Alberto Núñez Feijoo adiantou onte no seu discurso de investidura a construción do enlace de Areas da VAP Tui-A Guarda e o novo edificio xudicial en Tui. O alcalde de Tui, Enrique Cabaleiro, valourou este anuncio coma significativo e lembrou débedas históricas da Xunta coa cidade coma o novo colexio de Pazos de Reis e as rotondas de Areas e Guillarei.

Tui acollerá a próxima semana do xoves 17 ao domingo 20 o concurso permanente de Juventudes Musicales de España en concreto nas probas de piano, clavicémbalo e órgano. Andrea González, directora do IKFEM e membro de Xuventudes Musicais de Tui, daba conta da celebración na cidade deste evento.

Estas audicións, que se celebrarán no Teatro Municipal, na igrexa de San Telmo e na Catedral,serán abertas ao público. Participarán unha trintena de xoves músicos de toda España.

O San Xerome Emiliani, en colaboración co Centro Juan María de Nigrán e cos concellos de Tui, Tomiño, A Guarda, Oia e O Rosal, lidera un proxecto baixo o título “un Baixo Miño para todos”. Busca facer partícipe e coñecedora á sociedade da realidade das persoas con discapacidade á vez que se favorece a interacción destas persoas coa súa contorna.

Dende o pasado día 1 e ata o 10 de xaneiro está aberto o prazo para presentar as solicitudes de autorización de instalacións para postos no mercado semanal dos xoves para o ano 2017. As solicitudes presentaranse no modelo normalizado aprobado polo concello que se pode descargar da web municipal.

O concelleiro do Mercado, José Ramón Magán, daba conta desta convocatoria solicitando aos vendedores que sexan rigorosos tanto na presentación da documentación coma no pago das taxas, neste proceso que se realiza anualmente.

Esta convocatoria vai dirixida a aqueles vendedores que xa están autorizados xa que polo momento non se abre a novos postos. Anunciaba amais controis rigorosos dende xaneiro para verificar que todos os postos cumpran os requisitos.

A actualidade de Tui e do Baixo Miño en Noticias 13.30h

O 25 deste mes celébrase o Día Internacional contra a violencia de xénero, motivo polo que dende o concello de Tui se poñen en marcha dúas iniciativas. Dunha banda convócase por noveno ano consecutivo Concurso Fotográfico/Literario Relación Home Muller 100% Positiva, e por outra o Concello súmase á campaña “En negro”.

O concelleiro de medio Ambiente de Tui, José Martínez Tato, vén de reunirse cos seus homólogos do resto de concellos da provincia co gallo de acordar o novo plan Revitaliza da Deputación de Pontevedra que busca reducir drasticamente o lixo a través da reciclaxe en compost.

A actualidade de Tui e Baixo Miño deste luns, 7 de novembro, en #Noticias1330. Estes son parte dos titulares de hoxe:

- Tui espera sumarse ao novo Plan Revitaliza da Deputación Pontevedra para potenciar a compostaxe.

- O Concello de Tui convoca o noveno Concurso Fotográfico/Literario Relación Home Muller 100% positiva

- Unha persoa resulta ferida despois de saírse da vía e caer por un barranco en Tui

- Valença contará cun orzamento próximo aos 20 millóns para 2017 e potenciará a Eurocidade

- Afaga Alzheimer impartirá en Tui o curso de "Xuntos no Coidado" que comeza mañá

- A Biblioteca da Guarda, premiada co galardón María Moliner

- Un grupo de voluntarios de Salceda elimina máis de 70 niños de vespa velutina

- Mañá preséntase o libro de humor gráfico "Manual de Escola" no Rosal

- Esta fin de semana celébranse as I Xornadas Micolóxicas organizadas pola Asociación de Praceiros do Mercado de Tomiño

- O Penedo, Oscar Carrera, Óscar Graña e Ramón Ferro, galardoados pola Federación Galega de Piragüismo

....

A actualidade de Tui e do Baixo Miño en Noticias 13.30h

Mal dato o do paro na comarca do Baixo Miño o pasado mes de outubro xa que o número de desempregados subiu en todos os concellos e sectores. Hai 392 parados máis, unha suba que obedece sobre todo ao incremento en Agricultura e Pesca e no Sector Servizos ao rematar os contratos estacionalizados refidos tanto á campaña de verán no sector servizos coma á colleita na agricultura.