Hello VOA - វីអូអេ podcast - Page 5

July 17, 2023 Hello VOA៖ អ្នកជំនាញរំពឹងថា ការបោះឆ្នោតនេះ«ពិបាកទទួលយកបាន»ទាំងជាតិ និងអន្តរជាតិ - កក្កដា 18, 2023

លោក សេង សារី អ្នកស្រាវជ្រាវសង្គមកម្ពុជា បានមានប្រសាសន៍ថា ការបោះឆ្នោតនេះ ជាការបោះឆ្នោតដែល«ពិបាកទទួលយកបានមែនទែនទាំងជាតិនិងអន្តរជាតិ»។ លោកថ្លែងបន្ថែមថា ការបោះឆ្នោតនៅថ្ងៃអាទិត្យនេះ ជាការបោះឆ្នោតមួយដ៏ចម្លែកដែលគ្មានគូប្រកួតប្រជែងដ៏សាកសមជាមួយគណបក្សកាន់អំណាចបច្ចុប្បន្ន។ លោកប្រដូចការបោះឆ្នោតនេះទៅនឹងសង្វៀនកីឡាថា៖ «កីឡាករគីឡូធ្ងន់ កំពុងប៉ះជាមួយកីឡាករគ្មានគីឡូអីសោះ»។ លោកសង្កេតឃើញថា គណបក្សកាន់អំណាចហាក់ដូចជាកំពុងនាំកម្ពុជាទៅរកប្រព័ន្ធដឹកនាំបែបឯកបក្សតាមទម្រង់សង្គមនិយមទំនើប៕ (អ្នកនាង ខាន់ សុគុំមនោ, Hello VOA, ភ្នំពេញ, ១៧ កក្កដា ២០២៣)

22 min

July 13, 2023 Hello VOA៖ អ្នកតស៊ូមតិអំពាវនាវឲ្យអ្នកជំនួញចូលរួមថែរក្សាទ្រព្យសម្បត្តិធនធានធម្មជាតិ - កក្កដា 14, 2023

លោក ហេង គឹមហុង ប្រធានផ្នែកកម្មវិធីស្រាវជ្រាវ និងតស៊ូមតិនៃសមាគមបណ្តាញយុវជនកម្ពុជា ថ្លែងថា សម្បត្តិទ្រព្យសាធារណៈរបស់រដ្ឋ បានក្លាយជាគោលដៅនៃការរកស៊ីរបស់អ្នកមានលុយ និងអំណាច ដែលចង់បានជាប្រយោជន៍របស់ខ្លួន។ នៅក្នុងកម្មវិធី Hello VOA លោកបានអំពាវនាវឲ្យអ្នកជំនួញចូលរួមថែរក្សាទ្រព្យសម្បត្តិធនធានធម្មជាតិ ដើម្បីទុកឲ្យប្រជាពលរដ្ឋទូទៅអាចអាស្រ័យផលបាន៕ (ស៊ុន ណារិន, Hello VOA, ភ្នំពេញ, ១៣ កក្កដា ២០២៣)

25 min

July 10, 2023 Hello VOA សំឡេងជំនាន់ថ្មី៖ យុវជនគួរយល់ដឹងអំពីច្បាប់ស្តីពីសិទ្ធិដើម្បីទប់ស្កាត់ការរឹតត្បិតក្នុងរដូវបោះឆ្នោត - កក្កដា 10, 2023

ខណៈការបោះឆ្នោតជ្រើសតាំងតំណាងរាស្រ្តអាណត្តិទី៧ នឹងធ្វើឡើងនៅថ្ងៃទី២៣ ខែកក្កដា ឆ្នាំ២០២៣ នេះ ដោយមិនមានវត្តមានគណបក្សប្រឆាំងដ៏ចម្បង ក្រុមអ្នកឃ្លាំមើលសង្គមតែងលើកឡើងថា ប្រជាពលរដ្ឋ ជាពិសេសយុវជនរងការរឹតត្បិតសិទ្ធិពាក់ព័ន្ធនឹងការបោះឆ្នោត និងការទទួលបានព័ត៌មាន។ កញ្ញា ភឹង សោភា សកម្មជនកិច្ចព្រមព្រៀងសន្តិភាពទីក្រុងប៉ារីស ថ្លែងក្នុងកម្មវិធី Hello VOA សំឡេងជំនាន់ថ្មីថា យុវជនគួរព្យាយាមសិក្សា និងស្វែងយល់អំពីច្បាប់ពាក់ព័ន្ធនឹងរដ្ឋធម្មនុញ្ញ និងសិទ្ធិនានា ដើម្បីជៀសវាង និងទប់ស្កាត់ការរឹតត្បិតសិទ្ធិ នៅមុន អំឡុង និងក្រោយការបោះឆ្នោត៕ (អ្នកនាង កាន់ វិច្ឆិកា, Hello VOA, ភ្នំពេញ, ១០ កក្កដា ២០២៣)

29 min

June 23, 2023 Hello VOA៖ ពលករចំណាកស្រុកទៅក្រៅប្រទេសកាន់តែច្រើន សេដ្ឋកិច្ចកម្ពុជាកាន់តែមិនរឹងមាំ - មិថុនា 23, 2023

ពលករចំណាកស្រុកពីកម្ពុជាទៅធ្វើការនៅក្រៅប្រទេសដោយស្របច្បាប់ យ៉ាងហោចណាស់មានចំនួន ១លាន ៣សែននាក់ ដែលភាគច្រើនជាពលករគ្មានជំនាញ។ ពួកគេទាំងនោះបានផ្ញើប្រាក់ត្រឡប់មកផ្គត់ផ្គង់ក្រុមគ្រួសារនៅកម្ពុជា ប្រមាណជា ៣ ពាន់លានដុល្លារសហរដ្ឋអាមេរិកក្នុងមួយឆ្នាំ។ នេះបើយោងតាមរបាយការណ៍របស់ក្រសួងការងារនិងបណ្តុះបណ្តាលវិជ្ជាជីវៈ។ លោក ង៉ែត ជូ អ្នកជំនាញសេដ្ឋកិច្ច និងហិរញ្ញវត្ថុ ថ្លែងក្នុងកម្មវិធី Hello VOA ស្តីពីពលករចំណាកស្រុកថា ការបង្កើនការងារក្នុងស្រុកជាជម្រើសដ៏ល្អក្នុងការលើកស្ទួយសេដ្ឋកិច្ចកម្ពុជានាពេលអនាគត ខណៈការបន្តបញ្ជូនពលករគ្មានជំនាញទៅធ្វើការនៅក្រៅប្រទេស នឹងធ្វើឱ្យសេដ្ឋកិច្ចកម្ពុជានៅតែមិនរឹងមាំ៕ (អ្នកនាង កាន់ វិច្ឆិកា, ភ្នំពេញ, ២២ មិថុនា ២០២៣)

25 min

June 19, 2023 Hello VOA៖ អវត្តមានគណបក្សភ្លើងទៀនបង្ហាញអំពីភាពកំសោយលទ្ធិប្រជាធិបតេយ្យនៅកម្ពុជា - មិថុនា 19, 2023

លោក សុន ឆ័យ អនុប្រធានគណបក្សភ្លើងទៀន មានប្រសាសន៍ថា សភាពការណ៍នៅកម្ពុជា នាឆ្នាំ ២០២២ និងឆ្នាំ ២០២៣ នេះ ដែលគណបក្សលោកចូលរួមប្រកួតប្រជែងតាមលទ្ធិប្រជាធិបតេយ្យ គឺមានភាពលំបាកលំបិនជាងពេលណាៗទាំងអស់។ លោកយល់ថា អវត្តមានគណបក្សភ្លើងទៀន នៅក្នុងការបោះឆ្នោតជ្រើសរើសតំណាងរាស្ត្រសម្រាប់នីតិកាលទី ៧ នៅខែកក្កដាខាងមុខនេះ ជាការបង្ហាញអំពីភាពកំសោយនៃលទ្ធិប្រជាធិបតេយ្យនៅកម្ពុជា។ លោកបន្ថែមថា អ្វីដែលអាចនឹងប្រែប្រួលបាន គឺអាស្រ័យទៅលើគណបក្សភ្លើងទៀនខ្លួនឯងធ្វើការសម្របសម្រួលទៅតាមស្ថានការណ៍ និងធ្វើយ៉ាងណាឲ្យមានការយោគយល់កាន់តែច្រើនពីសំណាក់គណបក្សកាន់អំណាច ដើម្បីឱ្យគណបក្សជំទាស់នេះនៅតែបន្តការងាររបស់ខ្លួនជាតំណាងឱ្យប្រជាពលរដ្ឋ៕ (ខាន់ សុគុំមនោ, Hello VOA, ១៩ មិថុនា ២០២៣)

29 min

June 08, 2023 Hello VOA៖ សកម្មជនថា «ខ្ញុំមិនដែលបារម្ភទេ ប៉ុន្តែមិនមែនមានន័យថាខ្ញុំចង់ជាប់គុកទេ» - មិថុនា 09, 2023

លោក កើត សារ៉ាយ ប្រធានសមាគមសម្ពន្ធនិស្សិតបញ្ញវន្តខ្មែរ អះអាងថា រូបលោកផ្ទាល់ក្នុងនាមជាសកម្មជន ត្រូវអនុវត្តតាមច្បាប់របស់កម្ពុជា ដើម្បីធានាថាអ្វីដែលពួកគេតវ៉ាទាមទារ គឺត្រឹមត្រូវតាមច្បាប់។ ថ្លែងនៅក្នុងកម្មវិធី Hello VOA សកម្មជនរូបនេះបានលើកឡើងបន្ថែមថា ខណៈការរឹតត្បិតសិទ្ធិសេរីភាពក្នុងការតស៊ូមតិនិងតវ៉ាជាសាធារណៈនៅកម្ពុជាកំពុងបន្តកើតមានឡើង ជាពិសេសមុនពេលការបោះឆ្នោតជាតិអាណត្តិទី៧ ឈានមកដល់ លោក កើត សារ៉ាយ មិនព្រួយបារម្ភអំពីការចាប់ខ្លួនសាជាថ្មីឡើយ ប៉ុន្តែមិនមែនមានន័យថា លោកចង់ជាប់ពន្ធនាគារនោះទេ៕ (ស៊ុន ណារិន, Hello VOA, ភ្នំពេញ, ៨ មិថុនា ២០២៣)

26 min

June 05, 2023 Hello VOA ស្ត្រីនិងភាពជាអ្នកដឹកនាំ៖ ការសហការជាវិជ្ជមានរវាងស្រ្តីនិងបុរសធ្វើឱ្យការងារកាន់តែទទួលលទ្ធផលល្អប្រសើរ - មិថុនា 06, 2023

អ្នកស្រី ម៉ម ដាត្ថាលីណែត ជាស្ថាបនិក Cam Book Club និងជាអនុប្រធានទទួលបន្ទុកកិច្ចការផ្ទៃក្នុងនៃសមាគមសហគ្រិនស្រ្តីកម្ពុជា បានថ្លែងនៅក្នុងកម្មវិធី Hello VOA ថា ការគិតរបស់បុរស ខុសគ្នាពីការគិតរបស់ស្រ្តី។ ដូច្នេះនៅគ្រប់ស្ថាប័ន ការចូលរួមសហការជាវិជ្ជមានរបស់ស្រ្តីជាមួយនឹងបុរស មិនថាលើកិច្ចការអ្វីក៏ដោយ ពិតជាអាចនាំនូវលទ្ធផលការងារដែលទទួលបានមានតុល្យភាព និងគុណភាពប្រសើរ។ អ្នកស្រីបានបន្ថែមថា ចំណេះដឹង បទពិសោធន៍ ទំនាក់ទំនង ការតាំងចិត្តខ្ពស់ កុំខ្លាចនឿយហ៊ត់ មានជំនឿចិត្តលើខ្លួនឯង គឺជាកត្តាសំខាន់ដែលស្រ្តីគួរតែអភិវឌ្ឍន៍ខ្លួនបន្ថែម ដើម្បីទទួលបានការដឹកនាំក្នុងស្ថាប័ននិងតួនាទីរបស់ខ្លួន៕ (ធីតា វីន, Hello VOA, ភ្នំពេញ, ៥ មិថុនា ២០២៣)

24 min

May 29, 2023 Hello VOA៖ អ្នកតស៊ូមតិស្នើដំឡើងពន្ធស្រាបៀ និងពន្លឿនច្បាប់គ្រឿងស្រវឹង - ឧសភា 29, 2023

អង្គការសង្គមស៊ីវិលមួយដែលតាមដានលើវិស័យគ្រឿងស្រវឹងក្នុងប្រទេសកម្ពុជាកំពុងប្រមូលស្នាមមេដៃរបស់ប្រជាពលរដ្ឋនៅតាមបណ្តាខេត្តមួយចំនួន ក្នុងគោលបំណងដើម្បីស្នើទៅរដ្ឋាភិបាលដំឡើងពន្ធស្រាបៀ និងគ្រឿងស្រវឹងផ្សេងៗ ហើយពន្លឿនដំណើរការអនុម័តសេចក្តីព្រាងច្បាប់ស្តីពីគ្រឿងស្រវឹងសម្រាប់ប្រទេសកម្ពុជា ដែលត្រូវបានពន្យារពេលជាយូរមកហើយ។ ការដំឡើងពន្ធលើស្រាបៀ និងគ្រឿងស្រវឹងនេះ ត្រូវបានមើលឃើញថា នឹងអាចកាត់បន្ថយគ្រោះថ្នាក់ដែលកើតឡើងពីការសេពគ្រឿងស្រវឹង។ លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍនិងសន្តិភាព ថ្លែងថា៖ «ការដំឡើងពន្ធនេះ វាជាគោលនយោបាយឈ្នះៗដែរ រដ្ឋក៏បានចំណូលពន្ធច្រើន ហើយបញ្ហាសុខភាពក៏ត្រូវបានលើកកម្ពស់ ការកាត់បន្ថយគ្រោះថ្នាក់ផ្សេងៗដោយសារគ្រឿងស្រវឹងក៏ត្រូវបានកាត់បន្ថយ»៕ (លោក ស៊ុន ណារិន, Hello VOA, ភ្នំពេញ, ទី២៩ ខែឧសភា ឆ្នាំ២០២៣)

25 min

May 25, 2023 Hello VOA៖ កុមាររស់នៅឆ្ងាយពីឪពុកម្តាយដែលធ្វើចំណាកស្រុកកាន់តែច្រើន ការអភិវឌ្ឍសង្គមកាន់តែប៉ះពាល់ - ឧសភា 25, 2023

ការធ្វើចំណាកស្រុកទៅរកការងារធ្វើទាំងក្នុង និងក្រៅប្រទេស បានក្លាយចលករដ៏សំខាន់សម្រាប់ការអភិវឌ្ឍសេដ្ឋកិច្ច និងកាត់បន្ថយភាពក្រីក្រ។ ក៏ប៉ុន្តែអ្នកធ្វើចំណាកស្រុកជាច្រើននាក់យល់ដឹងតិចតួចនៅឡើយអំពីផលប៉ះពាល់ផ្នែកសុខភាព និងសង្គមលើពលករចំណាកស្រុក និងក្រុមគ្រួសាររបស់ពួកគេ ជាពិសេសកូនៗរបស់ពួកគេ។ នៅក្នុងកម្មវិធី Hello VOA ស្តីអំពីចំណាកស្រុក អ្នកស្រី ឌុំ ច័ន្ទធីតា មន្ត្រីកម្មវិធីថ្នាក់ជាតិទទួលបន្ទុកសុខភាពនៃអង្គការអន្តរជាតិទេសន្តរប្រវេសន៍ ហៅកាត់ថា IOM ថ្លែងថា ការអភិវឌ្ឍសង្គមនឹងរងផលប៉ះពាល់ ប្រសិនបើកុមារកាន់តែច្រើនត្រូវរស់នៅឆ្ងាយពីឪពុកម្តាយដែលធ្វើចំណាកស្រុក៕ (កាន់ វិច្ឆិកា, ភ្នំពេញ, ២៥ ឧសភា ២០២៣)

30 min

May 15, 2023 Hello VOA៖ អ្នកនយោបាយគណបក្សភ្លើងទៀនសង្ឃឹមឈ្នះអាសនៈសភាសម្រាប់មណ្ឌលខេត្តបាត់ដំបង - ឧសភា 15, 2023

គណបក្សភ្លើងទៀន ដែលជាគណបក្សជំទាស់ដ៏ធំមួយ បានរៀបចំបញ្ជីឈ្មោះបេក្ខជន ដែលនឹងឈរឈ្មោះក្នុងការបោះឆ្នោតតំណាងរាស្រ្តនាខែកក្កដាខាងមុខនេះ។ លោក ភូ សុវណ្ណថា ប្រធានប្រតិបត្តិប្រចាំខេត្តបាត់ដំបងរបស់គណបក្សភ្លើងទៀន ក៏បានសម្រេចឈរឈ្មោះសម្រាប់ការបោះឆ្នោតខាងមុខនេះ។ នៅក្នុងកម្មវិធី Hello VOA ស្តីអំពីការបោះឆ្នោត លោក ភូ សុវណ្ណថា ជំរុញឱ្យអាជ្ញាធរអនុញ្ញាតគណបក្សភ្លើងទៀនមានលទ្ធភាពគ្រប់គ្រាន់ក្នុងការធ្វើយុទ្ធនាការរកសំឡេងឆ្នោត ដោយស្មើមុខស្មើមាត់ជាមួយគណបក្សដទៃទៀត៕ (ស៊ុន ណារិន, Hello VOA, ភ្នំពេញ,១៥ ឧសភា ២០២៣)

26 min

Share Hello VOA - វីអូអេ

Sign up to save your podcasts

Hello VOA - វីអូអេ

Hello VOA - វីអូអេ episodes

About Hello VOA - វីអូអេ