Paso dado cara o mantemento da praza de Traballo Social na Unidade de Saúde Mental do centro de saúde de Tui. Con carácter inmediato, esta profesional manterá a actividade dous días á semana: martes e xoves.

Deu os detalles Conchi Martínez, da Plataforma en Defensa da Sanidade Pública de Tui, e incidía en que esta traballadora social presta atención aos concellos de Tui, Tomiño, A Guarda, O Rosal, Oia e Salceda de Caselas.

Estas son as principais novas que recollemos en Noticias 13.30 h:

- A corporación municipal de Tui aprobou o Plan Municipal da Infancia e da Adolescencia e dous recoñecementos de crédito de máis de medio millón de euros

- O Concello de Tui solicitará ao Ministerio de Cultura a declaración de acontecimento de excepcional interese público para o oitavo centenario da consagración da Catedral

- A traballadora social da Unidade de Saúde Mental do centro de saúde de Tui manterá a súa actividade laboral dous días á semana

- Mañá comeza o congreso EDUCODS no Paseo da Corredoira

- Dobre proxección esta semana do Cineclub Tui cos filmes "Adeus rapaces" e "Proxecto Nim"

- Información deportiva

A Plataforma en Defensa da Sanidade Pública de Tui reclama que non sexa suprimida a praza de Traballo Social, na Unidade de Saúde Mental do Centro de Saúde de Tui, na que se presta atención aos concellos de Tui, Tomiño, A Guarda, O Rosal, Oia e Salceda de Caselas.

Así o explicaba hoxe Conchi Martínez da Plataforma en Defensa da Sanidade Pública de Tui, quen explicaba que hoxe é o último día no centro tudense da persoa que ocupaba até o de agora a praza. Tamén deu conta de como está o Centro de Saúde ante a chegada do verán.

Con Enrique Cabaleiro, alcalde de Tui e voceiro do PSOE, pechamos hoxe a rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais.

Estas son as principais novas que recollemos en Noticias 13.30 h:

- Dezaoito puntos conforman a orde do día do pleno que hoxe, ás 20 h, celebra a corporación municipal de Tui

- Nico Montes, voceiro do Partido Popular,valora os dous anos transcorridos do actual mandato

- Protección Civil de Tui recibirá a medalla ao mérito na categoría de prata pola participación no continxente galego desprazado a Valencia tras a DINA

- 21 centros educativos participan a próxima semana en Tui no congreso EducODS

- Os Trastornos da Conducta Alimentaria centran a primeira charla hoxe das Xornadas Educativas organizadas polas ANPA’s de Tui

- A percusión protagonista hoxe do concerto de fin de Grao no Conservatorio tudense

- O campo Álvarez Durán acolle esta fin de semana a Amura Galician Rising Stars Cup

Baixo o título "As comunidades de montes fronte aos grandes incendios forestais", FIREPOCTEP+ organiza no Auditorio de Goián unha xornada, o sábado a partir das 9.30 horas na que analizará o papel fundamental das comunidades de montes na prevención de incendios, entre outras cuestións. Así nolo contou hoxe Juan Picós, coordinador de FIREPOCTEP+.

Hoxe continuamos coa rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais, con Nico Montes, voceiro do PP.

Estas son as principais novas que recollemos en Noticias 13.30 h:

- Mañá ás 20 h terá lugar o pleno ordinario da corporación municipal de Tui con 18 puntos na orde do día

- Un veciño de Tui, de 70 anos, faleceu onte á tarde no Paseo da Corredoira

- Carmen Núñez, voceira do BNG, valora os dous anos transcorridos do actual mandato municipal tras as eleccións celebradas o 28 de maio de 2023

- As IV Xornadas Educativas organizadas polas ANPAS de Tui inaugúranse mañá ás 19 h cunha charla sobre prevención de TCA

- Hoxe comeza o curso "Da perda á esperanza" na Aula da UNED

- O Club Naútico San Telmo de Tui organiza un campamento de verán do 30 de xuño ao 14 de xullo

- Mañá preséntase o II Amura Galician Rising Stars Cup no Álvarez Durán

Hoxe proseguimos coa rolda de conversas cos representantes da corporación municipal de Tui, con motivo dos dous anos dende que se celebraron as eleccións municipais, con Carmen Núñez, voceira do BNG.

Estas son as principais novas que recollemos en Noticias 13.30 h:

- 18 puntos conforman a orde do día do pleno ordinario que este xoves celebra a corporación municipal de Tui

- José Palacín, concelleiro non adscrito en Tui, fai balance dous anos de mandato tras as eleccións municipais de 2023.

- A tudense Eva é unha das 30 integrantes no Consello Autonómico de Infancia e Adolescencia

- Xornada de Portas Abertas e Campamento de Verán na Escola da Banda de Música de Tui

- O tudense Alfonso Ferreira vén de realizar parte do Camiño Jeju Olle en Corea do Sul.

- Charla sobre acoso escolar, contacontos, concerto de fin de grao, e cinema citas para hoxe en Tui

- Sara Tui campioa da Women's Euro Beach Soccer League, coa selección española