A actualidade deste venres, 2 de marzo de 2018, en Noticias 13.30h

A actualidade desta primeira xornada de marzo en Noticias 13.30h

Esta mañá a Xunta fixo entrega de materiais por valor de máis de 4 mil euros no CEIP Nº2 de Tui. Trátase principalmente de mobiliario para o novo comedor do centro, pero tamén están incluídos elementos como mesas de lectura ou material para a aula infantil e a de psicomotricidade.

A entrega contou coa presenza do xefe territorial de Educación en Pontevedra, Cesar Pérez Ares, e da concelleira de Educación, Milagros González

Na reunión que onte celebrou o Padroado Municipal do Monte Santa Trega foron aprobados os orzamentos desta entidade para 2018 que ascenden a 200 mil euros. Tamén se aprobou a modificación das taxas de acceso ao monte que pasarán a contemplar o pago tamén para os vehículos. Previa a súa entrada en vigo terá que continuar a tramitación xa no concello onde terán que dar a aprobación definitiva as taxas. Así o explicaba o alcalde da Guarda, e presidente do Padroado, Antonio Lomba

A actualidade deste mércores, 28 de febreiro de 2018, en Noticias 13.30h

Este mediodía Levada Libre presentou no Liceo Casino de Tui as actividades previstas durante as vindeiras dúas semanas como parte da súa iniciativa de Días da Memoria.

Trátase de propostas que xirarán arredor dun acto central no que se reinaugurará o monumento aos falecidos na Volta da Moura e para o que contan co apoio dos Concellos de Salceda de Caselas, O Porriño e Tui.

A actualidade deste martes, 27 de febreiro de 2018, en Noticias 13.30h

As votacións para escoller as tres actividades que Tomiño e Cerveira realizarán de xeito conxunto durante este 2018 ao abeiro do Orzamento Participativo Transfronteirizo contaron cun grande éxito de participación, chegando a rexistrarse preto de 2.000 votos e multiplicando por 10 a participación do ano pasado. Sandra González, alcaldesa de Tomiño, facía un bo balance.

Máis dunha década levan os veciños de Guillarei reclamando a construción dunha rotonda na Po-404 cara a Veiga do Louro en Guillarei. Esta vella reivindicación será unha realidade a finais deste ano segundo expuxo hoxe no lugar o delegado territorial da Xunta en Pontevedra, José Manuel Cores Tourís, cun investimento de máis de 316 mil euros,

A actualidade deste luns, 26 de febreiro, en Noticias 13.30h