Il concert legendar dals 28 da matg 1995

En la segunda part da l'Artg udis in concert dal chor viril Ligia Grischa, accumpagnà da la Südwestdeutsche Philharmonie da Constanza, da las solistas Letizia Scherrer e Maria Riccarda Wesseling e dal solist Alvin Muoth. 

La baselgia claustrala a Mustér: Là è stà ils 28 da matg 1995 in concert che ha procurà per blera attenziun. Registrà quest concert aveva l'anteriur producent da musica da RTR, Giusep Giuanin Decurtins, ed el l‘aveva descrit sco legendar. Pervi da l'atmosfera ed er pervi da interpretas ed interprets, per buna part rumantschas e rumantschs. Els ed ellas han preschentà ovras da Wolfgang Amadeus Mozart, e «Fidonza» dal cumponist lumnezian Gion Giusep Derungs che po festegiar bainbaud ses 90avel.