Informativos

"Un río, dous países, dez experiencias" é o programa promovido polo AECT Rio Minho no marco do marco do proxecto VISIT_RIO_MINHO_PLUS. Comeza xa esta fin de semana con dúas rutas: “Fortalezas Atlánticas” e “Fortalezas do Minho”.

O programa foi presentado este mediodía no Museo do Viño en Salvaterra. Roberto Álvarez Carrero, subdirector do AECT Rio Minho, explicou as características da iniciativa.

Tui volverá vivir hoxe venres a emoción do Mundial de fútbol na praza da Inmaculada. O Concello de Tui volve instalar unha pantalla xigante, de maiores dimensións que a colocada no partido contra Portugal, para desfrutar do encontro de España e Bélxica hoxe venres ás 21 h.

O concelleiro de Deportes, Rafael Estévez, explicaba hoxe esta actividade, que contará amais con dj e gastronomía dende as 19 h.

Estas son as principais novas que hoxe recollemos en Noticias 13.30 h:

- O Concello de Tui denuncia os actos vandálicos rexistrados no paseo fluvial e nunha árbore da rúa Lugo

- O IKFEM Festival Tui-Valença comezará nunha semana cun concerto de Woyza e Emile Curl na praza da Inmaculada de Tui. O sábado celebrará a Ponte Creativa na vella Ponte Internacional

- Tude, o Museo Catedralicio Diocesao organiza un obradoiro de fotografía baixo o título de “Tres olladas á Catedral de Tui: Arquitectura, emoción e narración”

- A praza de Frómista acolle mañá a proxección de "Rondallas"

- A XXXIII Festa do Polbo á Feira de Baldráns agarda servir 1000 racións

- Pesegueiro abre as festas con porco ao espero e pantalla para ver o partido de España no Mundial

- Aberta a inscrición para o Descenso Popular do Miño que se vai celebrar o sábado 15 de agosto

Estas son as principais novas que hoxe recollemos en Noticias 13.30 h

- A visita á intervención arqueolóxica da praza do Pracer espertou gran interese por coñece os restos romanos atopados

- A nova iluminación da Catedral de Tui resalta o templo na escala próxima e tamén na paisaxe

- Galicia Suroeste achega a historia de 8 persoas e empresas na nova campaña Parte de Tí

- Fóra de servizo temporalmente o Centro de Compostaxe Comunitario na rúa Ourense

- Este venres proxéctase Rondallas na praza de Frómista

- Semana Cultural en Ribadelouro e festas en Baldráns e Pexegueiro esta fin de semana

- Obradoiro de esgrima antiga no Espazo Xove de Tui

- As Barferencias do proxecto Fortalezas de Fronteira chegan este venres ao Mercado de San Antonio en Tui

- Cinco deportistas do Kaiak Tudense concentrados para o Campionato de Europa tras os bos resultados no Mundial con 3 medallas de bronce

- O Remo do Miño 4º no medalleiro no Campionato de España de remo olímpico alevín, infantil, e veterano

O Xeodestino Galicia Suroeste ten xa en marcha a sétima campaña Parte de tí. Trátase dunha iniciativa que sensibiliza, conciencia e informa sobre as historias das persoas que están detrás dos servizos e productos que hai na nosa contorna. Onte en Mos presentábase esta nova campaña da que hoxe falamos con Sandra González, alcaldesa de Tomiño, e presidenta de Galicia Suroeste.

O primeiro dos 8 protagonistas deste ano é Ricardo García, de Aica Cerámica, de Mos.

Estas son as principais novas que hoxe recollemos en Noticias 13.30 h:

- Unha visita á intervención arqueolóxica da praza do Pracer abre hoxe o programa Coñece o Noso Patrimonio

- Este xoves preséntase o XIV IKFEM Festival Tui-Valença

- Esta tarde preséntase a campaña Parte de Tí do xeodestino Galicia Suroeste

- Tui ten conexión directa a praia América. O autobús sae ás 12 h da rúa Ourense e regresa ás 19 h

- Caldelas celebra o sábado 18 a súa Festa de Verán

- Centos de persoas seguiron na praza da Inmaculada o partido Portugal - España

O investigador posdoutoral da Universidade do País Vasco Gorka Martín Echevarría, abriu onte as barferencias do proxecto Fortalezas de Fronteiza abordando "Detectores e arqueoloxía: o que non se pode facer". Na Radio Municipal de Tui afondou neste tema.

Estas Barferencias chegarán este venres, ás 20.30 horas, a Al Dente, no mercado de San Antonio de Tui. Rebeca Blanco-Rotea impartirá a charla “Descubrindo a paisaxe fortificada da fronteira: unha mirada sobre Tui”, e Tiago Rodrigues abordará a metodoloxía de lectura da paisaxe fortificada no val do río Miño.

Hoxe martes ás 20.30 h comeza unha nova edición de 'Coñece o noso patrimonio' coa primeira das visitas gratuítas programadas. Será á intervención arqueolóxica da praza do Pracer. Esta visita estará dirixida por Soledad Prieto Robles e Juan José Perles Fontao, arqueólogos responsables desta intervención.

Juan José Perles presentou hoxe na nosa sintonía a importancia desta visita.

Estas son as novas que recollemos en Noticias 13.30 h desde luns, 6 de xullo de 2026

A emoción do Mundial de fútbol vivirase hoxe na rúa en Tui. O Concello de Tui instala unha pantalla xigante para ver o partido que van xogar Portugal-España ás 21 h. Encontro especial neste territorio transfronteirizo tal e coma explicaba o concelleiro de Deportes de Tui, Rafael Estévez. A animación comezará xa antes do partido cun dj, e con gastronomía da man de Manu Garrido, que recadará fondos para sufragar a viaxe a Arxentina para participar no Campionato do Mundo de Maratón.