មេសា 10, 2023

ក្នុងរយៈពេលប៉ុន្មានឆ្នាំចុងក្រោយនេះ នៅកម្ពុជាគេឃើញមានការអនុវត្តនិងយកចិត្តទុកដាក់ច្រើនលើការរចនាបែបច្នៃប្រតិដ្ឋ រួមមានការច្នៃប្រតិដ្ឋដោយប្រើកុំព្យូរទ័រ និងដោយដៃដើម្បីបង្កើតជាវត្ថុ ឬផលិតផលនានាជាដើម។ លោក នួន សង់ទី ស្ថាបត្យករ និងជាអ្នករចនាវ័យក្មេង បានចូលរួមក្នុងគម្រោងមួយឈ្មោះថា Under the Canopy ឬដែលប្រែសម្រួលជាខ្មែរថា «នៅក្រោមម្លប់ដែលផ្តោតលើភាពច្នៃប្រតិដ្ឋ នគរូបនីយកម្ម និងនិរន្តរភាព»។ អ្នករចនាវ័យក្មេងរូបនេះ ថ្លែងក្នុងកម្មវិធី Hello VOA សំឡេងជំនាន់ថ្មីថា ការរចនាបែបច្នៃប្រតិដ្ឋជំរុញឱ្យសង្គមមានការអភិវឌ្ឍតាមរយៈការបង្កើតថ្មី។ (កាន់ វិច្ឆិកា, Hello VOA, ភ្នំពេញ, ១០ មេសា ២០២៣)

22 min

April 03, 2023 Hello VOA ស្ត្រីនិងភាពជាអ្នកដឹកនាំ៖ ប្រែក្លាយការបន្តុះបង្អាប់និងការរើសអើង ទៅជាកម្លាំងពង្រឹងភាពជាអ្នកដឹកនាំ - មេសា 03, 2023

អ្នកស្រី ម៉ិល សុគង្គា ជាមេឃុំកណ្តែក ស្រុកប្រាសាទបាគង ខេត្តសៀមរាប

ប្រាប់វីអូអេថា ពាក្យបន្តុះបង្អាប់ និងមាក់ងាយមកលើសមត្ថភាពរបស់ស្រ្តីលែងជាឧបសគ្គរារាំងដល់ស្រ្តីក្នុងការចូលរួមអភិវឌ្ឍន៍សង្គម តែធ្វើឱ្យស្ត្រីកាន់តែមានកម្លាំងចិត្តចូលរួមធ្វើការជាមួយបុរសគ្រប់វិស័យ។ អ្នកស្រីជឿជាក់ថា ការចូលរួមដឹកនាំរបស់ស្រ្តីគ្រប់លំដាប់ថ្នាក់ តាំងពីថ្នាក់មូលដ្ឋានរហូតទៅដល់ថ្នាក់ជាតិ គឺជាការបង្ហាញឱ្យឃើញថាស្រ្តីមិនមែនទន់ជ្រាយនោះទេ ក៏ប៉ុន្តែទន់ភ្លន់ ហើយរឹងមាំ៕ (ធីតា វីន, Hello VOA, ភ្នំពេញ, ៣ មេសា ២០២៣)

24 min

March 23, 2023 Hello VOA៖ ស្រ្តីពលករចំណាកស្រុកត្រូវការការគាំទ្រពីសង្គមក្រោយត្រឡប់មកស្រុកកំណើតវិញ - មីនា 24, 2023

ក្នុងរយៈពេលជាងពីរទសវត្សរ៍ចុងក្រោយនេះ ការធ្វើចំណាកស្រុកទៅធ្វើការក្រៅប្រទេសមានការកើនឡើង ស្របពេលពលរដ្ឋដែលធ្វើចំណាកស្រុកទាំងនោះបានចូលរួមចំណែកយ៉ាងសំខាន់ដល់សេដ្ឋកិច្ចកម្ពុជា។ស្ត្រីក៏ជាអ្នករួមចំណែកស្ទើរតែស្មើគ្នានៃអត្ថប្រយោជន៍ទាំងនេះ ប៉ុន្តែពួកគេប្រឈមមុខនឹងបញ្ហាក្នុងការធ្វើដំណើរចំណាកស្រុក និងនៅពេលពួកគេត្រឡប់មកវិញ។ អ្នកស្រី កៅ សុគន្ធផារ៉ាឌី មន្រ្តីគម្រោងថ្នាក់ជាតិនៃអង្គការអន្តរជាតិទេសន្តរប្រវេសន៍ ហៅកាត់ថា IOM ថ្លែងក្នុងកម្មវិធី Hello VOA ស្តីពីពលករចំណាកស្រុកថា ស្រ្តីពលករចំណាកស្រុកដែលត្រឡប់មកស្រុកកំណើតវិញ ត្រូវការការជួយគាំទ្រផ្នែកហិរញ្ញវត្ថុ និងសុខុមាលភាពសង្គមដើម្បីអាចធ្វើសមាហរ័ណកម្មចូលក្នុងសង្គមវិញ៕ (អ្នកនាង កាន់ វិច្ឆិកា, ភ្នំពេញ, ២៣ មីនា ២០២៣)

29 min

March 20, 2023 លោក អ៊ិត សូធឿត៖ ស្ថានការណ៍ «រឹតត្បិតខ្លួនឯង» ពីប្រភពព័ត៌មាន ជះឥទ្ធិពលដល់សេរីភាពសារព័ត៌មាន - មីនា 21, 2023

លោក អ៊ិត សូធឿត នាយកផ្នែកប្រព័ន្ធផ្សព្វផ្សាយ នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ មើលឃើញថា កម្តៅនយោបាយដែលកើតមានឡើងជាហូរហែក្រោយការបោះឆ្នោតឃុំសង្កាត់ឆ្នាំ២០១៧មក ដែលបានធ្វើអោយពលរដ្ឋ និងប្រភពរបស់អ្នកសារព័ត៌មាន ថមថយការបញ្ចេញមតិផ្ទាល់ខ្លួន បញ្ចេញមតិដោយប្រុងប្រយ័ត្ន ឬ«រឹតត្បិតខ្លួនឯង» ក្នុងការបញ្ចេញមតិជាសាធារណៈ ពិសេសនៅពេលនិយាយទៅកាន់ប្រព័ន្ធផ្សព្វផ្សាយ។ លោកសង្កត់ធ្ងន់ថា នៅក្នុងសង្គមប្រជាធិបតេយ្យ ដូចកម្ពុជា ប្រព័ន្ធផ្សព្វផ្សាយ និងសារព័ត៌មានដែលហ៊ានរាយការណ៍អំពីហេតុការណ៍នៅក្នុងសង្គមដោយពុំមានការភ័យខ្លាច ពុំមានការគំរាមកំហែង និងប្រកបដោយសុវត្ថិភាព គឺជាតម្រូវការចាំបាច់របស់ពលរដ្ឋ។ នៅពេលខ្វះការរាយការណ៍ព័ត៌មានស៊ីជម្រៅអំពីបញ្ហាសង្គម និងកិច្ចការងារប្រទេសជាតិ នោះនឹងពាល់ដល់ការសម្រេចចិត្ត និងសិទ្ធិទទួលបានព័ត៌មានរបស់ពលរដ្ឋម្ចាស់ឆ្នោត៕ (ខាន់ សុគុំមនោ, Hello VOA, ភ្នំពេញ, ទី២០ ខែមីនា ឆ្នាំ២០២៣)

29 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ