A actualidade informativa de Tui e O Baixo Miño en #Noticias1330 da Radio Municipal de Tui, hoxe coa presentación da Axenda de Nadal en Tui, a entrevista co voceiro do PP de Tui e a axenda cultural e de ocio para toda a fin de semana. Ademais, tódolos encontros deportivos dos clubs do Baixo Miño.

O goberno municipal xa ten redactados os orzamentos cara o 2017 que prevé aprobar esta fin de semana. En total, ascenden a 3.008.609,84 € son 55.000€ máis que o ano pasado prevense mais ingresos polas actividades que se fan polos departamentos de Xuventude e pola Revisión Catastral. Supón un gasto medio por habitante de 469€. O alcalde do Rosal, Jesús María Portela destaca o seu carácter "realista, en prazo e sen incorrer en débeda".

A actualidade informativa de Tui e O Baixo Miño en #Noticias1330 da Radio Municipal de Tui

O Concello de Tomiño está xa a traballar nos orzamentos de cara ao vindeiro ano co obxectivo de aprobalos na última semana de decembro. A rexedora local, Sandra González, lamenta porén que os concellos non conten coa suficiente capacidade económica para facer fronte a tódolos gastos e servizos que se lles encomenda.

Salceda non contará con novos orzamentos polo menos até a primavera e, polo tanto, prorrogará os actuais. Eses son os prazos cos que traballa o goberno de Movemento Salceda segundo adiantou o rexedor salcendese, Marcos Besada. O goberno abrirá agora un período de diálogo coa oposición coa liña de meta marcada en primavera.

O que acontece en Tui e no Baixo Miño recollémolo nos informativos da Radio Municipal.

A actualidade do día en Noticias 13.30h na Radio Municipal.

Os orzamento do Concello de Oia para 2017 serán levados a pleno a finais do mes de decembro. Así o explicou a alcaldesa Cristina Correa, quen sinalou que aínda que a súa intención era poder levalos para a aprobación en novembro, non deu tempo a completar toda a documentación de informes precisos. Tamén están pendentes do importe do Plan Concellos da Deputación.

O importe do orzamento subirá lixeiramente con respecto ao de 2016, e roldará o 1.450.000 €. e no mesmo habilitarán unha partida para incluír o servizo do Plan Madruga no colexio Mestre Manuel García, dando resposta así a solicitude feita polos pais.

As principais partidas segundo a rexedora será destinas a obras de reparación, subministro de material, e mantemento das depuradoras, a penas haberá investimento que se canalizará a través de achegas doutras administracións.

A intención do goberno da Guarda é a de poder aprobar os orzamentos para o exercicio 2017 no vindeiro mes de decembro, segundo adiantou á Radio Municipal de Tui o alcalde Antonio Lomba. De aprobarse, serán uns orzamentos similares aos deste ano nos que non se poderá subir o gasto.

O Partido Popular de Tui celebrará congreso local en xaneiro de 2017, segundo confirmou o presidente da xestora Moisés Rodríguez. O obxectivo será elixir novo presidente do partido dunha lista de consenso e traballar de cara ás eleccións municipais de 2019.