Son distintas as propostas que hai para esta fin de semana en Tui nas que haberá música, magostos, celebración do Samaín,e teatro.

O alcalde de Tui, Enrique Cabaleiro, o xeneral xefe da Brilat, Luís Cebrián, e o presidente do Grupo Filátelico de Tui, José Manuel Troncoso, inauguraron esta mañá, na Sala de Exposicións Municipal, na Área Panorámica, a exposición “Militaria II. Tui e a BRILAT, 50º Aniversario”. Trátase dunha mostra organizada polo Concello de Tui co gallo do 50 aniversario da Brigada de Infantería Lixeira Bril-Brilat Galicia VII.

A Garda Civil procedeu ao desmantelamento dunha organización criminal que se dedicaba á distribución e venda de droga no sur de Pontevedra e que tiña como base de operacións o Baixo Miño. Os axentes da Garda Civil detiveron á totalidade dos integrantes da banda, 11 persoas, todas elas de nacionalidade española. Unha vez realizados os arrestos, rexistráronse once vivendas en Tomiño, Oia, Mos e Vigo onde se incautaron grandes cantidades de droga, cartos e material para adulterar as substancias.

A actualidade de Tui e do Baixo Miño está nos informativos da Radio Municipal de Tui. Estes son parte dos titulares de hoxe:

- Aprobada inicialmente a ordenanza que regulara as axudas de emerxencia social en Tui

- Entregado no Concello de Tui o documento definitivo do Plan Especial de Protección do Conxunto Histórico.

- Esta mañá o alcalde, Enrique Cabaleiro González, xunto co xeneral xefe da Brilat, Luis Cebrian, inaugurou a exposición "Militaria II. Tui e a Brilat".

- 11 detidos dunha banda con base no Baixo Miño nunha operación contra o tráfico de drogas

- Veciños do Conxunto Histórico de Tui acordan realizar un censo

- Diferentes confrarías de San Telmo reuníronse no Porto para estudar unha posible unión

- Fin de semana con música, magostos e samaín en Tui, no Liceo Casino Tui, no Betún, en San Bartolomé, Rebordáns, Pazos de Reis e Areas.

- A Agrupación Musical do Rosal celebra os seus 30 anos este domingo cun concerto moi especial

- Migallas Teatro actúa mañá no Rosal con "Pegadas de Castelao"

- "Menú do día" na programación cultural de Tomiño para esta fin de semana

- O Samaín centra as actividades de Cultura A Guarda desta fin de semana

- C.s. Fuscalho acolle hoxe ao colectivo Harraga

- Hoxe celebrase pleno en Salceda

- Calendario deportivo para esta fin de semana

- A DGT intensifica a vixilancia durante esta ponte

O que acontece en Tui e no Baixo Miño recollémolo nos informativos da Radio Municipal de Tui

Este mediodía o presidente de Portos de Galicia, José Juan Durán, visitou o porto da Guarda para comprobar o estado das obras do novo espazo que estase a construír para a Confraría. Trátanse dunha localización no peirao que permite achegar a actividade da Confraría. As obras contan cun orzamento de 43.000€ e deberán estar rematadas, segundo confirmou o presidente de Portos de Galicia, en “aproximadamente dous meses e medio”.

A unidade técnica de Educación avaliará as necesidades de accesibilidade no CEIP nº1 e no CEIP de Rebordáns en Tui logo de que o alcalde, Enrique Cabaleiro, tratara este tema onte co xefe territorial de Educación, César Pérez Ares.

O rexedor tudense valorou positivamente o encontro xa que dende a Consellería asumen a competencia de dotar aos centros de accesibilidade, e se comprometeron a estudar de forma inmediata as actuación a acometer.

Oito horas son as que disporán os artistas que participen no I Concurso de Pintura “Pinta Tui” organizado polo Concello de Tui, ACITUI e Efectos para crear a súa obra con Tui coma temática. Será o domingo 6 de novembro entre ás 11h e ás 19h. Hai dúas categorías de participación. Maiores de 18 anos poderán empregar óleo, acrílico, acuarela, sanguina, carboncillo, tintas ou ceras sobre lenzo cunha dimensión mínima de 40 cm e máxima de 120 cms para crear a súa obra. Tamén poden participar menores de 18 anos.

A inscrición está aberta ata o sábado 5 na persoalmente na Oficina Municipal de Turismo de Tui ou no correo [email protected] aportando o nome e apelidos, DNI, enderezo e correo, teléfono, e a aceptación das bases.

A Adega Valmiñor, con viñedos no Rosal e en Tomiño vén de recibir o premio ao mellor Albariño branco do Mundo no certame irlandés Gold Star Awards. A adega situada no Rosal recibiu o dobre galardón de mellor viño por baixo dos 20€ e mellor viño a nivel mundial. Un premio que logra competindo con máis de 600 viños de diferentes partes do mundo. A directora comercial da adega, Cristina Blanco, salientaba ademais que trátase dunha cata a cegas na que non hai ningunha pista sobre qué viño están a probar nin interese comercial por parte dos organizadores.

O alcalde de Tui, Enrique Cabaleiro, e a alcaldesa de Tomiño, Sandra González, presentaron esta mañá á conselleira de Medio Ambiente, Beatriz Mato, o proxecto de senda fluvial entre estes dous municipios. Este percorrido forma parte a súa vez un proxecto transversal con carácter transfronteirizo e estratéxico dos concelleiros ribeireños de unir de forma peonil dende Salvaterra ata a Guarda na beira española, e dende Monçao ata Caminha na Portuguesa.