Sete son os tudenses que teñen participado nuns Xogos Olímpicos, o último deles foi o padeeiro Óscar Carrera Amadi en Río 2016. O seu nome figura dende esta mañá na praca situada na rúa Olímpicos Tudenses, a caron do Centro Interferado e dos centros de remo e piragüismo.

Óscar Carrera logrou o diploma olímpico ao ser quinto no K4 1000 metros este verán.

O seu nome súmase aos dos padeeiros Enrique Míguez, bronce en Los Ángeles 84, e Pedro Areal, os remeiros José Ignacio Bugarín, Jacobo Moroño e Jesús González, e ao atleta Frank Casañas.

O concelleiro de Deportes, Laureano Alonso, acompañou hoxe a familiares de Óscar Carrera, concentrado en Madrid, na recolocación da praca.

O Concello de Tui convoca o proceso para cubrir prazas de arquitecto e técnico da adminstración xeral para o departamento de urbanismo e crear unha lista de reserva. As bases da convocatoria pódense consultar na web municipal. As solicitudes para participar neste proceso selectivo poden presentar ata o 27 deste mes. O concelleiro de Persoal, José Ramón Magán, deu conta desta convocatoria en declaracións á Radio Municipal.

O que acontece en Tui e no Baixo Miño está presente nos informativos da RMT

Dentro do proxecto “Recunchos urbanos” o concello da Guarda rematou hai uns días a rehabilitación da rampla do Pirún, que se executará en 2005 para dar acceso ao Porto e que estaba en moi malas condicións polo que xa o ano pasado tivera que pecharse. As obras melloraron a rampla con mellor accesibilidade e amais creouse un mirador con excelentes vistas ao Porto.

O Concello da Guarda vén de rematar as obras de asfaltado dentro do “Plan Marco: Mellora de camiños de titularidade municipal de acceso a explotacións agrarias 2016” nos camiños de acceso ás explotacións agrarias no camiño entre Cividáns e Pintán, coñecido coma o camiño do Toxal.

Levouse a cabo o pavimentado do camiño con recollida de augas e rehabilitouse un tramo empedrado. Explicouno o alcalde da Guarda, Antonio Lomba.

Hoxe comezan a prestarse novos servizos no novo Centro de Saúde de Tui na rúa Casal Aboy. En concreto os servizos de tardes súmanse dende hoxe aos de urxencias, que comezaron o pasado día 30 de setembro, no novo ambulatorio. En concreto trátase dun médico xeral, un pediatra e dúas enfermeiras. Amais tamén hoxe a Unidade de Fisioterapia que presta atención en xornada de tarde tamén son no novo centro, mentres que as de mañá continúan no vello centro.

O Concello de Tui comezará a próxima semana o proxecto de sinalización do conxunto histórico que deberá estar rematada antes do 31 deste mes. Así o explicaba a concelleira de Patrimonio, Carme Núñez.

Este domingo prosegue en Tomiño a programación do Outono Cultural. Ás 19h no Auditorio de Goián Malasombra producións presenta “Go on”. O prezo da entrada é de 3€. Deunos conta desta actividade a concelleira de Cultura, Cristina Martínez.

Mañá ás 12h hora española haberá un encontro de fútbol solidario a favor dos bombeiros voluntarios de Valença no estadio Dr. Lourenço Raimundo. Enfrontaranse os veteranos de distintos equipos portugueses cos veteranos do Celta de Vigo. E amais no descanso do encontro haberá unha homenaxe. Contounolo o vereador de desporto de Valença. José Monte.

Inside out, ou do revés, o filme gañador do Óscar á mellor película de animación no 2015 no que se narra o funcionamento das emocións nunha adolescente, chegará á Guarda este sábado na primeira cita do ciclo de cinema infantil da vila. A concelleira de cultura, Elena Baz, convida a toda a familia, non soamente aos cativos, a desfrutar do cinema. A cita será este Sábado ás 17.30 no Centro Cultural.