Neste mércores, 29 de abril, estas son as principais novas que recollemos en Noticias 13.30 h:

- O Xulgado de Instancia nº3 de Tui arquivou provisionalmente a denuncia contra o alcalde de Tui por indicios dun posible delito de acoso . Asi llo comunicou hoxe ao propio rexedor tudense, quen onte reuniu á xunta de portavoces

- O PP de Tui emitiu un comunicado tras a xunta de portavoces de onte no que insiste en pedir prudencia e respecto

- O Concello de Tui sacará a licitación a obra de rehabilitación do baluarte Ángulo dos Demos, tras o informe favorable de Patrimonio

- ORPAGU amplía a 5 mil toneladas a capacidade da súa nave frigorífica no Parque Empresarial de Areas

- Cinema, música e a estrea de Ursúas abre a XXII edición de Play Doc

- O Tyde FC recibirá esta tarde na Coruña a Distinción ao Mérito Deportivo de Galicia de 2025

- Remo do Miño e Remo Tui participan esta fin de semana no Campionato de España Absoluto

O Club Remo do Miño foi primeiro por clubs esta fin de semana no Campionato Galego de Remo con 5 medallas de ouro, 2 prazas e 2 de bronce. O presidente do Remo do Miño, Manuel Ángel González, amosou a súa satisfacción por este resultado destacando a victoria do 8 absoluto xa que a embarcación estivo formada por remeiros junior.

Ademais, esta fin de semana desprazaranse a Legutiano para competir no Campionato de España Absoluto con catro embarcacións.

O Tyde FC recibirá mañá na Coruña a Distinción ao Mérito Deportivo de Galicia de 2025. O presidente do Tyde, David Domínguez, destacaba que para o club é unha honra e un orgullo, sinalando que é un recoñecemento aos cen anos do club. Tamén se referiu á exposición conmemorativa deste centenario que se pode visitar na Sala Municipal no edificio Francisco Sánchez.

Estas son as principais que hoxe, martes 28 de abril, recollemos en Noticias 13.30 h:

- Cortada ao tráfico rodado por obras de mellora do saneamento a rúa Bispo Maceira

- Vinte persoas formaranse no Obradoiro Dual de Emprego Senda Río Miño Tramo San Martiño

- Conta atrás para a inauguración do XXII Play Doc que converte a Tui na capital do cinema

- A Cámara de Comercio de Tui participou en Santander no VI Foro de ARCHAM

- O Cineclub Tui proxecta hoxe 'Buena Vista Social Club' de Wim Wenders

- O Tyde FC recibe mañá á Medalla ao Mérito Deportivo de Galicia

- O Club Xadrez Tui ascenda a preferente tras proclamarse campión da Liga Galega por equipos de 1ª División

...

Vinte persoas se formarán no Obradoiro Dual de Emprego Senda Río Miño Tramo San Martiño que o Concello de Tui ten previsto comezar o 1 de xuño. Contará con dúas especialidades Actividades auxiliares en conservación e mellora de montes e Traballos de carpintería e moble. Executará a senda fluvial dende a vella Ponte Internacional até o límite co termo municipal de Tomiño na parroquia de Areas.

A concelleira de Formación e Emprego do Concello de Tui, Ana Núñez, así o detallou esta mañá. Pódese ampliar a información no Centro Municipal de Formación, e as persoas interesadas deben inscribirse na Oficina de Emprego.

Neste luns, 27 de abril, estas son as principais novas que recollemos en Noticias 13.30 h:

- O proxecto Integrasaúde impulsa a investigación sanitaria transfronteiriza entre Galicia e o Norte de Portugal

- O PP esixe a comparecencia urxente en pleno do alcalde de Tui

- Este mércores ás 20.30 h inaugúrase a viséximo segunda edición de Play Doc

- O cineasta afincado en Tui Roi Rodríguez estrea este mércores ás 22.30 h en Play Doc Ursúas

- Tui en letras propón dezasete actividades nos meses de maio e xuño

- Tui, A Guarda, O Rosal e Oia, no circuíto “Cultura no Camiño”

- Este venres celébrase a XXIII Romaría Os Nosos Fariñeiros

- O Remo Miño campión galego con 5 ouros, 2 pratas e 2 bronces. O Remo Tui logrou 2 pratas e 1 bronce

Neste venres, 24 de abril, estas son as principais novas que recollemos en Noticias 13.30 h:

- O alcalde de Tui afirma que nestes momentos non hai ningunha dilixencia cara el en calidade de investigado

- Os IES tudenses San Paio e Indalecio Pérez entre o centenar de centros educativos que participaron hoxe na xornada de radio Ponte nas Ondas

- Concertos de Enrique Martín-Laguna e Loreto Aramendi no ciclo de órgano 8CentosPes na Catedral de Tui

- Novo equipamento informático, mobiliario e un buzón para a devolución de libros as 24 h entre as melloras da Biblioteca Municipal de Tui

- Dezasete actividades conforman a programación de Tui en Letras

- Manifestación contra a guerrra en Gaza mañá na praza da Inmaculada

- Doazón de Sangue hoxe e mañá en Tui

- Citas en Areas, Baldráns e Rebordáns esta fin de semana

- Deportes

Hoxe venres, ás 20 h, Enrique Martín-Laguna, organista titular da Catedral de Xetafe, ofrecerá un concerto na Catedral de Tui, dentro do ciclo 8CentosPes. Avanzounos o programa que vai interpretar, e detallou as diferencias entre o órgano de Xetafe e o tudense.

Estas son as principais novas que hoxe recollemos en Noticias 13.30 h:

- Tui avanzará coa senda do Miño en Areas co novo obradoiro de emprego

- Play Doc converterá, un ano máis, a Tui na capital do cinema do 29 de abril ao 3 de maio

- A Radio Municipal de Tui súmase mañá á Xornada Radiovisual Interescolar de Ponte nas Ondas cun especial dende Agrupamento de Escolas Muralhas do Minho en Valença

- O venres 1 de maio celebrarase a XXIII Romaría "Os nosos fariñeiros. Burros e Muíños"

- A unidade móbil de doazón de sangue de ADOS, a Axencia de Doazón de Órganos e Sangue de Galicia, estará mañá e o sábado en Tui.

- Abertas as inscricións para o Gran Premio Pumptruck Eurocidade Tui-Valença que se vai celebrar o domingo 10 de maio no Pumtruck de Valença.

Neste mércores, 22 de abril, estas son as principais novas que recollemos ne Noticias 13.30 h:

- Tui contará cun novo obradoiro de emprego

- O cinema galego estará moi presente en Play Doc 2026

- Carlos Fernández Bollo, organista titular da Catedral de León, abre hoxe ás 20 h na Catedral o ciclo 8CentosPes

- O tudense Víctor Coyote recibirá o Chimpín de Prata no Festival de Cans

- Completas as prazas para andaina da Eurocidade polo río Furnia este domingo

- Citas esta fin de semana en Rebordáns, Baldráns e Areas

-...