110 parellas participaron no III Trofeo de Baile Deportivo da Eurocidade que tivo lugar este pasado fin de semana en Tui. No Open Estándar Youth e adulto, no que os participantes bailaban vals inglés e tango, a parella vencedora foi a de Ricardo Duarte e Ines Mendes. Namentres que en latino, con samba e jive, Pedro Martins e Yulyia Kozhushanova foron os vencedores.

A actualidade deste luns, 21 de novembro, e os resultados deportivos da fin de semana en Noticias 13.30h

O alcalde de Tui Enrique Cabaleiro, reuniuse esta mañá co presidente da CHMS, Francisco Marín, para tratar de retomar o convenio entre ambas administracións para construír unha ponte sobre o río Louro orzamentada en 116 mil euros e financiada ao 50% por ambas entidades. Enrique Cabaleiro amosou a súa satisfacción pola vontade amosada por Francisco Marín en retomar o convenio unha vez o concello poña os terreos a disposición para a execución da obra, tema no que se traballa dende o consistorio tudense.

A actualidade do día, as citas da fin de semana e o deporte en Noticias 13.30h

A actualidade deste xoves, 17 de novembro, recollémola na RMT

A valedora do pobo, Milagros Otero Parga, chamou a atención sobre a necesidade de reforzar a vixilancia dos botellóns que se están a rexistrar na comunidade nas últimas semanas e sobre todo sobre a presenza de menores nestas concentracións.

A institución do Valedor do Pobo cre necesario reforzar, por outra banda, o control, a vixilancia e a supervisión por parte das autoridades nas concentracións con motivo dos botellóns que rexurdiron nas últimas semanas en moitos puntos da comunidade.

Esta mañá presentouse o III Trofeo de Baile Deportivo da Eurocidade que nesta ocasión celebrarase este domingo de 12.00 da mañá a 20.00 da tarde no Pavillón Municipal de Tui. O acto estivo encabezado polo concelleiro da Eurocidade, Miguel Capón, quen valorou positivamente esta proba dentro do calendario de eventos comúns entre Tui e Valença. Amais, estiveron presentes os concelleiros de deportes de Tui e Valença e o director da proba.

O que acontece en Tu e no Baixo Miño está presente nos informativos da Radio Municipal de Tui

Antón Alonso Ríos terá a súa homenaxe en Tomiño ao ser escollido como o nome oficial do único instituto do municipio. A elección de Antón Alonso Ríos foi apoiada por un total de 1026 votos, o 36% do total de votos emitidos. A defensora das mulleres e dos movementos do campesiñado Isaura Gómez, foi o segundo nome máis votado, con967 votos (34%). A terceira candidatura, omantemento da súa actual denominación IES de Tomiño, foi votada por 825 persoas (29%).

O alcalde de Tui, Enrique Cabaleiro, e a xefa provincial de Costas, Cristina de Paz, visitaron este mediodía a senda peonil construída á beira do Miño entre o Centro Interfederado, na rúa Olímpicos Tudenses, e a vella Ponte Internacional. Unha actúa que a solicitude do goberno municipal foi executada pola Dirección Provincial de Costas, motivo polo que o alcalde quixo agradecer hoxe a Cristina de Paz a súa colaboración.