A actualidade deste xoves, 3 de novembro nos informativos da Radio Municipal de Tui

Envases de plástico, envases metálicos e brics van ao amarelo. Envases de cartón e papel, ao azul, e vidro, botellas e tarros sen tapa, ao verde. Pero para os que teñan aínda dúbidas, a monitora debulla os nosos erros máis comúns.

Tui viviu o mellor mes de outubro con respecto ao numero de peregrinos que saíron da cidade dos últimos 6 anos. En total, 1.022 persoas saíron da nosa cidade para realizar o Camiño de Santiago até Compostela. Xunto con Valença, que foi punto de partida de 572 camiñante, a Eurocidade situase como o cuarto punto de saída mais escollido polos peregrinos, por detrás de Porto, S. Jean P. Port e Sarria, que ocupa a primeira posición.

Deste xeito, Tui foi punto de partida para 200 persoas máis que fai un ano e 460 máis que en 2013. Nos últimos anos, soamente o Ano Xacobeo de 2010 rexistrou mellores cifras.

As rúas Augusto González Besada, Foxo, Travesía Foxo, Rosa Bahamonde e Paseo de Calvo Sotelo contan dende hoxe con estacionamento gratuíto limitado no tempo. Os días laborais en horario de 9 a 13h e de 16 a 21h só se poderá estacionar un máximo de hora e media débese colocar o reloxo indicador da hora de chegada O Concelleiro de Seguridade, José Ramón Magán, explicaba as características deste sistema de estacionamento limitado no tempo que afecta a un centenar de prazas.

En Noticias 13.30h contamos a actualidade de Tui e do Baixo Miño

Dende mañá 1 de novembro o estacionamento nas rúas Augusto González Besada, Foxo, Rosa Bahamonde, Travesía Foxo e Calvo Sotelo será limitado no tempo ao implantarse de novo a zona azul.

A peonalización do conxunto histórico de Tui podería ser realidade antes de que remate este ano. A súa implantación realizarase de forma gradual segundo avanzou a concelleira de Patrimonio Carmen Núñez.

Estes son parte dos titulares de hoxe:

- A peonalización do conxunto histórico de Tui comezarase a aplicar de forma gradual antes de que remate o ano

- Dende mañá volve a funcionar en Tui a zona azul

- O domingo celébrase o I Concurso de Pintura "Pinta Tui"

- Deputación Pontevedra e Fomento pechan un preacordo que garanta o cumprimento do programa dos castros da provincia

- O Rosal estrea nova sinalización na rota dos Muíños do Folón e Picón

- Sos Tomiño Baixo Miño estrea nova sede no Rosal

- O BNG da Guarda aposta por planificar a mobilidade global da Guarda

- Andatui organiza unha andaina para esta fin de semana

...

A Deputación de Pontevedra e o Ministerio de Fomento veñen de alcanzar un preacordo que permitirá o total desenvolvemento do programa de posta en valor dos castros da provincia e desbloquea a situación dos traballos que se están realizando nos xacementos da provincia. Na nosa comarca, os castros que se beneficiarían deste programa son o de Altos dos Cubos de Tui e A Cabeciña e Oia. A deputación viu traballando nos últimos meses no Trega na Guarda.

O equipo redactor do Plan Especial do Conxunto Histórico fixo entrega onte no concello do documento definitivo do Plan Especial de Protección do Conxunto Histórico, que agora continuará a tramitación no concello. Precisamente o equipo redactor reuniuse onte co alcalde, a concelleira de Patrimonio, e técnicos municipais para dar explicar o documento entregado e as modificacións realizadas no mesmo, referidas a ampliación de documentación e cuestións técnicas.