A actualidade deste martes, 15 de novembro, de Tui e do Baixo Miño en Noticias 13.30h

Un total de 11 deportistas da federación coreana de piragüismo atópanse estes días en Tui para adestrar xunto aos membros do Kaiak Tudense. Os atletas da categoría junior estarán na cidade até o vindeiro venres 18 de novembro. No mes de decembro, entre os días 2 e o 15, sumaranse outros dez da mesma federación Danos conta desta visita un dos adestradores do Club Kaiak Tudense, Manuel Pedrares.

O Concello de Tui celebrará o venres 25 deste mes no Teatro Municipal de Tui a Gala do Deportes Tudense, na que recoñecerá aos deportistas e clubs tudenses polo seu traballo e esforzo.

O concelleiro de Deportes de Tui, Laureano Alonso, avanzaba cómo será esta gala cuxo obxectivo é ser a festa do deportes tudense.

A actualidade destacada deste luns, 14 de novembro, e o mundo do deporte na RMT

A actualidade deste venres e as citas da fin de semana en Noticias 13.30h

A actualidade deste xoves, 10 de novembro, na Radio Municipal de Tui

O Nadal chegará á Guarda o venres, 9 de decembro. Esa será a data na que o concello acenderá o alumeado de Nadal. Este ano o concello decorará gran parte do centro urbano, nomeadamente en Concepción Arenal, Manuel Álvarez, a zona do Porto ou a Praza do Reló.

A actualidade de Tui e do Baixo Miño en Noticias 13.30h. Estes son parte dos titulares de hoxe:

- Feijóo anuncia no discurso de investidura o novo edificio xudicial de Tui e o enlace de Areas da VAP Tui-A Guarda

- Tui duplicou o número de turistas e peregrinos que pasaron pola Oficina Municipal de Turismo con respecto a 2015

- Coñecer as prioridades do conxunto histórico tudense, paso previo para constituir unha asociación nesa zona da cidade

- A Guarda acenderá o alumeado de Nadal o 9 de decembro

- Hoxe, charla de compostaxe comunitaria en Goián

- O tomiñes Brais Pereira, ouro no Torneo Internacional de Judo de Avilés

...

Coñecer cales son as prioridades ou os principais problemas do Conxunto Histórico é o obxectivo da enquisa porta a porta que están a realizar os promotores da Asociación desta zona da cidade. Deste xeito buscar recadar cales son os problemas que preocupan aos veciños, así coma contar tamén cun censo dos que viven na zona vella da cidade. Suso Carrera, un dos promotores así o explicou en declaracións á Radio Municipal de Tui.

Cinco veciños comezaron onte o reparto da enquisa a todos os habitantes de intramuros. A final desta semana recollerán as respostas, e a próxima semana valorarán os resultadas para comezar a traballar.

Nos últimos seis meses, entre maio e outubro, 49.500 turistas e peregrinos pasaron pola Oficina Municipal de Turismo demandando información. Son o dobre que as rexistradas nas mesmas datas de 2015.

Dende o Concello de Tui o concelleiro de Turismo, Laureano Alonso, valouro de forma moi positiva estes datos. Anticipou tamén os plans neste eido para 2017.