Tomiño e Cerveira continúan a achegar lazos no seu obxectivo por integrar as poboacións de ambas localidades. A última iniciativa, trátase de potenciar un programa piloto ao abeiro da Axenda de Cooperación Trnasfronteiriza que as dúas vilas presentarán no Programa Europeo de Cooperación España Portugal, POCTEP, e co que se busca lograr fondos para potenciar dotacións e servizos.

A apertura da rúa Ourense, vella aspiración da cidadanía tudense, será unha realidade en 2017 ao avanzar a bo ritmo a tramitación dos proxectos. O concello estuda as dúas alegación presentadas á primeira fase da obra e a finais de mes podería comezar o proceso expropiatorio fixándose ás obras para os primeiros meses de 2017. Mentres a finais de mes irá a pleno un expediente para habilitar crédito, con cargo ao remanente de tesourería, para a segunda fase - ata a Avenida da Concordia- cuxo proxecto está xa redactado. Así o confirmou o alcalde de Tui

A actualidade de Tui e do Baixo Miño en Noticias 13.30h

A música latina, pero "agalegada", invadiu hoxe o Paseo da Corredoira con un dobre obxectivo, gañar un concurso a nivel estatal e tamén, e mais importante, doar leite para SOS Tomiño Baixo Miño. Esta mañá celebrouse o flashmob organizado polo CEIP Nº1 de Tui.

O que acontece en Tui e no Baixo Miño, ás citas para a fin de semana e o deporte nos informativos da Radio Municipal de Tui

O pavillón de Randufe acolle esta tarde e mañá pola mañá as primeiras xornadas técnicas de fútbol sala, organizadas polo Baixo Miño Randufe Futsal, en colaboración co Concello de Tui, a Comunidade de Montes de Randufe e o CEIP Randufe.

Van dirixida a xogadores de fútbol sala infantís e cadetes e teñen carácter gratuíto.

Seis equipos participan este domingo no II Torneo Amistoso de Kaiak Polo “Virxe da Rocha” na lagoa de Cadelas. A proba está organizada pola sección de Kaiak Polo feminina do Club Piragüismo Penedo, en colaboración co Concello de Tui.

O Concello de Tui está a realizar obras nalgúns do pasos de peóns da cidade para axustar as súas dimensións á normativa. En concreto executáronse xa na rúa Colón e Martínez Padín, e próximamente acometeranse noutras zonas da cidade segundo explicou o concelleiro de Seguridade, José Ramón Magán, quen tamén se referiu á peonalización do conxunto histórico.

As noticias de Tui e do Baixo Miño en Noticias 13.30h

Vinte alumnos fórmanse dende hoxe nun obradoiro de emprego no Rosal que permitirá renovar o mercado de San Miguel para crear un mercado de produtos autóctonos.

O alcalde do Rosal, Jesús María Fernández Portela, asistiu esta mañá á inauguración xunto ao xefe territorial deste departamento en Pontevedra, Ignacio Rial.

O alcalde valoraba a creación de 25 postos de traballo con este obradoiro e que permitirá rehabilitar o mercade de San Miguel, co obxectivo de crear un mercado de produtos autóctonos de calidade.